咁呢日呢，我就安排左活動出黎...我就約左細佬、小古力、sam、阿虹...咁阿虹係我新收既準member，咁我都幾開心識到佢...
阿虹份人比我感覺係幾有禮貌，亦都係幾有話題算係岩傾個類，同時我見到既就係單車技術係普通個類，呢種係我見到幾開心既車友...
阿sam呢...尋日比我勁插!係活動起初，咁我約左成班人都係蝸牛橋等，個隻死仔無啦啦就話自己部車有d咩問題，咁佢就自把自為又唔識整車咁去拆碌，我見佢唔識整...又整到唔清唔楚，之後要出動返前車主小古力幫佢整返，前前後後搞左成半個鐘先至收到科...我火到一拳打落去阿sam到。
講真，鑊鑊都係有倒米冇貢獻既阿sam，我真係唔想再教佢，當日係佢比我感覺佢有誠意，我收佢做徒弟，但今日得到d咩呢?我只係覺得一pat屎係癡住我鞋底，係到阻頭阻勢...簡單咁講，我覺得係好火滾，即我唔明白點解一個人係完全無自己既思考，蠢到加零一!
係到亦都講到明，如果sam想求入會，要得到成班admin既同意先至批得。仲要既係sam佢目前既紀錄已經花哂，意外紀錄、架車有問題、帶埋朋友出黎，都有唔同程度令到我同我細佬做搞手都好呢hea，
再者...我從今都唔會以師傅身分再教阿sam，亦都同佢解散師徒關係。
咁好啦，我地出到大埔...我頭布出現左d問題，右外手頭布鬆左...咁就去左新城急救，100蚊買到一隻叫amoeba既頭布...我覺得幾有美感同埋幾好用既。
之後真係出西貢啦!西沙路真係幾濕，咁我亦都見到小古力佢踩得都有d吃力，無計佢體能上真係嘛嘛...咁我地都等埋佢唔會放佢飛機既...帶佢去到西貢，佢都好開心，成日都係到搞爛gag!我就快比佢笑死...
我地又去左越華食飯，都係果個...蝦醬海鮮炒飯!我超鐘意...講真我本身唔食得蝦!即係敏感既關係，但係我係佢個到食完係無問題，呢個我係最開心...
去完西貢，我地返去創新路玩，開頭試玩一個圈...咁阿然就炒車...係迴旋處最入個邊!如果以停車場彎計12，咁佢係4點位落左地。只係皮外傷罷...
雨戰...其實最辛苦個下都係對腳...比對車鞋焗腳，身濕有點凍...
|
