自同阿得分手之後，我覺得自己一個人好難渡過呢d日子，呢段時間我同阿寶相處了一段時間，平時其實我唔係好多搵阿寶，不過間唔中都有打比佢或者同佢sms之類，近排就多d，咁都覺得其實個時同寶係情侶關係，與今日係朋友關係既時間，我同樣地都覺得幾開心既。
另一邊係阿得，阿得雖然係我最難過既時候令我好傷心，咁但係佢係大家分手後依然都係保持樂觀既態度，佢搵返我，而且佢話想比返一樣當時佢打算送比我既情侶野...
情侶信物還在，可惜關係不再，都分左手...簡單講，如果就咁比既其實都無乜意思既，講真都無左當中既意義...其實我自己咁睇，分手都係一時既衝動，但係想唔想再重新維繫，呢個就係重點!
阿寶...我係有問過一齊返既問題，不過佢唔係好擺上心，即係我睇唔到佢好想回到過去，佢唔想好似以前成日因為大家觀點同角度唔同，成日都嘈，咁我覺得一個係執著，一個係唔服，我認為自己係唔服果個，因為我係一個唔會咁易信服於人既人，即係我自己好易質疑人既論點同論據，我唔係唔信人，而係我覺得每一樣野，當人提出既時候，往往無做一個手續就係叫review，往往因為個人睇到既或者可獲得既利益行先，可惜睇唔到既就當中論點既弱點或者漏洞，繼而好彩既比你輕鬆溜走，否則跌個焦頭爛額...
我自己心底對阿寶既印象...勒唔住既撞死馬，即係用一個咁既諗法，一隻好有自己思想，但好容易因衝動而犯下不必要既錯誤既馬，有自己思想...即係好有自己跑既原則，好有自己理想既騎師，但佢唔理解既係，自己未有一定既技術，以為自己一定跳得過障礙物，原來自己連跳既技巧都未掌握，結果人仰馬翻。
至於阿得，我只可以同軟弱形容，冇自己既原則，即係跟風係無敵，但再問其實佢自己想要d乜，我相信個答案係...我唔知呀?
阿得我亦都有問佢一齊返點睇個d話題，佢話會考慮下...考慮?呢個係你既想法?其實我自己咁諗，我d咩考慮因素，你唔會唔我知我既為人，又唔係唔知我既想法同性格...
不過佢鍾意考慮既，考慮個夠吧!我自己既想法都係覺得阿得係比阿寶好既原因佢會真心聆聽對方講野，而唔會駁你既話題，而且佢真係有心會令人開心，我覺得呢點係阿得既買點...但係最慘既地方係阿得佢思維同一般既港女一樣，我自己既感覺係無自己既主見，而且自己係無自己立場去做自己所想既事，即我會覺得佢係跟風做人，而不是有立場地選擇自己喜歡既事物...
亦都有一樣野，我對阿得介意既係，太大意!即係佢冇比足心思去考慮情況同埋自己經常因大意遺忘自己應該處理既事，即係係個重要性同埋非重要性既工作，可以搞到混亂連自己應該要做邊項都唔知，咁係慘ga!所以我係唔敢比佢處理一d重要既事項，唔係我唔信佢，而係佢真係會令工作次序亂哂，咁就大檸樂啦...
但係另一個角度睇，如果最終係阿寶跑出，咁自己咁睇，如果佢肯執一執自己既性格上既問題，我會覺得阿寶基本上係無乜問題，佢既條件分分鐘係比阿得好好多...即係阿得唔夠阿寶踏實，做d野出黎係有建議性比較大。
或者大家會覺得我呢篇日記好似好衰，攞兩個女仔既品格係到評頭品足...不如我咁講，你內心選擇心誼對象時，其實咪又係咁樣比較...只係你敢唔敢好似我咁講出黎...
有時我唔明白女仔究竟需要什麼...有性無愛既女友我遇過，要錢既我遇過，搵我zip時間亦有，但我真係feel唔到身邊出現過一個完全擺心出黎拍拖既女性，即係我會覺得我係咪咁無吸引力同滿足感，或者我真係唔及人地靚仔，唔及人地有錢，但我真係會講心，即係我視今生錢財如無物，所以我無一個好努力儲錢的習慣，即係我覺得錢可以使得鬼推磨，但係買唔到心。
你唔好用360任做個種心態講，個d唔好叫心，都係有錢使得鬼推磨，講真360個d，係果個鐘你想點玩都得，什至你可以好有feel，但係果個鐘頭玩完之後，你又會點呢?抽一根事後煙，係櫃頭放底錢，著返好你既衫，好安然咁打開門走...換來既又係一個麻甩佬...無意思的...
|
