今日有一個對聯問答遊戲(請以HIGHLIGHT方式在「答」字後面尋找答案)

問題:

1.  床前明月光                                                     答: 爐頭煲粥落砒霜

2. 借問酒家何處有(另有: 借問廁所何處有)     答: 直行轉左上三樓

3. 老虎頭上釘蚤毑                                              答: 床頭dup返個書架

4. 去觀音廟借庫                                                  答: 去葡京得返條底褲

5. 富士康12連跳                                                  答: 郭台銘13億人連屌

6. 去旺角新之城打機                                           答: 點解唔去一樓一玩J

7. 九龍塘理想酒店                                               答: 香港政府乜都唔掂

8. 一齊黎飲可樂                                                   答: 前面街口有落

9. 而家買野乜都加價                                           答: 你應該打去問LADY GAGA

10. 油價成日升                                                     答: 燃料轉成竹葉青

11. 北極就快冇哂冰                                             答: 人類太熱要卜冰

12. 咁大塊田乜都冇種                                         答: 呢個仔肯定唔係野種

13. 衛蘭要去必瘦站                                             答: 去到港鐵搵唔到個站

14. 讀工商管理                                                     答: 返工受傷邊個理

15. 經理                                                                 答: 甚麼都經已不理

16. 日本零食soyjoy                                              答: 善哉

D人成日問我，點樣踩單車踩得咁快...呢個問題，不如我交返比你自己，問下自己點解踩得咁慢?

你缺乏既係訓練!訓練，係講緊你既心同志...

心係講你練習既決心，無決心做咩都係失敗，例如你有決心一個星期內花幾多日時間去練習?心想自己踩幾多公里?想踩幾快?之類既問題...

心亦都係可以講你既心肺功能，老實講心肺功能唔係一朝一夕可以做到好夠氣好夠力，其實都要花好多時間去操練...介煙的確係一個好方法同需要決心，我自己而家都介緊...

志係講你既意志去到幾多!意志在於練習前，你有幾多意志係個動力...例如意志係假日起床之後，你會換衫戴頭盔踩車?還是倒頭大睡繼續同周公傾下計?

其實踩緊個時都要志，你既意志係要刻服風阻、天氣既冷熱、人阻、你自己既忍耐力有幾多...呢個應該要反問自己，其實你既能力去到邊到，有d咩地方要提升?

志亦取其音智...智慧、智取、機智....

智慧...上天比你既，使你能夠有踩單車既能力，使你能操控自如...什至你懂得如何練習，使自己得到更大既進步!

智取係你自己諗野既轉數，例如係比賽當中，你點樣以一個安全以快速既方式爭取到更佳既名次?

機智唔係等於智取，機智係你諗野既機動力，思考速度快與慢，在於你平日對該路面既熟識同埋感覺既敏銳...或者對該路面未有任何了解，你點樣以快速既思考處理路面既情況?

心志同樣重要，最後我更想講既係安全...小心駛得萬年船，經常犯錯...只會導致受傷及死亡既後果!