近日時事新聞令我真係非常無奈...
1. 馬頭圍大火4屍5命
上年馬頭圍道及發生塌樓...今年呢又黎一個大火，似乎政府係房屋問題真係無比心機，劏房問題香港早早都有，即係呢活躍係九龍一帶，好似深水步、旺角、土瓜灣、紅磡...
咁劏房其實係咩黎既呢?如果有做地產又或者你本身有住唐樓經驗，一棟唐樓通常都係4至5層多，一梯分兩個單位，單位可能係有800呎至千呎多。香港樓市既歷史，曾經亦都有出現籠屋既時代，一個床位大概係月租500至800蚊，咁由於80至90年代，政府推出公屋及居屋，令市民好快就有機會上樓，唔洗再住白鴿籠...咁由於少左人住，咁大既唐樓單位，業主都要轉營，加上政府亦都有打擊籠屋既問題，當時亦有因為一些大火事件，住戶無法從迫死既籠屋逃生...
劏房其實來源亦都關切黃色事業，我唔知大家有冇「上去鬆一鬆」或者經過做返個「指壓」...一個單位分2或者分成3份，以一個套房格式分隔，即一個細房就會有一個廁所位...咁即係上去拑鐘仔第一時間既服務唔係幫你除衫「起機」，而係沖涼先!
劏房有幾危險?由於房同房間隔可能有業主整得好求其，用木板分成幾份就算了，一旦燒著左，後果係好大鑊...
政府再唔搞好房屋問題，一日都仲有呢個問題發生，林鄭月娥到時肯定比人掟蕉。
2. 警署警長上天橋頂為阻雞苗商人，反跣腳跌落橋死...
警長為左救人心切，係無繩索、安全帽既情況之下，依然去勸阻雞苗商人尋死跳橋...我會覺得死得非常不值，講真呢D唔珍惜生命既人，其實黑心講句佢死好過個警長為佢而死，個警長又白癡既，無工具都咁樣出去搏命，究竟係搏札職?還是搏去浩園?
做野...唔係搏命!家陣咁樣走左，真係唔抵...泥菩薩過江，而家佢就真係中伏了，唔好用「超人」心態去做野，應該係平常心慢慢做，救人係急，但唔係命搏命...
3. 水務署工人沖走
政府做野，離哂大譜!無計好渠口，落雨天仲叫師傅去水渠做野?癡線...不如咁講，係10號風球...我地繼續上天台開工...
總結，香港政府...無用!衣食住行樣樣都處理唔到...
|
