香港呢幾日凍成咁呢...我日日踩單車返工都係無有怕，不過對手真係僵硬化，對於有單車經驗既人都知，手經常要外露於冷風之間，手的關節唔多唔少都會硬哂...個下感覺相當地唔好受，不過我更明白一樣野，香港人對天氣好敏感，亦都係對於天氣既因素，操車既動力都無乜!

石油小隊本來約左係18/12 14:00上西貢，點知我收工好彩我CHECK FB先知佢地又轉胎行鹿頸?一姐ENYA搞咩呢?好少會搞到咁呢HEA，出到黎...嘩?tyrell FV?青BB?

正豆!呢個車主真係好叻仔，佢叫阿榮，而部FV就係由佢姐夫係唔知邊到call到貨返黎，勁野呀!FV既窂有程度，香港真係得好少...

咁呢位新手車主，我見佢改左DUP頭...似乎係有心想快，咁我以經驗黎睇，DAHON既經驗告訴我地，摺車係基本上無乜快既能力，改DUP頭都係順手D又或者改出黎係順眼D...

一開始我地去左登登買野，明顯地華仔又係用D古怪脾氣對客，包括我地成班，唉!我自己都理解唔到，我只係諗...點解會咁既呢?佢發個D聲氣，真係好似十萬個唔想做，或者人地真係唔係求錢，只在求HEA...

再去捷成，個d「親切」既笑容...我驚!向來捷成既信譽都唔係咁好，因佢真係夠膽死賣假野，我頂佢個肺...

踩創新，我終於可以同CMS大健一齊踩，的確呢個人係香港既車壇幾出名，而且佢真係好快...

咁另外，ENYA都肯快行，跟我同KENNY一齊快快踩，OK!呢個係積極既表現，我唔介意成日用讓半球，一班人玩車，求既唔係獎牌，我開心就得架啦...

近日，港島區一位退休警長，踩住一架dahon dove係筲箕灣下坡，發生左交通意外，導致重傷危殆。

單車安全，佢無做足，頭盔無戴，選擇車種未能適應當時路面，該處係大斜路，而且係大彎，有如大埔道既情況。

umm...我自己咁睇，dove...14吋細轆摺疊車，可靠程度比SP8更不可靠，理由好簡單，轆仔細，愈高速波OUT的機會率愈高，摺架下坡，車架會非常不穩定...

解釋下咩叫波OUT...波OUT，係單車術語，意思係指單車係過彎既時候，因為高速過彎，離心力(G力)會慢慢將架車由內彎拋向外彎，車身愈輕，人愈輕波OUT機會率相對會成正比效果。有人會考慮將個車頭加磅數，頭重尾輕，相對黎講危險性會好大，情況係推頭，推頭係可以拉返架車入內線，但係危險在於波OUT好難預算幾時發生，當有波OUT時車頭重會有如流星錘效果，一FING就一係向內，即係撞內彎。一係就FING出去，撞外彎!千祈唔好制...前後平衡返，愈平衡，感覺愈好...

摺車車架...方便，但係真係有一定既風險，物理學上物體愈快，它就要改變它的物質的硬度，由硬變軟...一般車架，無摺位...硬變軟既情況，都仲有基本硬度。

但摺車的情況就唔同了，摺疊區是可以活動的，所以車速快時，流失動力之餘，亦會增加失控的機會，因為摺架的物質變軟，車頭變軟經過摺位，較位傳遞力量到車尾...車尾就好似魚尾搖擺!

咁回轉話題，一架DOVE比SP8更無戰鬥力...警長唔即時炒死算偷笑了，頭盔都無...