香港政府有幾失敗，相信大家都睇到曾俊華點樣比人圍插，甚至曾任權點解係講台上同埋出入時被人掟班腩飯，毓哥點樣係立法會發火...
其實有一樣野我係最唔明白，點解次次政府係咨詢人民意見，總係咁甩甩漏...廣告有提人地提供財政報告既方案...但係點解換來今日咁多人BAND呢份REPORT?我開始質疑曾俊華究竟有冇張大個對眼清楚港人既需要先至寫REPORT...定係我行我素，你講乜，哦左啦!dup個死人頭照樣自己寫返自己野...
曾任權更衰...被人打左下雞心就話要人廠，呢d咪就係無能囉!身為一個官員，日理萬機，身體卻如此雞肋?搞錯呀?你連自己既身體都管理唔好，咁點管家管國?
如果佢答無時間做運動，即係你係你工作處理得不洽當，一個成年人正常係要有30分鐘帶氧運動，不過大家可以睇到呢條友著西裝都有個肚腩仔，咁你就知根本佢做野做到傻左...衛生署叫人每日多做運動，呢個曾生肯定BMI肥佬...有做運動既人，反應係唔會咁遲鈍...我自問我反應唔係話好快，但係曾生咁既情況都避唔到，似乎有D非疑所思...究竟佢咋死定係真係黎唔切反應，呢個留返比佢答...
6千蚊比香港永久居民袋袋平安，咁我係其中一份子，我係開心既...不過我最睇唔過眼就係個D N+1，即係未夠7年既新移民...瓜瓜嘈就講不公平?呢班人我最想鬧，當初入境處實施單程及雙程證，有幾多人只係為左搏個3粒星，仲有既係綜援識得攞，但死都唔去打工，呢D咩道理黎架?派錢既時候，你仲要去扭計想攞?你既良心同埋你既公民意識去左邊?或者你真係未夠7年但係你來港後好勤力...咁又點?咩野叫做優先，咩野叫做主客關係...好話唔好聽，你而家返大陸做野，咪仲好過係香港，咁講真係對換率上，你洗人仔都好過洗港紙啦?
運動方面仲好笑，2023年搞咩亞運?東亞運都睇到入場睇既人少都知咩事架啦?唔係D人唔想去睇，根本平時D人要返工，睇咩姐?講真香港搵食難，你返少日工可能少左幾舊水，生活就辛苦多了...邊有鬼閒情睇你比賽?唔好話...我自己參加單車比賽，我先至知道香港人好少運動，由於無時間運動，咁邊到有能力去比賽?個個返完一日工，做野做到半死咁返到屋企，朝九唔係晚五，晚七?maybe啦?有時可能晚十...
算啦...香港唔好再叫自己做特別行政區，因為係經濟同埋運作上都係死水!叫香港市咪算囉，橫掂都係中共想早點收返哂香港既，民主?係香港真係一堆屎都好過佢...示威出哂成隊兵咁多警察把鬼咩?一係就唔好干預，好似外國咁真係比人叫比人行，一係就乜都無，震壓咪算囉...假仁假義!
|
