係我臨放假之前既上班時間，Sam(無名)打電話比我話約我出去踩車，咁我見難得有位準會員咁有心想我呢個老鬼踩，都算有心囉...
佢一開始就問我大冷點踩，我個下chok左...呢件蛋散同我大冷點踩?不如問大冷佢搞唔搞得掂..是否有足夠體力完成之類既問題好過?咁我一路都有答佢有關大冷既問題，但我發現一樣問題，SAM一直都介唔甩既就係一份囂張得令人頂佢唔順既性格。
即係其中佢問我大冷邊到最難踩?佢問埋我係咪大埔道...我答唔係，最難踩係青公洪水橋段...(大家可能會問乜唔係青公青龍頭咩?)其實係有原因既，第一因為係屯門嶺南一過左富泰對開最後燈位個時，左邊行車線會有極急既車輛衝下，形成左邊有強既氣流，有機會被吹返部車，同時左線分隔區有大量石仔同垃圾，又係滑胎黑點...洪水橋段仲有D車房區、買賣車區、改車店，有D車迷會即場操刀就係去試件、玩玩車，玩得既就預左快架啦!所以也不難見到青公洪水橋既地面有不少既「閃粉」(即玻璃粉)及「汽車屍骨」(交通意外後汽車既零部件碎)
SAM佢答:好簡單之嘛...一個囂張既性格，面對一段危機隱藏度咁高既地方，居然同一個經驗之人講好簡單...真有膽識~!
好!我成全佢，我比佢上大冷，大車SAM又JOIN(LULU兄既朋友)，教練權其實都有炸型話同佢踩大冷，佢咁慢點搞呀?我唔係計較佢快定慢呢個因素，我係要將不知死活既肥仔SAM澈底地打破佢既「自信」...結果係開題既係阿SAM，踩到要人等既係佢，問路要人救又係佢，上大埔道上富山果個坡仔差點唔夠力上既又係佢，踩車亂黎CUT人線比大車SAM屌既又係佢，老實講我第一次踩車咁燥底!我真係屌人屌到唔想講野，因為肥SAM係我識佢咁耐以黎，最無進步空間、最囂張又無料(你有料好似教練權串得起我比你過關)、最唔經大腦思考說話同分析既都集於佢一個人身上，只係佢比當日我係街車界識偉哥好少少(偉哥係完全無作用，即文同武都唔知有咩得)
大冷既過程當中，無名SAM係比我拆到佢招牌無剩，仲要比人係咁屌哂粗口係咁推，我唔想咁做，但無奈佢唔肯比個心去快踩一點，佢懶?未必...衰在係比一個借口自己去懶，賴尋日自己去操兵乓打左8個鐘(得你累既?我返工12個鐘，平日踩車來回大埔同北區，仲要有操車又點計先?)第二個理由係健康問題高血壓，如果大家識佢既，都知道佢係肥人一個，佢就話呢個係屋企人遺傳，不過就輕度既，正常人PULSE係80-100，佢行150...咁好明顯呢個情況係有得改善啦!高血壓唔係無得改，第一係每天要保持運動，以減少自己既多出脂肪，第二食野既，少油少鹽少糖就梗局，仲要係高血壓人士不易飲酒，否則會好大鑊...
對運動有耍求既，盡量唔好比自己有一個懶既借口，借今天天氣很凍很熱，借今日有好多野未處理，借尋日開工好辛苦好累，比自己有一個理由去說服及暪自己，呢個係絕對唔岩既舉動...應該要積極咁去睇一件事，我為既係興趣，速度係我對生活提供刺激，每天運動既健康重要性...
大冷既DETAIL我唔想多講，我返而想講上星期有師兄踩大冷過左身既地點青龍頭，我今日見到該死者出事位置放左好多花圈之類既野，以表對死者既不幸感到難過，反而你問我會唔會放花或者其他野，我唔會...因呢次意外係佢人為，多過小巴佬做成...
之後踩哂大冷，我仲同大SAM一齊去左創新路玩，我係獵人其間見到石油隊阿K，之後同佢交劍...唉!換左MARTRIX，只係技術上有一點點進步，但係策略性都係欠...
|
