昨晚，我依然係山翠工作，咁係工作時間我又遇到有客戶燒野食...

咁呢一晚，呢戶人佢地都玩得幾盡興，但係我接到一個姓楊既女性打電話落黎比我，佢投訴人地燒野食有小朋友大聲喧嘩，同時佢話燒野食係去到10點半，應該差唔多收爐架啦!呢個女子，仲話千祈唔好話比人聽邊個投訴個家人...電話內容就係咁多...

收線之後，心諗:「你呢個女人都癡線架...人地燒野食高高興興，你條撚樣係到呀支呀左，唔同你要人地燒衣哭喪著臉咁咩?」

好!我上到去，做樣咪行下上黎，望下囉!呢招係我師傅韓生教落:「我唔理你同被投訴者係現場既話題係咩野，總之有個人棟係到，做樣比人睇，啦!家陣我地有人去跟進，唔係不了了之...」

10點半，我會remind客人話要收拾，唔洗你教我做野...屌!好話唔好聽，如果我自己私底下做，我會比個家人燒通宵都得!佢驚死人地攞便宜!

的確事後個條姓楊既真係無再打黎，呢d咪就係話囉!狗吠深巷中...聽到聲，以為自己好惡，有回音仲要加強聲勢，其實隻狗呢就好撚怕人，見到人就半死咁款既...

講真呢個女人乜野來頭呢?哦!據說就係該苑既法團主席，唔怪得揸住雞毛就當令箭啦!呢個人都幾煩，佢成日都會用一d話題提起你既話題同佢講野，咁佢就好開心就同你講，不過我知道呢個人係好七嘴八舌，即係呢好好多野講，好八掛...表面同你講笑，實際呢佢其實試緊你，呢d就係仆街啦!

講真呢個人對人連一份真誠都冇既時侯，你憑d乜野去令人地信服你?

我知道佢先生都有一個怪習慣，棄置垃圾唔係屋企後樓梯，而係搭升降機落埋樓下，出埋大堂再去地下垃圾筒果到掉...呢d咪就係怪物躍!

我亦明白呢兩公婆出身都係有返咁上下既屋企，我就會覺得佢唔明白同人地share一d設施，總係需要忍讓下，因為住慣靚樓，好多設施都係一對一，而且可能佢地自己本身都係獨仔獨女既關係，變相佢地面對既環境都係獨立同埋無分享性...

但我想倒反轉反駁一句，佢地兩老都年紀唔細，兩個加埋起碼都過百架啦!做人處事應該都有返少少分寸，但係佢地倒返轉冇...所以呢，呢兩個公婆真係好令人失望!有錢就覺得自己大撚哂...我可以咁講，窮人發窮惡時候...都唔係野少...

如果可以回到過去，我想...(一些我從未公開過既內心說話)

1. 我既第一次拍拖對象唔係阿芯...其實我錯過一個關口，當時中三坐我前面既一位女同學文萱，我還記得佢當時佢曾經話喜歡我，自己當時卻未有珍惜過，當時其實都有三心兩意，因為有幾個target出現左，一個係哥斯拉kissy，一個係文萱，同埋就係阿芯...

咁當時既局面係...kissy內心其實喜歡彭彭，文萱當時我見到未有target...卻選擇了我!阿芯，初認識囉!當年話咩火星最近地球，自此之後就一齊玩...

如果有得再揀一次，我會揀文萱...

2. 都係感情事，如果當時我同青蛙及阿塋好混亂既感情時期，我到今日真係呻笨，我唔應該選擇阿塋...我唔應該令青蛙傷心

不過後話既係，其實我覺得阿塋真係唔差，係我咁多次拍拖之中，佢算係最體貼入微...我唔知對方有冇機心，或者佢會唔會從某一個個人既利益方向同我一齊，但我覺得拍得最開心既，我諗係佢...

阿塋...我有興趣再選擇同佢一齊，不過我諗目前佢都係好嬲我...我亦有為過呢樣好難過...

3. 家事，如果真係可以回到過去，我真係想砍死我老豆...講真以前跟sky學武，我真係有為過呢個原因而學，但後期覺得自己好癡線!

4. 友情上，我寧可無識過無名，呢個人只會為世上帶來麻煩，唔死都罷...

5. 學業...如果真係可以回到過去，我希望自己入既小學唔係李志達紀念學校，中學唔係禮賢會...我理想既小學係榮真小學(舊個間，唔係嘉福榮真)，因為我覺得李志達既資源係有，但係我唔覺得校風好，因為我覺得個勢係谷死學生!學校係大，但係我唔覺得佢有充分使用個校園範圍，因為d格局我真係覺得浪費地皮...

點解唔入禮賢會?當時我只覺得一入到去禮賢會迎新日，個隻校長一味係到係咁sell自己間野有幾好，呢d咪就係media既後遺症囉!我唔覺得一間學校一咪要係到做promote，一路講自己有d咩新設備，呢d無用架!講到尾，你咪又係想谷成績?講咁多做咩姐...不如直接講今年我地有幾多學生係會考得到幾多個A或者5*，咁咪冇浪費咁多唇舌囉?

仲有既係，禮賢會係一個好大既問題就係分化同地保王既問題，即係以前基本上分成兩家，一家就係好積極教學生，成為學生萬人迷既老師，一班係黑人憎到頂透，基本上都無乜客底既，我都唔怕公開邊個，李夢詩、黃慧敏呢、陳佩玲、肥陸....呢三個我好肯定就話，無客底!成日係到吱吱咋咋...屌!返去你既地獄啦!

總結而言，我既人生出現好多個唔願意既選擇，我好想我有得揀選正確既一次，遺憾既係，以上我最唔想經歷既事，都已經發生左同埋成為過去...

我存在...係咪一件正確既事?