下個星期陸運會,不過我例行都唔會參加任何活動,不過今年打破悶局,今年我做陸運會既紀錄員,同埋同自己個學會樂行之友跑400米接力...我做第二接力,ar誠做第三接力...
希望我可以帶領住「炮灰部隊」可以好似衝山咁,衝出去...
其實我地樂行之友分成6種強者,有:炮灰部隊,領航者,醫兵,鐵人,全能者,水彈...
何謂「炮灰部隊」呢?我細佬同燒賣同學就係一個好好既例子,佢行山既原則係無論好何,上山落山都要拼盡命都要衝,仆直都要衝,好彩我細佬從未仆直...呢個位置我以前就玩得多,不過我而家就少玩左,冇計啦!背負重量多,行都未必可以咁快...
而領航者就係行山既時候既搵路既人,呢個工作挺辛苦,行先死先,搵到路仲要有walkie call佢地,有時入左去瞎點就慘la!要行返轉頭...有時搵唔到路要不斷咁試,行既長度分分鐘仲要比一般會員多...阿徽就係我既其中一位拍檔,我非常喜歡同佢一齊做領路既工作...領路者可以係前中後都得,我多數做前或後領路...
醫兵,就係一位懂得急救既強者,包括包紮,急救等...我既大師兄夕陽就係其中一位,佢同時就係樂行第一位主席,即我既上一任,現時係一位聖約翰既急救員...醫兵冇特別限制,比較free,前中後都得...
鐵人,呢個挺可怕,專玩變態既行山路線,一玩就20公里或以上...呢個就係我既二師兄阿鋒,佢最鍾意玩毅行者或者環島行,你見到佢對腳都驚,真係好似麥兜故事入面既黎根對腳...鐵人既步速可以極快!通常都係最前,最快可以快過前頭15個人位!
水彈,專門提供食水既人,通常都要4至6公升,通常都會係後面,因為行得快挺高難度...呢個就係我既好友,又係友會(戲劇學會)主席豬太郎,佢好多時都係咩住咁多水上山...
全能者,真係要好多野都識,體能好仲要技能都ok,技能例如領路、隊形管理、技術支援、協助及照顧弱者、會內行政工作、背得起重磅數既物資(18至25磅或以上),我就係全能者...前中後都可以,而且要經常作適應調節...
能擔任以上其中一種強者,並非可以一朝一夕可以達到... |
