到目前為止，我依然認為阿得係一個理想對象，不過人地點樣睇返自己，我就真係好想知...有時候我擔心自己未太了解對方，因而令對方覺得自己煩或者唔開心，不過有好多野都係要試過先知。

咁而家其實佢仲未正式回應自己既想法或者接受我，咁我亦都好理解，始終對方同自己一樣都係一個岩岩失去感情既人...可能要回復一下自己既心理，我就回復得唔錯，難聽d咁講，前女友都唔係太積極去付出自己既感情，無乜野能夠打動到我既心。

即係咁講...一盤水一直欠缺墮物既衝擊，個盤水係唔會有漣漪出現...

表面睇拍拖、睇戲、行街、食飯，其實我內心就會覺得對方只係想交戲，純粹為左完成作業，但無左個種熱誠，唉!

死水...就死係死水，我想出大海，卻被人領到一個湖邊，對方仲叫著:「拿!呢個就係海啦，靚嘛?」起初見到個「海」真係開心既...一跳而下，總係會飲到d水既，頂!淡既...

一次又一次既失望，我發覺自己一次又一次跳入「大海」，我好唔開心...我要既係真係既海!當中我自己撞過好多板，例如自己比人帶到湖、游泳池、浴缸、人造灘、鹽湖、水塘、公園鴨池、噴水池等...當自己知道真相，自己被騙了，現時既我只係想講:「誰人能帶我到真正既大海?」

阿得...你能帶我到真正既大海嘛?

心底話，有口難言，不過我係到盡量嘗試表達...有冇人能夠理解我過去既痛苦?就算我係做得岩定錯，其實我自己都有難過既時候，唔好太記掛從前既事，背後我唔開心既時候，你有冇過黎睇過我?如果有既，我想你坐低多一陣陪陪我...冇既，我想你比一次機會我，我想話比你知我既煩惱同埋痛苦係邊...

感情事，我想有人比到我一個肯定既答覆，她...在哪?

尋日踩完單車，今日就當然唔踩啦，真係好累!咁我早前就steven約我話成班兄弟一齊去食飯咁...咁我就當然去啦!

其實anthony返左黎咁耐，我都冇乜時間搵佢，講真返工忙，放工累...其實都無咩時間可以搵到d朋友一齊去玩下，難得就係話，有班人出黎可以開心下...咁我覺得都幾好既...即係生活上唔係咁dry，只係處於工作同單車...有時一個人真係好悶...

咁今日我地去左金田食飯，咁steven同阿嫂cheryl、anthony同阿嫂angela、善揚、澤雄、洗浩華...我自己同埋細佬咁囉...本來steven叫我叫埋女朋友出埋黎...唉!女朋友未搵到，5月頭先至散，我諗未咁快有新人補替到...

講起女朋友，其實我自己就真係好想阿得係自己另一半，講真一個對自己咁好既人，能夠將自己由一個低谷找回高處，而且對方比我感覺親切，至少我自己有開心與否既事真係會講得出既，我自己份人表面好似有唔少話題咁，但其實我需要既係一個聆聽者，我想講自己既背後既一面比人知道，我唔想自己依然處於未被了解既情況。

亦都係阿得今日考試後都有積極問我係邊...我個時未去約會，就去左新之城打機，其實我知道阿得係住附近，不過我知道佢係唔會落黎，或者呢個係一個大家既隔閡，我識左阿得咁耐，其實我都未見過阿得，umm...我好想見下佢，不過呢層就真係要等下，我唔知道有冇機會見到佢，不過我真係好想有一日同佢再隔阻咁去傾到計，我好多野我都好想同佢分享...

同時間阿得話自己病病地，咁佢就開頭搵唔到藥，我本來諗住佢病左我就幫佢買藥，不過事後佢就話佢個朋友幫到佢解決左，總算一天都光哂...不過得得真係身子弱，佢其實都算易病，不過無計啦!女人病多係正常，小小野都可以病一大餐...

之後我見到成班朋友，佢地好多都到左，咁食左好多野啦!亦都係傾左好多芝麻綠豆既事，咁話題當中都係包括d傻仔同學，同埋一d學校以前既舊事..

我發覺自己同佢地既聯絡少左，我無咩話題可以講，只係做一個聆聽者，有時佢地講個d大學生活既話題，我都唔係好明佢地講乜，講真自己唔係讀書既材料，自己冇乜心機讀架啦!除非有一日，有人能夠呼喚起我讀書既興趣同思潮，否則我真係唔想讀d咩野，讀書好辛苦呢...

人沉默...或者係一個新開始!我只覺得呢班朋友同自己距離遠左，佢地每一個既學歷現在都比我高，亦都係佢地面對既環境都有共嗚，我現今係一個打工仔，冇再返學了...算啦，人各有志，只望佢地搵多個錢...

黎緊有另一個活動係1E班聚會，我個日咁岩要上班，呢個聚會返而我唔係咁想去，講真對上一次既經驗就係成班完來都係當我傻仔，個聚會個時係黃金海岸個邊搞，之後傾計個時，各人都係到翻大家既舊帳，其實我覺得幾無癮，因為我自己就覺得成班人一齊開心，但係我就覺得不斷比人挑返起D失落既回憶，即係我係中一個時，其實我自問埋唔到堆，即係我自己都覺得係弱小既一群，都係個句比人老點就大把，但係好少人會理自己。所以呢D活動去唔去都罷...