尋日，無名係電話同我呻有關佢屋企既事，咁佢阿媽好極力反對無名踩單車，認為係一件好危險既事，咁我知道既就係咁多，亦都係尋晚幫無名係電話到同佢阿媽講d好說話，希望可以打救下呢個細路...
不過佢阿媽真係好決絕，完全無興趣同心態去嘗試比我去分析同埋傾計，即係無計傾...我都好沮喪，一個好有心想踩單車既人，係佢屋企一直阻礙佢既決定。我覺得無名無錯，講真踩單車，同其他運動一樣，都係會有受傷既機會，每個人都應該有自己想法去選擇自己既理想同運動。
佢阿媽一直以: 唔好啦，我接受唔到....之類既說話回應，老實講，呢個人完全莫視左自己個仔既想法，同我老豆一樣囉，用極權既主意令到人地去服佢，我可以咁講，歷史既教訓就會得到革命同埋主權者既倒台，例如法國路易16因為極度不仁既政權，結果法國革命將佢處死於斷頭台、中國亦因為極權而出現六四，雖然當年學生輸左，但到今日仲有人去六四，聲音未停過...
為主權者應給予自由比跟隨者，即係國家政府既政策令到國人開心，家中父母應該從正確既觀念上令子女感到滿足...
無名應為自己謀福利，既然無人支持，不如自己去創造理想...
我自己都有命苦野，尋日係1點山翠要報更時候，唉!我自己無啦啦訓左，唉!報更主任打黎，出事...又要寫報告!
咁我就老作自己係報更個時電話有事，個聽筒聽筒無聲，之後就自己廢一輪心神嘗試搶救，救完個電話，個電話好返但報更時間過左，之後補返報更完事，希望自己今次亦都唔洗接信啦...上次已經夠好玩用身體不適既理由，今次用機器問題，但係如果用埋緊急事故，呢個就挨煙d，因為緊急事故好難話有d咩作到出黎，唉!兩個情況已經用左，再有下次都幾麻煩
|
