尋日，2點幾3點既下午，係一個好熱既冬天，眼見窗外隔離屋既玻璃窗反哂光，that's great...好天氣!
不過我還有一個任務要完成，就係幫阿權從LULU屋企攞部DAHON H060，聽到LULU講，個部車七勞八損，其實都幾令我擔心，印象中我知道LULU玩車向來都係好唔小心。
有一樣野，我係想道歉...阿得本來好想我呢個星期日出黎見見佢，佢話有野比我，不過呢個星期都係要錯過了，其一係我頭先真係要幫朋友手，其實我係唔知出唔出去好，我同阿得看似好近...但係出到去好似好唔知點，我唔知點面對。有時，我都想同返阿得一齊，我唔識講...結果我都係推左。
講返正題，去到LULU屋企，我見到LULU出到黎個部車，總算都有返個車型，但再細心睇睇，個後BRAKE打開左既?
當我嘗試整理返，再揸下個手制，唔係呀化?無制既...
算啦，我獨自完成揸返佢返屋企，有前制都好過冇，咁當時做外賣仔既自己，咪又揸住公司個部爛車送成15個好易打瀉既米線...
之後我去操車，由5點幾出去，一操就去到9點，我自問係好盡力操，但係唔夠快，其實都有好多因素既，好大風阻係真既，呢兩日大風既程度真係大得可怕(其實我星期六已經踩了3個圈)
另外呢，同路上無對手，只有一些大姐大叔踩，玩咩?我需要既係同道中人...
仲有少於一個月就比賽，我好緊張...近期總教練無出PLAN比我踩，我反而有D緊張，因為我真係唔知點練...算啦!自己踩多D
做一樣野，唔好指望人地對你有D咩關注，或者提供D咩服務支援，因為一切所作的，是由你身上出發，是自律...唔係他律!
|
