派財仔，又稱為貼財神，呢個點解?中國人認為財神到，係會為家宅帶來財運，即係荷包錢多，自自然就大家生活就好開心啦...

咁點解要派?以前古時，古人認為有要取好意頭，派財神比你，等於財神入屋...好運來!

咁古時亦有會幫既人，咁佢地會籍派財神既形式「收陀地」，但係以前既會幫姐係好似紅花會咁，係講緊團結、抵抗外敵、提防海盜或者小偷之類...咁會幫的派財神，因為平時都有收開陀地，咁一年收到黑總係會令村民唔喜歡，用派財神咪合心意好多囉!

就唔係話好似清明有山頭有d婆仔幫你割草，送埋財神紙，咁你就要比返小小「獎勵」...其實就夾硬來既，死都要爭住同你割草...咁硬都要你比啦!

新年如果你係住公屋，情況就會常見得多，因為屋邨會有邨童(其實姐係個條邨既陀地)，咁佢地用任何方式，總之就掃哂自己個條邨既樓層，拍人地門...

上門醒獅...其實亦係幫會係古時既新年行動，幫會強大並唔係識幾粒字就強，以前係講武力解決問題，咁就自然係武館訓練會內既兄弟手足，武館學武除左學拳腳同兵器既武術，亦會有醒獅...大型節慶可以有提高歡樂氣氛，信仰上中國人傳統認為獅可以驅邪...

點解會有上門醒獅?以前幫會所做的事並非事事正氣，咁都會搞下賭寨(即係賭場)，宜紅院(妓院/夜總會)，煙館(食鴉片的地方)，但呢d黃賭毒的成份通常都令官方不滿，咁幫會就要趁勢新年，有醒獅同官員派年，咁就可以令官員開心，亦係擦鞋既時候，咁係新年期間擦到大官鞋，咁呢d野咪事事順利囉...

醒獅亦係武館之間的會面的禮儀，表示尊重，同時舞獅又可以有鬥獅、表演彩青、搶青塔，既係娛樂大眾，又可以搏到幫會的日後生計。

而家陣既上門醒獅我覺得非常之不專業，獅求求其其fing下個頭就話舞左，獅頭爛既(呢D係唔好，用爛獅見人係非常之失禮，又唔尊重人)，鑼鼓打到都唔知想打乜(手軟就唔好做啦!)

亦都講下d特別例子，香港青衣呢個地方，新年係會舞麒麟，其實都有d關香港既四大家族事(其實應該係5個)...咁香港呢由歷史以來紅花會都有存在，只不過香港人唔相信電影既紅花會係真，陳近南係真有其人。四大家族分為以聖獸作代表，青龍(管理全幫會)、白虎(毒品)、元武(龜，管財，例如賭博業)、朱雀(鳳凰，黃色事業)，咁仲有一個係隱藏既就係麒麟家族，負責做憲兵工作，管理幫內規矩及保護青龍既一家大小。

咁點解青衣唔係舞獅子?其實關於麒麟家族的事，據我呢位該家族的朋友提及，當年他太爺爺在抗日時代努力打日本仔，一路由大陸打到去青衣，而且幸存至戰後，由於幫會為了表揚其出色的行為，分封佢地家族代表為麒麟，工作為守衛性質，而青衣島既後人為表尊敬呢個家族為後世建立和平的青衣同昋港，所以青衣既武館會有麒麟既紮藝同舞麒麟為紀念...

送盤吉，係幫會從前新年送比富豪有錢人之類的禮物，咁就係喻意送來一些祝福，令大家生意來往更方便，吉係送比商家、店東、老闆、富豪之類...

但係今日卻變成高利泰既陀地工具，送吉到人門前，上門收人地錢，自己開價話呢盤吉幾多錢，家陣收保護費陀地，咁你當然要比啦!唔係10蚊20蚊個醒獅仔利是，係10萬8萬咁比，絕對不可能手軟...否則你既鋪頭新年就係打掃破壞後既田地...

所以大家唔好睇呢3種野咁簡單，其實都同歷史既幫會好有關系...

繼samsung同apple推出左smart phone之中既最強，其實當中既漏洞有幾多，我地好難估算到，其實呢d新開發既機，好多野都可能會出現故障而有維修唔到既情況，不過我相信呢d好快會無事...

i phone4我覺得佢係好唔抵突然衰左係個鬧鐘功能，話哂apple係一間地球上最古老而又現存既電腦公司，不過係上世紀20年前，Microsoft將apple打到一條毛都無得剩，其實係非常之慘，而家i phone又出現過呢個問題，令到好多人再一次對apple既可靠能力成疑...

你問我apple既mac機好用定係家陣個個屋企用緊既windows好用...我會答windows...用慣嘛!但真係符合人心意既，我都係覺得mac係快好多...

samsung 個部galaxy s無啦啦咁樣跑出，我會覺得係執死雞執得幾好，但係samsung向來既耐用性都係成為大家既疑問，點解呢?因為samsung既display技術向來都係比較食電、不耐用(顯示器)、未夠人性化(手機programme)...

但係目前就未聽到有人用個部機出現d咩問題，呢下真係好野...還記得samsung以前係學校讀書用個d投射器同埋電腦芒，個學校成個套餐式咁買好多有關samsung既野，結果就真係出事啦...我見到學校係有好多時候都壞，希望呢個問題samsung係手機技術係有改善到...

至於你問我手機品牌之中，未來會係有邊部再整部機王出黎，我會覺得Nokia!眾所周知，香港人用既手機最多就係Nokia，但係我覺得用Nokia係非常麻煩!因為Nokia係偏向程序同埋陳設，即係一個檔經藍芽傳送既時候，佢係唔識得自動波入去自己應該去既file，即係歌仔自己行入去放歌仔既檔，佢係只會入到去「我已接收的檔案」或者「收件夾」(「收件夾」係訊息sms個邊而唔係藍芽控制)，呢d就係豬嘜囉!

仲有既係nokia最令人想鏟死佢既就係N series，呢個系統系列基本上無藥醫，死症!本身個軟件開發得真係好有問題，即係佢既故障率係奇高，大家或者還記得2003至2008年呢段時間，係街上無幾可見到有年輕人用nokia，因為當時sony ericssion既walkman機大賣...

sony ericssion我覺得係一間好合人、手、心意既手機，第一佢既自動化既design，從來都唔洗將個d file左搬右搬(nokia總係要搬架)，價錢平!你部機賣個價合理，咁先至有客會去試呢個產品...

唯一我覺得sony ericssion佢最大弱點係易壞機，即係佢d零件向來都唔係耐用度高，以sony初開發既藍芽手機T310i，相信大家都知道呢部野易壞既程度簡直係令人發傻，另外新機W20i zylo我買左唔係好耐，幾個月佢就掛了，原來佢推機係個底板有一條扁既訊號線，經常會有鬆呀、爛呀之類，即係如果你係用機時經常遇水、汗、搖，或者係因為經常使用係咁推蓋呢...呢部機唔係你味菜...

blackberry向來都幾討好我，因為佢既功能真係有返咁上下，但係基於佢太大部，我覺得真係有d災難，最慘既就係...佢係檔案傳送既技術處理得真係有d問題，因為佢好容易有bug...我老友阿權經常打算用藍芽send下歌仔圖片...經常都對唔到!

motorola係我心目中最失敗既機，我未見過佢出過一部係人用既機，因為佢打字又別開生面用好似人地九方又唔九既輸入法...機完全無吸引性既外殼，機命又短到好可憐...

htc...品質係好好，但係問題就係話佢偏向做強機，唔做雞機...好似smart呢個型號，我覺得不如唔好出好過，太雞了...電池又快用光...呢d唔係解決到問題囉...我以前用htc smart，嘩!3個月到已經中左招，SD CARD個PORT位已經壞左，我真係想頂佢個肺...

至於LG...地獄，我唔想再見到...呢個品牌都係出返家電算了...電視真係唔錯既...手機就真係好失敗

返而我希望Microsoft佢自己肯出一部自己品牌既手機，入面係行windows system既，咁我覺得個成功程度係會好好多，即係佢唔係好似htc以前咁行windows mobile，我係想佢真係行windows xp、vista或者7，簡單真正既直接，莫過於電腦同電話1:1