尋晚，我係山翠開工，不過自己都係負病上陣，唉!仲病到嘔!

我本來係咳嗽既，點知原來d病毒已經好快更破左我既鼻既防線，變左做傷風...

之後尋晚可以話係病到五顏六色，我好耐冇病到咁，我真係病到嘔，仲要係公司開工時間!嘔個一刻，我係到諗:「究竟我好唔好call我阿頭叫佢地接力呢?我好唔好打比屋企人叫佢地黎接我呢?我踩單車返工，究竟我會唔會放工炒車呢?」

咁我嘔完之後，我自己call定老婆，話比佢知有咁既事，咁佢都好擔心，不過我知道佢抽唔到身，佢朋友係隔離，唉!我知道咁樣係會比好多麻煩佢，不過如果我唔話比佢知，我知道個後果可能更嚴重，例如係話我公司要call返我屋企，但我屋企無人接call，可能就要出動到老婆。

嘔完，自己係個崗位既則邊攤下屍，唉!我個下真係好頭暈，有d耳嗚...亦都係...好奇怪既現象，我攤左個幾鐘之後，我居然好清醒!我後黎一諗，呢個係藥物同埋自己身體機能既能力，自我修復...

其實我係破左自己既紀錄，以前我係試過跑渣打之前，我係病到五顏六色，休息一晚加埋跑完10km，自我修復到病都無埋...

今次我係自我傷復，以致我能夠完成工作至收工，工作包括報更、寫文件、巡樓(高危，隨時仆死)...放工踩埋單車行百和路(馬路)返屋企，無事!家陣仲可以同大家打blog...

奇蹟!

尋日，本來係一件高興既事，我為sam(即係無名)呢位我很喜歡既徒弟找到一部二手單車，呢部單車是由我的隊員阿優放出，咁開價係1300蚊亦係尋日成交左，不過呢...傾無名屋企方面既事，我感到非常憤怒，因為我覺得無名既父母完全無體恤自己兒子的感受，我亦都當面直斥佢父親既不是...

咁尋日我同我細佬本來打算以協助解決問題既時候，我地上到佢屋企，佢老豆根本無心大家商量一下，即係連一個商量餘地都無，係佢個仔死求佢老豆...我地先至有談判機會。

開頭談判氣氛都算係幾和平，但後來聽到既就係佢老豆根本係無責任心同體恤自己個仔既需要。

事件係考試前，無名向父母親提出若考試得到不俗的成績，想父母支持自己，買一架單車比佢。無名先向母親提出，但回覆就是完全禁止，完全無商量餘地。

再向父親反映，父親就講:「若你能夠在考試中取得好成績，我比1500蚊你買你鍾意既野。」無名非常歡喜

但是一方贊成，一方反對，父母未能達成共識，變相爸爸自己自把自為，開空頭支票，無同老婆傾過...結果受罪又係呀仔!

咁我聽完佢老豆好不負責的說話，我非常憤怒，直接指向uncle直斥佢既不是，即係我個刻覺得呢個老豆係無用，亦唔體恤屋企人!

我老婆聽到我咁講，佢都好憤怒!即係佢都會覺得單車唔係打家劫舍，但係咁樣用一大堆謊言去折磨個仔，枉為父母!

尋日我同細佬夜晚搵埋車隊隊員阿優同古力去踩車，我講返件事，佢地都係覺得離哂大譜，亦都聲言想為無名討公道。

亦都係我同細佬既怒火係個創新爆發哂出黎，一路繞圈，一路成為眾人目光焦點...因為真係快得好緊要，我自己都唔信...

Sam!Never stay you behind!