TT之終極解答

1. TT BAR可以有幾多種? 有AERO TT(例子係EASTON DELTAFORCE)、山羊頭TT(3T某產品)、純山羊DAHON SPEED PRO TT個隻)、DUP頭加TT杆、一字BAR TT(孖橋阿叔經常用)

2. TT頭可以參加咩比賽? 個人公路時間賽(TIME TRACK，簡稱TT)、團體公路時間賽(TEAM TIME TRACK，即TTT)、三項(或多項)鐵人賽(TRITHON);FIXED GEAR車種有室內單車競速賽(INDOOR CYCLING COMPITION，ICC)

3. 邊種TT最多人採用於香港? DUP頭加TT杆，可以隨時安裝及拆除，價值幾乎最經濟及最易用!

4. 邊種TT最少人採用於香港? AERO TT，設計及製作技術高價錢，較少人懂得使用AERO tt的專用轉波手指...危機感大，份頭重上山辛苦一點。轉波麻煩、易爛...穿線好複雜!

5. aero tt bar是否用carbon較好? 錯到離哂大譜，部車一墮即時完蛋，麻煩你再買過一個新既tt bar!搖車都有機會爆base bar!

6. tt bar轉彎困難嘛? 極之困難，直角90度轉彎，u turn或一些急彎，tt bar多數都不能處理，迴旋處勉強(以創新路計算)...由其係aero tt bar，車頭重會產生「推頭」作用，建議小心使用。

7. 點解aero tt bar要做咁重? 當集中火力爆車既時間，車頭通常都會未能以直線解決，頭重令直路既表現更為理想，而且佢翼面有助破風解決繞流問題。

8. 山羊頭無tt 杆，無下手，咁咪好辛苦? 絕對不是，不過舊科技的產品就是這樣。因有山羊頭才有aero tt bar...

9. TT杆橫向距離寬一點還是SET得狹窄一點?無一定答案，不如問你自己何謂舒服...

尋日，我獨自一人出左去玩車，其實都應該咁講，我係要緊接返之前我練車既進度...咁新setting同舊setting其實兩者都係好接近，不過呢新setting無可否認輕好多，處理彎路同埋反應係快左好多。

變相就係話我做返阿權比我既餐單，雖然同舊setting既時間唔係相差好大，但係有一樣野告訴我，整個餐單進行既時候，我可以較為輕鬆處理，以前追餐死返到公廁已經成隻死人咁，家陣好好多，我仲可以回到氣，而且現在因為部車可以有更多function，例如我可以選擇TT 杆、上手、下手...

目前我平均1個LAP係創新路係7分15至7分25到，基本上香港好多人用大車先做到，點解呢...細車D人嫌慢，其實細車一D都唔慢，只係佢地用一個心態就係下下同大車比較，咁同大車玩係一定會比人放飛機，其實細車需要既能力係比較多，因為香港細車既團隊絕對唔會失色於大車，好簡單博士就係一個簡單既例子...

講起博士...尋晚我練車練到咁上下，佢突然踩住架A BIKE黎左創新路，哈!真係估唔到佢會咁樣姿態出現...其實呢個係見證到一個車隊既苦惱，博士可以話係DEVIL'S既一哥，但係家陣我好多時係HKCI見佢地TEAM活動，小貓3幾隻...唉!我見到佢地..我回望返自己呢邊，情況都差唔多，最勤力係我同阿權，即係一星期最低限度都起碼有一次半次出車，我唔理係唔係TEAM活動，總之有出車都算!多數都出唔到，或者出黎出去都小貓都3幾隻...甚至無人出!

所以呢...香港搞車隊係真係好困難...點都好，就算車隊得返我一個，我都會照樣以車隊名義出車..收生照收...

題外話，我都想開多一個department係fixed gear...咁我細佬有玩fixed gear，咁呢個department我就打算交比佢打骰，其實開多幾個department就唔係問題既，最重要既係車隊現時係需要更多既人才去建立更龐大既體系...

亦都係，我尋日見到一位大叔用fsa vision既aero tt bar，我欣賞佢...因為佢係肯係呢方面挑戰，縱使佢唔係年輕了...不過搞笑地我突然間佢話:「黎啦!」手按上TT 杆...真係開始加速!我順便應酬下佢，不過我一開始就用左「音速飛行」既技術，以5x km/h衝刺，哈!放到粒星都無...

之後我見到kenny都出黎，哈!佢又貪過癮買左我個隻tt bar!不過佢既技術就真係裝得嘛嘛!，即係佢兩枝杆太近，唔係唔得既，直路加速可以利落一點，一轉彎就一定要換手，變相就係話架車唔可以用盡枝tt bar...tt bar既處理，先要條件係大多數情況都可以用到，直路而tt bar攞到咁窄，下暗斜還可說好玩，上暗斜就變得相當辛苦，咁窄點會借力好呢?

咁我約左阿K，阿k都好積極咁去練車，不過呢原來佢都係練緊時間，咁我其實都好欣賞gas delivery呢位成員，因為佢係好積極咁係呢部車到落心機踩，縱使呢部只係merida 905，但係仍然都會積極咁向前衝...

咁我觀察左阿k一小段既運作，我就發覺原來佢係未了解創新路整個路線既行走方式，雖然我明白每個人都自己既「性格路線」，但係亦都有「最佳路線」，佢既「性格路線」明顯地見到對創新路認識好弱，或者應該咁講，佢對路線既透視性好弱，變相行左好多「冤枉路」，行多左用力左要自己攞苦黎辛既，就係「冤枉路」，亦都係...體力不足導致係逆風情況抵銷唔到!因為我見一大風佢謝哂...當時我已經自轟5個，半快慢5個，我仲可以head住佢什至放佢飛機，仲要拖住件小朋友kenny!

阿k，呢個人係潛力係單車上，而且我相信佢係有一定既能力，至於佢既成績，我唔講始終係要對人有返一個尊重，但係我覺得佢一路都係拍住gas delivery...浪費了!

阿k想快...但欠伙伴...

佢拍住石仔就慘了，石仔手車係快，但係飄...點頂做頂風手呢?bmc咁強...耐力好!但無可能叫bmc做樁(或叫台柱)，bmc做爆破手會好d，steven...以cervelo既成績同運用，唔見得太好...即係我覺得無乜堅韌力，好快就runnig low!Jefery...拍唔過!個bit唔靚會帶死車，即係心中無pulse思考...盲目快!(簡單講係傻轟)...

佢個邊既車手等於我識個d車手...阿龜同梓雋係拍唔過，佢地手車太自我，所以我覺得佢地兩個不如玩個人時間賽...

南華會thomas、cms阿森、山西董jump、港隊阿jor同vigar阿九，太強悍!完全追唔到...完全無合作機會，我都只係望住佢地飛走...因為佢地快得太可怕，平均創新路5字頭行緊...(北區5大高手)

阿k既理想伙伴，以我所識既有可能係山車堂龍哥，因為龍哥同佢既實力接近，而且龍哥係帶車既處理能力往往都係容易產生共鳴感，我都覺得龍哥係好易拍檔既車手!第二個會係山車堂terry，高堅韌力...能夠協助解決強風阻而阿k能力不足問題