呢排我內心反思左好多既問題...但一直都得唔到一個答案
第一件事，其實係關於車隊既，車隊由開隊至今都有半年啦，但其實會員對車隊既反應都係嘛嘛，最主要係d會員同香港大多數既玩家一樣，佢地係好怕辛苦，怕曬怕熱怕凍怕大風怕跟唔到...其實不如你比個答案我，有咩野你地係唔怕架?踩車，預左架啦好多野，怕既你返屋企好好enjoy放學ICU，講真有幾多人想踩但係無機會去踩去玩...
INFINITY唔應該咁弱勢，不過我都唔太期望有幾多個出到黎踩係有心踩得快，亦都係我只係覺得你肯覆我call，回下我sms...有時打左上fb，咪cm下囉...出黎玩，唔好比大家太多麻煩，亦都係醒目d唔好咁多炒車，我其實唔太擔心阿kenny，因為佢既判斷係比較穩定，但係阿權作為車隊既總教練，我唔知咩原因佢會踩到咁快，但係快得黎有時都會走火入魔呢!次次活動差不多都係要送佢回家樓下我先至安心
我鼓勵有人踩得快，但唔好快到無譜，車散左爛左都可以話草d錢再買過，人死左廢左係無得返轉頭...
第二件事，都係感情事，近排阿得真係好少搵我，我都知佢其實係幾忙，因為佢為要為學校陸運會啦啦隊排練做準備，亦都係我係呢段時間反思過好多有關佢既事，以前係真係幾鍾意人地既，不過人地將自己既價值觀放係邊，呢個好令我懷疑，如果對方都肯擺個心出黎，應該會大家好多時就算忙都好，可能都會留個言或者sms比對方，唉!無囉...
我知道佢係感情上遇到好多打擊，但係我亦想佢能夠企返出黎，容許別人愛，也積極去愛人，我只係感覺到佢係想用工作去麻醉自己，癡的!
我唔知好唔好再投放咁多感情落去，我只怕一直都空等...
第三件事，或者都要講到公司，其實我對呢份工開始係有d悶悶地，即係我開始無咩動力去做好公司每天既運作，好似好唔想去面對個電話，好似好唔想處理投訴，寫野都係求其就算了，我唔知點...
轉工...咁辛苦先至踩到最底工資，而家先黎轉，好似好哂...個D假期同福利又未攞盡，走...唔多服氣，最黑我憎既同事都未有「回饋」返佢，咁樣白走好似好枉過
|
