我近日又炒車，不過今次呢就唔係自己失平衡又或者高於掛欄之類...

今次人地後輪同我前輪發生衝擊而炒車...就咁既...當晚我自己一個係創新路玩車，咁我無意中見到石仔...傾下傾先至知，原來佢就係當年我小學同學余茵既現時男友，世界真係細...

咁之後玩玩下又見到gas delivery cycling unit既人，咁我識到美女enya、阿k、steven...仲有我嘉盛既客底阿文!好啦!幾個一齊玩快車，就係呢個moment就出事啦!

我係同阿石仔一齊快既時候，我比石仔既後輪向右一kick，42km/h右向左旋轉式墜地...起返身...一d傷都無?奇蹟!

石仔見到我炒車，佢心情明顯係難過，傻既...玩得車，就要預左有風險，亦有開心既事...

之後，我起返身...再踩車，一樣照飛...居然係gas delivery cycling unit發現有個快人係阿k，佢係用merida 905，老實講係我眼中係廢既車，但係係佢手上踩真係有返咁上快...

至於steven用cervelo，我睇到眼都傻埋，我未見過cervelo慢成咁...

阿文個朵...小白兔，爆笑!

最後一場私片之下，我win左...成班gas unit既人士無不驚訝，老實講話哂我係比一位亞太區三項鐵人冠軍訓練出黎，係要有返咁上下，我背負呢個名義，唔係亂黎!

阿k話:「追唔到...」大車都追唔到，公平d用返細車你咪比我放飛機?比我用大車仲大鑊，阿k死硬...我有好大包單係可以放15個車位以上...

尋晚，我係山翠工作期間，無意中發現自己既手機壞左，咁壞又唔係大又唔係小，而係壞個機身聽筒位，真係滑稽~sony ericssion既機有時壞就係壞埋d好濕碎既位置...但係無佢又唔得wo!呢d先至係屌鬼既地方...

咁好啦，訓醒就諗住去d手機小店整，點知呢好多就叫我去sony ericssion整，又或者佢地真係無技術同零件...

好啦，去到sony ericssion果個centre即嘉樂坊(d女仔一定知樓上有彩興行)...頂!sunday dayoff!

咁我轉移陣地去左先達廣場，上到去...唉!鬼死咁多人，完來先達廣場係公司盤...上到去頂樓，我發覺呢間先似係整手機既地方，咁我攞左部機去整，搞左半個鐘之後，佢店員就話:「你部機個底板入面有d軟線斷左，咁就要留係明天先有得攞...」唉!真黑仔...買左返黎...又只係用得果個幾月就死埋呢d野...

到我返到屋企，其實我都好無奈...平時部機跟係身架嘛，今日無機係身有點不習慣...

出車，一路上都係空空如也...係大埔、科學園附近，都無乜人...咁就覺得創新路真係有點荒涼...去到公廁個邊，有兩架大車cannondale泊左係到，一部係我好喜歡既slice，一部係舊少少既我唔記得咩型號...

自己一個操programme，其實都幾無奈...因為呢一路上真係悶到抽根，唔同話星期四灰銀咁..大把車係到一齊跑!

programme內容照舊唔講，呢個係慣例...之後返屋企，23:00到...

唔知操緊乜，係快左丁點既...不過呢唔係好覺個改變係邊到，是旦啦!操到咁上下，已經不錯了...