富不過三代，呢個說話係指有時富有人家的世代，因為過往富裕既生活，結果後代飽食無憂米，缺乏左工作的動力，最後都係還原基本，做返普通人。
我返工既地方，好體會到呢會事，咁我見到既係一d富二代完全唔明白老豆老母以前辛苦既程度，又或者本身父母都係唔多洗辛苦，結果我見到既富二代，終日遊手好閒...
一個我係公司盤之中幾富有既富二代，兩架車，兩公婆，得閒就出去玩下，根本我及我既同事從來未見過佢返工，即係朝早唔係攞住公事包揸車營營役役，聽落個個人都好開心，生活如果係咁...就好了!甚至有女生會諗如果我嫁到比呢條友，生活無憂相當唔錯...
但我唔係咁諗，人無工作，生活真係好空虛，我只係見到一樣野，佢終日自己一個人揸跑車仔去兜風，其實咁樣代表咩呢?佢好enjoy自己去兜風?還是佢係家中寂寞無奈?
我看得出佢係寂寞，我見到呢個人每次揸車兜風，面係無笑容，有錢係咪真係快樂?我從呢個人睇唔到，我相信佢係個檔大廈最有錢個戶，但係點解無笑容?
佢太太就比人感覺和善得多，而且都幾靚女，但係同一個特點，佢同佢先生一樣，笑容唔多，少說話...
我係到諗...呢d係唔係大家閨秀，帶出既禮儀同氣質?我體會唔到，因為我唔明，因為我理解唔到富有既生活，我只係感受到呢位少婦唔敢係先生面前太多言論，好似想保護先生既尊嚴...太辛苦了，咁既生活唔係現代女性應有既生活，即係我覺得仲係好似中國古代三步不得出閨門，要係屋企玩下刺繡、彈下琴之類...癡線...呢d體會唔到咩叫生活同快樂...
有錢點解唔生返個小朋友?或者佢地喜歡自由，但係我感覺到佢地失去一個寄託，先生喜歡打網球聽下音樂，太太喜歡咩呢?燒野食?我未見到太太喜歡既喜好...
生活唔應該係咁，咁樣唔係富有，而係好無止境用物慾解決自己既空虛，那麼富二代何以見得富?
享受生活，工作同娛樂並重，返工拿起公事包努力工作，放工玩得開心d，that's life! |
