以前，係屋企的自己，我就會覺得放工返到屋企，開著部電腦，就係一個自然既舉動，因為放工返到屋企，上去yuotube睇下d低能片比自己笑下，又或者好似而家咁打下日記，係一件好正常既事。
但係我家陣屋企未整上網，我就會覺得好自然，我唔知點解會咁...新屋比我感覺很有活力，我好想係屋企做唔同既事，例如家陣屋企有隻貓，玩下貓啦...屋企有電視睇下電視...屋企有露台睇下出面既大草園!每一日變得好吸引!反而覺得自己係無乜動力上網，即係覺得無網絡既世界既自己，反而變好正常...感覺係覺得唔上網都係一件平常...
頭先提及貓，我細佬近日領養了一隻小貓，都幾可愛既!不過唔好睇少呢隻野，幾惡死架...我第一晚見到佢，佢覺得我默生!我行埋去，佢居然張大口兇我!?我回禮兇返佢，miu~一聲...佢好驚!但又好好笑...之後我一路咁睇電視，佢就一路周圍爬...佢爬下爬下，訓左係我屋企當時搬屋一直未有處理既紙箱入面訓左...o哂...由於我要避免佢係個d物品上拉屎，我放返佢入去佢自己個紙箱...
踩車方面，我終於有機會指示到阿權考慮一下科學園創新路既比賽路線，咁佢就話:條路線好沉悶...對!呢個亦都係我想講既野，香港既比賽路線...就係咁dry...運輸處批得既地方...我唔多喜歡!
咁亦都係，阿權教左我些新既單車知識同埋搖車技，真係好實用，亦都係比以前省力得多...不過呢我地都遇到不爽既事，話說...阿權個老頂有日想我出黎，理由係...睇下我既實力去到邊到?不過阿權當日不斷打比我，但我冇接call...兼且...原來佢老頂安排左唔少既車手同我踩，睇下我既情況...(呢個係我之後先知既情況)
由於我甩左底，佢老頂不大高興，阿權又費事佢老頂操到我半死，所以呢...當晚係大埔，我地以一個避難性既情況下，不斷要避!我地本來要去rainbow食下野，點知係大埔官中巷仔一出，一部法拉利泊左係到，PK了...老頂係苑記食緊野，速逃!!!
我地去左松記，食野之際，佢老頂真係打比阿權，唉!死得...頭先已經比人見到了...不過阿權用一個不斷推既方式，叫佢老頂唔好黎我地個邊...唉!總算逃過一劫...不過一浪接一浪...我唔知佢老頂係唔係派人搵我地，一出兩個人...giant 既t:mobile，平平地都有2萬5既shimano件版...嘩!但當晚仲有再可怕既車，阿權話估計有百多萬出現左，omg...
|
