今日，我同細佬去左西貢既海下同黃石...其實本身兩兄弟去黃石就真係去得多，但係海下真係未試過...咁我地行程就咁既，先去海下再去黃石...
咁由屋企出發，我地已經感覺到陣陣風，一般人就會覺得呢d天氣踩單車咪幾好囉...大家錯了!呢d天氣最惡頂!好猛太陽又好大風...太陽，哂死又要熱，簡直係燒人...大風，單車最大自然影響就係風阻，吹大風把鬼咩?
之後我自己帶住細佬一條氣就出到去馬鞍山個邊，咁我做頭車，細佬係尾，咁我一路做破風呢個角式...其實都幾累架，因為一路要令細佬唔洗咁辛苦上山，第二係細佬耐力唔夠，如果我幫佢擋點風，至少佢一定可以完成哂所有有路段而唔洗咁辛苦...
由西沙路開始，我地見到都唔少車係馬路上，咁我自己都有留意個路面情況是否許可比我有加速既機會，有幸過左水浪窩之後一條直路落到底...都有65km/h，好快!
我地已經玩到去迴旋處，以前我地可能就話轉右落西貢...而家唔洗啦!一下野扭左...咁大網仔路其實就真係小兒科，基本上都無咩難既路段出現...不過呢段路就真係要留力既，因為仲有北潭路同埋海路要處理...
我不如直接skip到去海下路開始，我由於係北潭路開得太快既關係，我差d直飛去左黃石...好彩自己醒水啦啦聲u turn入返個路口，無計!果邊既路口其實去黃石真係順同爽好多...
一入海下路，本來都覺得無乜野，一上到去...出事啦!d路段原來斜得好緊要，有如林錦一樣，尋日我自己係用緊tyrell tt車，有如拖磚一樣...我細佬就當然輕鬆好多...因為佢係公路頭，附件少...我?aero bar、刀鈴、55/42大餅、雙水樽...全部對於上山都係無利既條件，不過又係比我搞掂左d大斜...
咁之後見到一個地方叫猴塘...我覺得個名幾得意!不過無理會咩事...咁就一路就見到下坡既路，下坡當然開心啦，個邊都好快架，都有74...!落到底...海下村迴旋處，咁就完成左，我第一個落左去，yeah!...比預期中係簡單左...我同細佬係個一刻係除頭盔，我更加唔洗講，個水滴盔...倒水囉!
休息左一段時間，我地入村就見到一間士多，第一時間咩都唔做...買水、飲凍飲綠力...
由於一路坐一路都好多蚊咬，我地都係閃人啦!下一 站係黃石...出返去都唔係一件易事，因為頭先落得咁開心，而家就要上返幾多，再返去猴塘呢個地方，原來改個名真係有意思架!個到真係有猴子!咁我同細佬開頭以為只係流浪狗係馬路玩...望真d，狗只會係行既，猴子行既方式係跑跑跳跳咁...以前行山我都聽過我師傅珍珍同其他有行山既師兄話西貢係有猴子，我以前都唔信，因為行左咁多次西貢，都係見唔到，今次我信了...
去到黃石，見到好多人釣魚，但係亦見到另一個天氣情況，係碼頭既右邊山頭，即係大蚊山、蚺蛇尖已經好大舊雲cover住...我就知道個邊應該會有雨黎緊..唔緊要既打埋水戰我都未驚過!我同細佬坐左一陣，我亦都有打比阿得，好掛住佢呢~!個時佢岩岩放學...(阿得既事...有下文，都幾大鑊)
之後休息完，我同細佬一路non stop既入返去西貢市中心，我地已經係飛快咁返去，不過我係頭段有d唔夠快，因為上返去北潭凹又係上到半死既...都係個句啦，42拉23同39拉23根本係兩回事，我細佬就火箭咁衝左上山兼放我飛機下坡中，我仲係死命係到打拼...
我係下坡既時候見到有兩個踩RB既入左黎練車...佢地上到拖磚呢!我就70幾狂追細佬...結果呢，我係北潭村個邊過左細佬，呢部tyrell鋪鋪d後追都比到好多驚喜我...
一路返西貢，我同細佬都係打到落底，其中係就快返到市中心個時，佢突然間突圍，嘩!好快!我心諗大鑊啦!比佢捉到路...係我有點累既時間先黎出招，實放到車尾燈都見唔到，點知佢比我係市中心投注站果個位爆左出黎，又一左!所以時間賽既車係一d都唔好蝦既，你蝦到佢上斜，但係平路同下坡絕對係惡爆!
我同細佬去左越華食野...一解肚餓同無能量既情況，之後一路就返屋企啦!
剛才我提及阿得仲有下文，咁我返到屋企，因為我係黃石打比阿得個時，我應成左人地返到去會call佢...我返到去，我發覺個msn點解呆左咁耐都無料到既?佢朋友爆料比我聽...佢暈左!
聽到佢個朋友係msn講佢既情況，咁經過一番了解，似乎阿得係體力有d透支，佢為左考試，係咁谷...仲要係3,4點先訓，
...唉!得得姐...你真係得哂...好彩佢個老友jessica係你隔離睇住你，如果唔係佢分分鐘真係失急仙左...咁我尋晚都同佢個fd傾左一陣，了解左阿得唔少野，充分感受到阿得仲係好細佬女...
|
