我同細佬出左去踩大冷，不過唔係晨早出去個隻，而係自己私人2人團，不過今次其實係難度上係提升左，我細佬只係刻服炎熱既天氣就得啦!而我自己就係面對改左大餅之後既感覺同埋都係要「拖磚」踩埋刀鈴...刀鈴係平路同下坡就好有用既，的確真係快左兼一般既鈴係會追唔到，回力大嘛...但係一到上山既時候~~^^爽YY囉，人地不費吹灰之力就飛左上頂，自己就好似蟻行咁前進...
刀鈴都係唔好亂咁用，踩長途、上斜多呢一範都係大忌...雖然有力踩係好事黎既，不過呢如果要對複合路面應用，刀鈴唔係一個理想既選擇...刀鈴係一個唔係好斜、平路多、路面順既情況會用得比較好...
咁我地尋日下午時間4點出發，一路咁踩都係我帶緊頭，而且速度都唔係keep得慢，都有36至40km/h，唔係好靚既馬路黎講都算係咁啦...
不過我去到錦秀迴旋處個時，我開始feel到熱既慘況，我個人既狀態不斷下滑，由於可能真係太熱既關係，加上頭段我跑既速度都略快，消耗體力都幾大，所以呢我就叫細佬接力頂頭車，當然細佬佢都洞悉左個情況，佢將整體既速度由36至40轉為32至35km/h，以改善返體力消耗過多既問題...
去到元朗市中心，其實我既情況都未見大有好轉，係市中心d燈位都幾多，我都係慢慢踩，我細佬係咁追下巴士小巴，我就覺得追個d食風尾可能係會快d，但係你係元朗就咁快發力，係唔係早左d呢?我地踩大冷成200km有多...
好啦!之後去到屯門，情況終於都有少少改善，咁係黃金海岸當然係個人醒返好多，上斜都唔係無奶力，而係可以揸住TT BAR真鏟上山，都唔洗轉手搖車...
青龍頭段其實都係醒目位，我係個到又可以好完美咁HEAD住個頭直爆38km/h，個時有少少大風既風阻，令車速去唔到咁快...但係兩架車可以咁快一齊孩出去，呢個先至係重點，咁可以省略左大家等大家既時間...去到深井個邊就慘d，我由於車種問題，基本上又拖磚...
反而尾段荃灣埋尾個到有條大斜路上斜，我居然再一次過左細佬頭，我細佬追都追唔到，真係唔知點解?
荃灣...大窩口...葵涌都係好普通既城市路段，我係荃灣個邊架巴士係馬路行緊，我踩單車居然越過架巴士...我自己都啞左
咁係葵涌三叉路呢，上次就傻仔右行葵涌道，這是錯的...搞到u turn，今次唔洗啦!直行返中線青山公路，咁就無問題...因為個邊左線就一定唔洗諗，個返係去沙田經獅隧行幹線7號仔，我地踩單車係入唔到...
咁一路踩埋尾段去蝴蝶谷...今次都好快...我細佬食住風尾落埋黎都ok...最好就係咁，唔洗等!
最後落到去荔枝角懲教個邊，一路轉左本來去飛球個邊睇野，唉也...飛球星期日係唔開架!
算啦!個時都已經18:30了，不如去食野好過啦!我同細佬去返上一次我地係深水步個邊東沙島街既面店食野，當然今次就要重鎚出擊食多少少野啦!因為太好食啦!
食完野落個隔，順手我打比得得...好開心呢!題外話...其實自己有人錫有人關心自己，我覺得已經係好開心，雖然要求簡單...但係呢樣野其實係我一直都冇，我好想留住呢份感覺...
埋尾，上大埔道，我自己就係上斜方面都係唔夠細佬快!不過今次我就自己搞得掂，唔洗細佬等埋...上到石莉貝個邊我已經可以key返細佬尾，之後大落斜又係我帶住落...今次我用到最快路線及最快入彎角砍彎入，一路落完全唔洗比brake50至57km/h直扯!我本來想試下踩落去得唔得...唔得既空哂腳啦已經!
咁之後我地去左沙田，去到ive個邊轉返城門河返屋企，我去到馬場個邊，試下突然加速至極點...完來個邊係可以玩到56至57km/h，嘩!我真係覺得恐怖...因為個邊路就比較窄少少，同埋街燈唔係好夠...我都怕撞車...我問返細佬，細佬因為平路唔係好得，佢都係踩緊40km/h到，但係放車位去到20個有多...
我地踩返吐露港個邊返大埔，以夾車方式處理，咁同細佬都夾得幾好，冇甩底...我亦都係可以做到埋尾終點爆出速度係45km/h，好快!係吐露港...完全無人敢搵我地挑戰，無計!實在太快了!
總結返今次行程，由屋企去到荔枝角，時間係用左2小時30分鐘，比上次快左15分鐘，上次因為唔熟路，所以搞到有d位哂左d時間，而且上次唔識發力上，搞到好慢。亦都係今次我平路帶車既表現唔錯，有得頂位既路段都頂足，交足功課!斜路下坡就掌握到路線最快點，上斜就真係快左既比起上次，不過都係要努力啦!講真我呢種時間賽既車種，上斜係最困難既...
我自己覺得不斷咁係創新路踩圈，對抗大自然既風阻係好大挑戰，但係其實我自己更大既挑戰係上斜，因為上斜要既體力其實係比刻服風阻既情況更困難，但係我受制於車種不太適合上斜既原因，搞到往往上斜都係唔夠快，細佬落緊山自己仲上緊...咁係搞到自己失去左好多寶貴既時間，即例如反超前既機會!我都係靠下坡同平路解決呢方面既問題，暫時只可以咁做!
或者係耐力上花多少少功夫，使自己上斜回餅既頻率可以有一個改善既情況...可能就係咁...
|
