阿SAM，即係無名呢佢就由之前屋企人極力反對佢踩車，家陣就莫名其妙地比佢上大車，我都比佢地吹哂脹，聽住先啦...佢屋企人向來都係大隻講多過做既，係阿SAM單純佢放機會比佢地也文也武...我唔係想譏諷心態講呢番說話，而係想講香港大多數父母都有呢類咁既問題，即係好似個D「第時帶你去邊到玩...」屌!第時即係幾時?講果個都無腦!細個咪拍爛手掌叫好，大少少既我已經會答:聽住先啦!你搞得成先算...(講真我屋企人都甩過我好多次底)
言歸正轉，sam向來手車都係...大家心照!快慢都已經係其次，而係佢炒車既次數依然係我個班車友既新高，即係車都未揸得定堂胎就想快快快個類，問心個句，想死快d一轉和合石下坡囉，個到近呀...
換大車，聽落就開心事，不過就怪怪既感覺，以一個雞級到不得了既人，連小輪都慢到九彩既，其實好老實講...你不如踩返細車，練返好少少個人再算...不過既然佢屋企人話整部大車(記住係聲稱未知係唔係袋袋平安架)，咪整囉!
我既意見: 若預算在HKD$10000內，GAINT SCR(太雞同租車分別不大)，GIANT TCR1(1:1，但好快要換架)，建議用GAINT TCR3，TCR5，襯車件大若係shimano 105或者ultergra，足夠有餘!如果budget over $10000，可以考慮cannondale caad 9或者10襯shimano 105(呢個係當時angus既車，可惜佢買錯車架大小，15幾cm既人用50cm車架，唔踩到趴算偷笑!)
cervelo(所有系列不要買，體力未達標)，pinerello(太難踩)，trek(太貴，而且踩得動既最多只有1系車)，specialized tarmac個d可以考慮(荷包問題)，kouta(廢!)，fuji(廢，上山先有用)，martrix(未有足夠證據顯示能力所在，未敢下定論)，merida 903及905(最經濟性考慮，但係會唔會太睇低自己既能力呢?)，bmc(有錢先講)，colnago果樂果(好車，不過都係要錢同埋要記得佢既反常理既設計特性，上斜反常輕腳，平路反常重腳，踩上去先知)
唉!自己無乜貨，揀既車真係少之又少，練多排先啦!呢個衰仔阿四仲叫人買GIANT OCR(即係炭架車)，食屎啦!新手踩炭車唔係唔得，炒車個時害死對方姐...一係就成日換架，一係就CARBON插腳，兩樣野都係大件事...我零可鋁架平車玩起，炒左車最多執返起部車換件，起碼無咁到肉! |
