近日，我多左同一位已經識左好耐既單車朋友無名sam去玩車，但由此至終，我都唔明白一樣野就係...點解佢係一個90後，但亦都被90後同化左?其無內涵、無經過思考、不健康/體質差既形象...一路係大冷既旅程之中表露無遺，都咪話唔肉酸，亦都係人係咪應該如此?

囂張，即係形容人自以為事，無尊重人，表面可能風光，內裹豆腐渣，3無(無料、無口德、無能)，吹虛自己過去既功德(分分鐘都係老作多過食飯)...可能大家諗，囂張係好似好負面，大家咁諗就錯了，你有料既，要囂張又有幾難??你唔需要同人同化，你唔需要睇人面色，因為你有能力去架於別人之上，可能只係一人之下萬人之上，甚至領起群雄...

老實說，我唔係介意別人囂張，不過囂張之前，可唔可以比d例證去比人覺得你係有能者，講可以天下無敵，做就仆直...唔通呢d都叫收貨?笑死人家個仔啦!即係串嘴串得有道理既，我唔介意你繼續我行我素，因為你真係有個份power係入面，而且係囂張之際你會留返少少下台階去比人走，你威時我有得走，我服!

相反，你真係拆人招牌既，令人難受既，第一我希望被拆招牌既真係有錯，用囂張既手法去令人改善，亦未必是一件壞事!第二，對方比你更囂張，黎一招以毒攻毒，落對方馬，咁係會拆到對方一蚊都唔值，不過咁樣都可以令對方囂張之勢下降，咁你就可以攞返個發球權，不過攞到發球權個時，您就應該要收手，凡事太盡...緣份誓必早盡唷...

自問也曾有囂張之時，不過已經係過去事，兒時未知自己所謂既能力在那，結果去跟別人鬥，最終梗係慘敗而回，成為眾人啼笑不絕既對象，自此我零可做一個踏實而誠實既人，有咩就講，有咩值得做既先做。

呢樣野90後又有幾多會去了解點樣做，又有幾多90後因囂張比人打到嘴都爆埋，因為今日90後好多都係家中既「人中龍」，佢就係屋企作威作福，屌!傻福就有一個，白癡既就有一個，對住家中既傭工或者爺公麻婆就大發雷霆!食後台，自己無料到，最終係包裝包出禍，唉!出到大社會咪仆直囉!