尋日，我放工返到屋企，我係坐小巴返，咁其實覺得坐公共小巴、巴士、火車都係非常之慢，因為我半個鐘真係可以由大埔既家中，返回3個公司既工作崗位地點，包括嘉盛、山翠以及上水明珠...上水既崗位就當然要35分鐘啦!因為當中都係上水火車站一帶係有好多人阻同燈位...
咁我一返到屋企，我媽就開門比我，星期日嘛...我阿媽都唔洗返工，咁當然係屋企啦!不過我細佬就仲要返工...唉!佢份工真係太少假期，講真放假個時已經累到躂皮...咁我都唔知仲有咩好講!
另外呢，尋日仲有我阿姨個鄰居租客曾太提供了一個三角櫃，果個櫃真係重到趴係到...即係我想講既係個結構佢唔係用個d夾板或者叫做蔗渣板，我就覺得係幾好，但係呢實木既傢俱真係太重了...
同時我下午時間係做洗車既工作，講真我部tyrell真係實在太污漕啦...個飛輪係黑到見唔到半點既銀色，咁梗係要洗啦...一洗之下，我諗起好多野，以前我洗車，大多數都用成幾個鐘先至係上水既舊居洗好，家陣完全唔洗，1個半小時，我已經洗得好爽...因為我而家新屋我可以用天台好闊落既位慢慢去洗，基本上我係唔洗諗點樣去就個d油會唔會彈到就屋都係係，而家洗車係大力噴灑個隻finishline車蠟，噴到周地都係囉，大不了咪係屋企天台用條大水喉噴水整返乾淨個地下...
咁我屋企尋日食飯，我有邀請埋阿權，講真阿權絕對有資格埋台同我屋企食飯，我視佢為親信，亦都係佢係車隊入面建立好多野，即係佢制作不同程度既訓練，導致我今日可以有機會嘗試參賽，至少我今日既能力及程度，我至少唔會包尾...去左富善食野，個間野都幾好食既...
之後同阿權去左科學園個邊玩車，咁我地亦叫埋kenny出黎，咁kenny就真係比以前快左少少既，即係我覺得kenny係而家真係快過我細佬了，我細佬好耐冇練車，亦都係好耐冇出黎踩個部小輪...成日都踩梗牙!不過kenny既技術水平都仲係好參差，即係我覺得佢跟我地踩，佢就可以踩到好快好有比賽性既跑線，但係如果佢拉頭由佢帶車，咁就真係相差得遠了...因為佢自己既發揮下，唔會有好放膽既表現，即係條路線可以踩快，都仲係忍住唔入去，係...有時真係好危險!但係練習既地方同精要就係呢一點...
咁其實我就覺得尋日阿權教既迴旋處起步法幾實用，不過我唔明白一樣野就係tyrell係轉彎既時候，總係好強差人意，即係好難係迴旋處發揮得很理想，點講呢...?或者車架輪距長，令個轉向有所限制，呢點係我以前IVE讀車領會到既事...不過呢都係要盡力刻服，因為迴旋處係一個好重要既要塞，輸一個停車場彎都未係最緊要，輸埋迴旋處，咁就係真係無野好講...
尋日都黎左一場同KENNY既PK戰，KENNY既進攻明顯係唔夠進取，其實佢係可以踩快一點，不過不消一刻佢已經比我LEAD頭佔左位上左去...阿權...我完全追唔到佢...佢係彎路既精準度我往往都無佢咁準...我有嘗試用外線抽前法(SKY以前同我玩車GAME教落)，但係佢既體力真係比我強得多，我無法子過到佢...
之後我送佢地返上水，同阿權食下雪榚，吹下水...都幾開心既!之後我自己一個人回家，大窩西回家既路上，都係好平靜，有少少逆風，我可以用TT BAR行哂成條路，唔錯!
單車，踩極都係咁有時都幾悶，唉!講真我覺得踩到咁上下...真係要去下其他地方踩下，鹿頸...我好耐無出現係個邊，以前個個星期五...而家半年都唔去一次...
|
