咁尋日我就約左好幾個車友，包括阿四、阿丘、阿權，加埋我地兩兄弟出左去元朗，我帶佢地踩青公!
基本上尋日都係大風架啦，我帶佢地行d shortcut由河上鄉豆腐廠個邊d繞道出發，咁一出去就好快到石仔嶺，班友抵抗唔到d逆風，成班拉到好後，我係車頭好少望後，一望...成班甩哂既?
咁我只好揸返慢d...其實我明白佢地公路車行車個時因為無乜破風性，因為尋日既情況係所有車都無刀鈴，得我一架時間賽既車有，基本上佢地全軍覆沒於大風之下都係好正常既事...
阿四踩到落元朗個樣真係嚇人，面青口唇白!原來衰仔冇食午餐就出左黎玩車，唉!咁梗係又白又青啦!有見及此...梗係轉陣啦!帶左佢去B仔涼粉食野啦!我見d朋友個個都好熱，食d冷食好點既!
阿四睇黎真係好餓...佢食左個腸粉、楊枝甘露，人仔細細un枝枝，原來咁食得，我呆左!
好啦!食完野，順手推舟去埋黃金海岸...沙灘，阿權呢個好色之徒更係尋找佢喜愛既「小背心」、「三點式」...我真係比佢吹脹!望到人地實一實，呢個真係金魚佬黎架^^
我自己咁睇，其實佢地三個係尋日表現得最好係阿丘，基本上佢都好幫得手，亦都係積極係車頭幫手頂風，平時我幫佢地頂風，阿丘個時踩架細車仔，基本上成日都比人放飛機，咁佢而家有部大車，感覺上就醒神左既，好過以前踩架細車好似拉牛上樹咁...不過我發覺既就係，阿丘依然都係放唔底佢既尾袋，唉!好心佢拆左佢啦，完全論盡!講真佢刻服唔到著車衫可能有一種癡肉，唔爽既感覺!但佢其實佢著背心咪仲辛苦同危險?背心吹吹下，又風阻大...仲要好易比車勾到...
踩完黃金之後，佢地想歸程...我地帶返佢出返去粉嶺，我地去左山車堂...咁阿四、阿權、阿丘個d整下車就走啦!
之後阿然想出車，我地又同埋佢一齊出創新路玩，講真創新路早前就d白癡係論壇話咩警察做野，唔比人係創新路係星期六或日fing圈，好啦!尋日落到去既情況...如下:
警車一架鐵馬、一架私家車、一架EU(衝鋒車)...係創新路略過，無話停車係到守個D...又話有差佬捉既?
又唔見我地3個食牛肉乾比人停車抄牌?
我地三個FING左三個圈，阿然FING左兩個爆計收工，無計!頂唔順...我知佢好盡力去玩，但係有時D野真係要適可宜止，玩到咁辛苦為乜呢?
之後我同我細佬私決，我放爆我細佬，直落超過60個車位放到佢無影...我以時速約44KM/H行駛，最高速我真係唔知，太黑睇唔到咪標...到我返到去創新路公廁，我等左一陣先見到我細佬返緊黎都仲未過停車場彎...
無意中，我地出返去單車徑個邊，我地去左飲冷極可樂，即係而家新出既可樂，一扭再收蓋，之後就有冷係入面架啦個隻，我尋晚第一次飲，幾抵死既!
之後部機唔知點解short左送多枝，抵飲到爆ar!不過飲得多都唔係好玩既事，因為我覺得飲到成肚水踩單車，好辛苦...
最後我地去孖橋唔停，咁阿然都幾叻仔尋晚，我帶頭比風尾佢食，佢跟得都幾好!我只可以咁講，食風尾真係可以令一個唔多勁既人，變成一個好跑得既車手...我覺得佢其實係一個可造之材黎既，有朝一日都有出頭天架!
|
