昨日，經過一輪考慮同分析，我諗左好耐，不如去老震睇下d車件，有時度橋齋坐，不如來個打真軍...

去到老震，我見到小文，哈!有計...因為佢係一位好相熟既既售貨員兼師傅仔...

咁我見到有EASTON既產品，其實我都係眼前一亮，因為我係大半年之前見到既EASTON公路頭貨，起碼最平個件都要500幾...家陣呢?EA30=$320(有冇平得咁緊要?)EA50=$390(以前都要$550...唔通真係要錢唔要貨?)

我一口氣窮都要左佢...咁我亦都見到有TT杆，呢個就唔係咩大牌子，只係一D無牌子既廠仔產品，好啦!我又買埋...

尋日，我只係用左600蚊就買左呢兩個ITEM...其實係比我預算之中係抵，因為我本來預算都要800蚊到...家陣都係預算上用少左200蚊，但係我仲有槍手、頭布同埋鵝頸未處理

其實都係煩惱野，因為我家陣真係錢唔多，近期都算處於手緊期，無計...年尾多數都有呢D問題!講真我呢年都買左唔少件比我自己同細佬，咁家陣都仲有剩，都算係咁上下...

遲下仲要解決埋個FSA既陶瓷BB，呢下頭都大，因為個隻又成千銀，我而家都已經叫登登搵緊，不過希望佢唔係快得太離譜，因為我真係要兩邊走...先搞個頭，再搞呢筆，唉!又洗唔少錢...

頂!快D新年係公司逗多D菠蘿包返黎...到時一部TT，一部公路頭加TT，呢下子爽死了。

呢個星期其實都操車操得幾多下...

1. 我放假個日星期一，自操雨戰(其實都幾驚炒車)

2. 星期二，按PROGRAMME操(PROGRAMME內容唔講了)

3. 星期三，即係尋日...又操PROGRAMME!(不過尋日熱死人呀真係，氣溫33度要去盡體能)

今日...17:00起身，破哂紀錄!本身我平時14:30至15:00起身，操左咁多日...睇黎真係到左頂!

暫時，我係車隊都仲未有人跟到我做既programme，唉!其實咁樣係會令我同d會員差距好大...

你問我現時有邊位成員真係似樣，唔計trainer阿權(佢本身都可以夾得住我)，有既...kenny、阿B、Alfred(體能有得嬴，技術仲差好遠)，其他個d我唔敢想像...不如話攞埋佢出黎玩，只係可以同佢一齊去hea下車，食下糖水...想同佢同台拼勁呢，千祈唔好!

咁目前真係仲有好多會員都未交表同會費...我唔知佢地搞咩?呢個都好令我煩惱...

我都順便講埋...20/10 會比第一批會員訂左衫先，其他個d真係見表見錢先做...你唔follow唔call我取件呢，你地真係要自己負返責任，打比我嘛!從來我都係只收到kenny、阿權、我細佬，間唔中有阿alfred同angus既...其他個d呢，失蹤!

有兩個要罵既...amerigo同朱古力!阿虹份表...到咁耐都未聽過比到人地未...amerigo我完全未見到佢成功自己搞到一場夜車，叫佢帶夜車我唔知佢帶左去邊?你話死唔死?

amerigo最近幾日仲要整親腳...唉!都唔知幾時先見到佢...