20號，放假之後既我，我已經係其實訓得唔多，咁我同阿權去左大埔既新屋一齊去玩下，抽下煙之類...事前又出動大背囊去做大搬家計劃，今次又係揹得好重唷...
去到新屋既我，其實我係覺得好輕鬆，第一我唔洗再睇我老豆面色做人，講真我係警宿既日子，我只可以講每一日我都係比佢搞到我好煩惱，講真煩係煩咩呢?其實就係話佢本身都係喜歡發佢自己既皮氣係我身上，我阿媽係佢既對戰擂台，我細佬係咩都唔理，變相就係話我好痛苦咁係屋企渡過...
umm...係新屋既日子，我真係覺得有教好訓，因為我老豆好鍾意係我訓既時候開大電視聲去聽佢既新聞，記住係聽...因為舊屋既電視經過20多年既洗禮...佢而家有聲無畫，都幾好笑...
阿權佢黎到我屋企睇格蘭批冶，咁其實就咁睇賽車都幾悶，因為我覺得無線既車評經常性係到講埋哂d廢到無朋友既車評，我心諗:係識講既，就唔會成日重重覆咁講同一類既話題...
好快我同阿權就已經轉移目標聽歌仔...原來我同佢最喜歡既，係westlife既you rasie me up!呢個真係估佢唔到...原來係同道中人!
夜晚我同佢去左豆漿大王食野，不幸的事發生了，食食下野我咬到個嘴既內肉...即時出血!真係好慘...
22:30，我自己就同阿權分道揚鏢，我去左玩大冷...跟石油氣小隊個班!好感動既係，石油氣既enya知道我生日，佢特地為我買了一點蛋糕慶祝，呢個就係我最開心既事，講真好多年都無乜人記得我生日，但我估唔到我有咁既友好車隊車友同我慶祝，我都好開心...
21日 00:00既生日快樂一句說話，我感動了...
咁當晚我其實都係戰戰驚驚咁去踩，講真阿權個邊車隊係有好多偵察小隊follow緊，而且個班係一等既高手!事關佢個班高手真係唔知佢會做d咩，我都仲未好了解佢地既運作模式...
咁路線係咁既，元洲仔->大圍->大埔道->深水步嘉頓->南昌->葵涌貨櫃碼頭->荃灣海濱->深井大小欖青龍頭->黃金海岸->洪水橋->屯門及三聖->元朗->粉錦->上水(落客)->大埔(落客解散)
一起步，enya係到係咁搞我頭盔(水滴)，都幾好笑...我就覺得幾開心既，我好少同女士們一齊共同娛樂，即係我身邊好少女性朋友，或者係我個人比較嚴肅一d...enya戴完我個頂盔，頸有點累了，哈!當初我都有少少呢個情況...不過enya同steven要早走了，steven要早上班真係可惜...
葵涌貨櫃碼頭係我覺得最正豆既地方，講真真係踩得好快，我自己一部細車仔對一部TT車加多一部RB快到....
去到元朗，我地係去到有一檔茶水檔食點心既地方，個邊係近去雲鵬...個排骨飯都算係抵食，16蚊一盅，1蚊茶芥費，都算係收費合宜!而且味道都唔錯，講真我都覺得上水粉嶺既水準開始下滑，即係果個做點心既誠意無左，簡單講叫做「拿西」、求其馬虎...食完有時仲整個大大先至解決到...
之後我地決定揀邊條路線返上水，我負責擲銀...一擲之下粉錦!本來個choice係青公、粉錦、林錦三線...但係基於有女將阿yan既體力負擔，同埋唔係咁多個隊員都支持到，所以呢...最後就揀左粉錦...其實粉錦我係未行過，講真平時日頭踩，邊到得閒有咁多位比你踩粉錦，你唔比車撞死都算偷笑...半夜既粉錦...冇車!
老實講，我其實都想行青公，因為個晚有7部車，咁我就覺得如果全部人用靠左右落既方式，咁會好好多...快好多!不過傻婆yan怕狗，石仔怕悶...我無咩所謂既，換轉係行林錦我都會應付到(改左dup頭，減輕成800幾gram，上唔到好死囉!以前就真係無計，上到我死死下)
6點，回到大埔鳳園，累也...
咁我訓到11點幾，我睇左一陣電視，出左去苑記吃飯，死仔阿權係咁一拳一拳封我脾...最撚累既地方呀!即時乳酸扯肌肉，爽也...
之後我就開始我同阿媽加阿姨既搬家大計，呢轉都仲係小兒科，但我真係諗都諗唔到原來我阿媽d衫係多成咁，轉眼間拆袋已經拆到成床都係衫...不過呢個係我阿媽既壞習慣，我媽係唔捨得掉棄一些舊物，呢個係一個可悲既地方...
我同阿媽再入返上水，再pack野...我先至發覺，屋企d野實在多得太離譜...正想call搬野既時候，便利、勁達、東方全部爆台冇車，我call我d朋友郭生...冇接我電話去左voice mail，calvin仔電話都轉埋...sky...5.5噸車既朋友就有!我細佬既朋友無接call...只好用人手上轉d先啦!
上到屋企，我細佬無意中搵到個d老土到唔痕既生日帽...唉!我地一家三口都係到戴，真係比佢笑死...
22號01:30，我眼訓極了...
22號11點幾，同阿寶去左大埔街市食野，本來想食魚蛋粉，唉!收左檔...之後去左食雞飯，唔錯既...
之後我同我阿姨去返舊屋執野...見到d紅白藍都灰爆!
22號既晚上，我最終頂唔順，係23:30訓左...爆計了
呢個就係我小弟23歲既生日，我好感動有石油氣既一班兄弟一齊玩，不過阿權個邊就慘啦!佢班間碟兄弟成班都係哂到睇我踩，結果搞到佢地踩通頂，累到佢地第日返學要請假...
至於未來，我都好想知阿權個邊既安排，講真其實我係要節制性係山路出沒，無計...入鄉隨俗!希望佢地個邊可以傾得好條數，咁我就可以還俗啦...
|
