近排我都幾忙，但亦都好開心，因為我係感情、車隊、工作上都有唔同既滿足感。
咁感情上，其實我係好想多謝我老婆，因為我成日都好忙，要搞車隊既事，自己要練車，亦都係成日都要返工，基本上我同佢相處既時間其實基本上都係電話上或者係msn，無計啦!兩個仲要住得相隔非常之遠，我係住上水，佢就住九龍，仲要唔係近既，係觀塘油塘(本來係旺角，不過屋企有d野要詔)...我可以咁講，如果我去佢個邊搵佢，至少要一個鐘頭50分鐘...
其實我老婆都有唔少野忙，佢就要忙教跳舞班既事，亦都要自己係學緊...一個星期自己跟師傅上堂就要返一日，教就有三班...教個d班數仲要係彈性上課時間，即係佢自己係要就個班師妹...所以其實我地兩個都幾難見到面...無計，大家都各有計劃要做...
咁車隊方面，尋日都係一個大喜日子，我同細佬加埋阿優去左灣仔警察總部，放心!我地唔係衰左野，而係我地去申請註冊社團登記!因為車隊運作都係需要註冊比政府同埋紀律部門知...好簡單就係話因為我地係收會員費既車會，直接收會費而唔係一個機構內，係會觸犯行賄條例...簡單咁解釋比大家了解一下，大家讀書可能會參加過一d校內學會活動，咁學會係會收會員費，咁學校當然就唔洗去社團登記啦!因為學校本身就已經係一個機構...相反地你自己係以個人名義舉辦一個組織而收會員費，咁係唔得既!第一係行賄條例，咁係一個唔正確既收費方式，另外就係非法集會，法例係有講幾多人一齊集體係某個地方而無經警務署個邊批呢，咁成隊人都拉得啦!
另外車隊都有一位車隊成員阿優(AMERIGO)想提出贊助我地車隊，不過呢方面就仲係傾緊，希望傾得成啦!有贊助...車隊既資金運作係會鬆好多...仲可以搞埋單車以外既活動，即係好似D聯誼活動，例如聖誕聯歡會、生日會之類...
車隊其實而家收生既情況都唔係話好理想，因為好老實講，蜀中無大將...個個會員都仲係好初階既能力...能夠攞出去比賽既人我地可以咁講，少之又少...唔緊要!貴精不貴多...
工作上，其實都算係唔錯!即係近呢個月，d冷氣滴水就唔會話好似上年咁爆囉!我就覺得除左返工熱之外，我就無咩困難!阿頭近期都幾睇我做野既，都好既!即係都有人留意我既工作表現同水準，但我好肯定唔會因為個頭留意自己而自己刻意推進自己，講真我返工唔係做比阿頭睇，個d係擦鞋同埋賣弄自己既才華...我唔會欣賞呢d人，亦都唔會比自己咁樣，做幾多，著幾多，天知地知，唔係做比阿頭睇，係整個公司團體同意你...
好老實講，我唔係幾喜歡馬仔哥，講真我覺得佢係一個擦鞋仔，係阿頭面前點樣做到好勤力，而家係比佢紮到職...咁又點?我唔覺得呢條柴係實力得出既結果，係討好阿頭同經理而得返黎既柴，亦都係我冇興趣咁快升職，係人工多左，但係咁代表咩?做死都係你自己...講真我寧可自己日日返工hea，輕輕鬆鬆又收工，無咩壓力同煩惱...
更加係，我覺得馬仔哥係明珠既表現係差，講真人地同你無怨無仇...做咩要挑剔人地工作上既問題，家陣你當自己係咩姐?老大哥?白癡既，點做你都只係公司既一名小卒，呢個世界有好勤力既人，亦都有懶人...講真係挑剔得幾多?就算你告人一狀，件事關你事既...你個底係花左...公司睇到你既人際關係咁水，點比你做leader?
有時做事係要圓滑，息事寧人，唔好要公司上級去插手搞自己個圈子，如果上頭咁搞，成窩人都死...
|
