尋晚獨自去偷歡...唔係去玩女，玩車咋!咁尋晚都好多車出左黎，有d車手都幾sweet咁拖埋女朋友出黎玩，當然我仲未見到有強勁既女將出現，但係我無意中見到我小學同學余茵，不過我諗佢認唔出我，講真我成副武裝咁上場，又唔係平時出街look...
咁尋晚係創新路入場人士既人次大概係60多人，其實都幾爆場架...咁一路我自轟五個圈既時候，其實都吸引到唔少既大車朋友追逐，例如有cervelo裝左606出黎有前後地追蹤...阿洛係我第三個圈出現但一陣間就消失了...有不自量力既小輪車男女將嘗試跟隨我，但係無奈佢地兩個圈就已經返左公廁抖抖...
尋日我既成績5個圈個人計時係約37分鐘，成績算係咁上下，其實我係有點未太滿意，因為我自己就覺得d大車經常係個路面係碌車，令到個路面情況好塞，本來想行理想既路線，但變相就係話比我聽...要快快過左佢地，咁就會興鬆得多...第一圈係最順暢同埋最舒適，基本上人阻車阻風阻3個條件都處於理想，第二見到自己要回氣，但偏偏就有強風扞擾，唉!無可否認係有失利既地方!第三圈阿洛係後推，變相係有一個鼓勵心態，我係燈位u turn後快左既，第四圈情況極為惡劣，大車群眾係後方突然出現，無法子係停車場彎發功，真係浪費...第五圈，個人無可否認疲憊會出現，但係埋尾能夠發力勁踩，算不錯了...
係幾個圈之後，博士出現了!呢個係我都幾佩服既一位前輩，因為我覺得一個大叔到今日踩單車仲可以咁快係一個奇蹟，不過我對佢係有點不滿，因為呢博士份人以我所感覺到既係好鍾意擺款，人地under佢無問題，但都黑面架啦!人地過佢...吓...龍顏大怒都似!
不過呢...尋日我追住博士尾，係緊隨既方式追蹤...前頭有一位好強既大車人士，呢個係令我眼都突埋既人，好少人做到係創新路蛇跑!
蛇跑係乜野黎既呢?其實好簡單一樣野，s形跑法，目的只有幾個...一係甩人，不斷打s，後方緊接的人就會好辛苦先至跟上!二隨風跑，跟住最敏銳的順風氣流，變相唔洗直食風阻...
都幾開心既...尋晚!其實我覺得鋤一鋤博士的銳氣，呢個睇落係好似好唔禮貌，但係咁睇呢個香港唔係得佢同皇上係DEVIL'S發狂，其實仲有我呢隊INFINITY埋伏了久...假以時日...我會想企台既唔再係devil's
|
