2005年,比左我好多唔開心既回憶,但天無絕人之路,係年尾總算係有收鑊,有愛我既女朋友芹芹,ar b d體能勁左(以前呇畾y細細地既蝴蝶山都無咩力)
2005年12月31日,上年04年我選擇左同steven呇a出左去尖沙嘴睇倒數,真係好迫人。今年我就選擇左同我d fd加埋導演drama club主席總共6個男仔一齊過倒數-導演相識左5年而且雙方互相客串雙方既學會,例如:drama有戲拍,我去客串..我既樂行有山行,我邀請佢...我地兩個主席係frcss入面最夾個兩個主席...
咁今次倒數係係大嶼山既大東山以露營方式渡過,上面既寒冷又大霧,寒冷不是問題,最怕係大霧,因為大霧令能見度下降,除左容易跌倒,什至趺下山崖,更因為大霧而導致迷路...係當中,我地都遇到能見度只有1至2米距離,情況最令人可怕既係,我地中途都遇到要係大霧既情況之下搵路上山及berring(berring=以地圖及指南針確認個人方位),好彩我地成隊都係有經過不同方式既berring訓練,我更自行訓練以大霧環境,只有我同ar b 兩個人係大霧下,我做領路,那次也倒可怕...好彩兩次都成功登上山...752米高,係上左150米,我老婆打黎,個時已經係12點52分,吤景潀P我倒數,可惜當地信號甚弱,所以信號極差,收唔到...sorry ar!老婆...不過好彩我既樂行長老steven打比我,同我倒到數!哈哈...
我地上到之後係大東山既難頭營渡過,難頭營並不是好似個的渡假營,而係古蹟,當時日軍入侵香港,日軍當時於該地建立山頂基地,在軍事上,山頂係一個優良既防禦點、攻擊點及補給點,因為山上面若敵人以攻頂方式進攻,日軍可以以機槍堡及大炮堡以機槍及大炮抵抗及攻擊。係山上面點解係補給點呢?因為如果敵軍既空軍打算以轟炸方式(空投炸彈),係冇可能咁炸,因為當時既戰機既飛行高度不算太高,而且空投也需要擊中地面才爆炸,雖然山都可以擊中,不過如果大家細心d諗下,當時既戰機空投方式多數要由高空俯衝向低處,打開投彈艙,再投彈轟炸,飛走...飛機飛行高度不高,所以難以使用戰機轟炸,但如果以大型轟炸機轟炸(大小如美軍於第2次世界大戰使用的B-12轟炸機),雖飛行高度可以極高,大約10000呎高空,但由於飛機體位龐大,受彈面大,極容易成為地對空大炮轟炸對象...海軍方面,咁高既山肯定要用巡洋艦既主力炮先打得中,但如果要巡洋艦打,打得黎已經比日本軍搵到la,分分鐘沉埋...陸軍方面,真係硬住用海軍陸戰隊同陸軍打,不過呇a走得上黎已經死左唔知幾多個,比機槍係咁掃射...所以難頭營並未有成為英軍攻擊對象...
上面又大霧又大風,上到去個時已經係零晨2點30分,開營整埋d營釘之類既野都成3點,係營入面6個麻甩佬多數既話題都係粗口及學校既搞笑野為主,我地食左d宵夜,之後就訓la!你知la!除左我細佬加燒賣同學外,其餘既都係咩住20磅咁上山,真係好疲倦...
到左6點,我第一個起左身,一出去,嘩!大霧到好似電影《勾魂谷》入面既大霧環境,而且身處軍事遺蹟,甚有可怕既味道...
最後,我地係黃龍坑郊遊徑落,以落山行2000級樓梯,真係仲慘過行孖崗山上,真係落都落到你腳震,腳板底疼痛...
係東涌搭E43既巴士返大埔個時,個個都訓得著,因為個晚只係訓得個2個鐘,同打仗冇分別...
有人問我(包括我老婆),行山唔累唔辛苦咩?我多數會答?唔辛苦唔累...其實講真邊會唔辛苦同累,行咩山都會累,只係你有冇能力支持得住,如果你支持得住,好多山都行到,否則咩山都行唔到...我喜歡行山因為我喜歡挑戰人類極限既運動,而我既偶像係香港岩岩完成世界環球「7+2」既鍾建民,而我最想行既山係K2(K2=喜瑪拉亞山珠穆朗瑪峰,又名聖母峰),可惜我既能力還是有限,還未能跳出香港...不過我都行左好多山,港島既山都行左接近6成...
我愛行山及我既樂行之友同埋我老闆,更愛我既老婆芹芹>3<
|
