尋日我同權記出左去科學園遊車河...我諗大家會想講: 「你又科學園呀?」係...無可否認我既時間同體力運用最岩就係科學園，講真起身無幾耐就出車，出完又要返工，講真鹿頸未免太過體力消耗，返工仲要腳骨力巡邏...
出到去...基本上係叫做「紅隧過海」...根本想快都成問題，個個租車家庭樂都係一字排開，講真呢d就係香港人既駕駛態度囉，有你踩哂，就無人地踩，即係唔識得將個道路使用權平均咁去睇，唉!所以話係香港揸車有牌冇牌都係一樣...
沿路去沙田都見到好多靚女既，小背心都唔少...不過我唔知香港係空氣污染指數太勁定係生活壓力大，d小背心有少約線業線...但係係由件衫緊身先至有咁既效果，所以呢唔睇好過睇，哂心機去望，不如同我老友吹下水好過...
自從阿權既阿哥阿峯整左部missile返黎...我發覺missile其實都幾好力，不過係上斜方面，即係佢車架比例係上斜既表現好有動力，輕輕比少少力就已經可以有超越想像中既爆發力...不過對我黎講都無用，我係打時間賽，多數係平地戰...講真好少上山!
之後我地去左安山，不過安山真係比理想之中細得多...正如滔哥所講，佢寧可係聯和墟發展，總好過係間鋪仔到迫餐死...係安山我見到小肥，久別重見既心情真係好開心，講真小肥既手工總比起而家標準個件煙鏟好...另外我仲見到金毛偉，呢個玩家真係好耐無見...不過算啦!金毛偉只可以講玩街車整車佢就ok既，但係唔好期望同我過招...始終大家玩既野整既野有一段距離，互比始終有不公平既地方...
如果用返以前自己個架街車同佢玩，我都可能唔夠佢黎，講美工佢既設計同埋裝工都唔錯...而且用件都唔係差，都幾肯改貴野!
不過街車改貴野把鬼咩?因為我只覺得唔夠硬唔夠集中力量既車架，點樣用都係出十成力得一成output返出黎，其餘都係變哂屎...哂氣!不如用係d好少少既車上面，咁至少用得有價值少少...
|
