昨日,我又征服左雞公嶺呢座大山,其實今次黎雞公嶺係我第三次,第一次係上年樂行之友既路線(由我設計及帶領),第二次係我帶細佬誠誠,第三次就係今次我帶屋企人行山!
我所設計既路線係:
start point粉嶺蓬贏仙館則面停車場(攻頂蝴蝶山,正名箕勒仔),point2箕勒仔山頂,point3蓮塘尾菜站(近營盤),point4蕉徑老圍(入雞公嶺),point5雞公嶺正峰585米,point6雞公嶺第二高點三角網測站572米,point7雞公嶺第三峰三角網測站374米,end point逢吉鄉
係三次征服呢座雞公嶺入面,我會分成辛苦的挑戰、挑戰大自然及提升再訓練...
講辛苦,一定要講第一次同樂行之友玩,個次真係畢生難忘,係樂行歷史上第一次行北區的癲峰(平時行開西貢)...正所謂萬事起頭難,別說行雞公嶺非常辛苦(行咩山都辛苦la!唔辛苦何來叫挑戰呢?),那次行過左箕勒仔之後,入蕉徑老圍,以我探路,係發覺漁護處甚缺乏保護雞公嶺,例如:路段不明顯,什草叢生...第一次,樂行教母miss chu仲以為過左橋仔,就一條大路直攻頂,其實係錯既!由於當地蕉徑過左橋仔個家人破壞了原有路線(因呇a起左間屋,擋了路段),之後我同我既親密戰友ar徽不斷以bearing及問村民形式搵路上山...咁好彩地經過一個半小時既苦戰,足之都搞掂左。之後上山麻煩了,雖然其他樂行會員多數係著中低桐hi_tec或者columbia既鞋,呇a上冇咩問題,而我就慘la!高桐軍靴,重(2磅一對)之如仲要個桐高提步慢,搞到極慢,好彩經過自行既訓練,加樂行之友既幹事訓練同埋行遠足活動,體能足以負荷,否則真係好似車咁,死火(昏迷)...一條大路攻頂,好快上左頂,簡真係讚人熱?教人辛苦...
講挑戰大自然,真係我同細佬個次(第二次),那次下雨,只係我同細佬兩個一齊行,經過箕勒仔落蓮塘尾個時,我同誠誠講:「如果真係好大雨,甚至有雷暴之類既情況,活動一定取消。」咁佢都同意,而且佢回應我:「哥,咁我地一場黎到,點解會忽然放棄呢?況且咪當試下惡劣天下行山lo」我心諗,下雨過後,山頂大部份地區會被雨雲霧誚?不但行既時侯又雨又風(超涷,夏天都係),而且好洗腳,同時能見度極低(10至15米),細佬真係天真...好彩我係受過外展訓練(其中一日係成隊要面對惡劣既天氣,我係成隊人既正領航員,大雨之餘仲要照顧隊員,係搞到自己全身濕哂!)之後雙方確定同意登上雞公嶺,上到去大霧到連0距離睇我細佬都唔係太清楚(如果大家有睇電影「勾魂谷」就知個大霧情況)之後我打算用電筒以作為霧燈使用,但發覺外間太光,無法有效使用...到左12:30,我同細佬係山上lunch,我地當時未有以高山氣推動既爐,只係行白炭精,如果用一般既火機,係點唔到!我地用電油火機先點到,最令生氣既係,煲到麵食,就煲唔到朱古力飲,因太大風無法生火,所以我地立志買cookset)大霧之中,行下行下,bearing做唔到,只可以以指南針順向東方向推進,那種感覺非常害怕自己領導失當,偏離航道...最有趣既地方係我同細佬行行下係主峰(冇三角網測站)見到三角網測站,即刻落主峰再上第二鋒,上到去我即刻更新我既位置(三角網站能穩定地確定自己的位置),上到去當然要慶祝一下la!即刻攞哂d m&ms 出黎食...
最後,今次第三次上雞公嶺,同屋企人上,好有趣!我ar爸係警察,ar媽只係平時有做運動既主婦,居然ar媽仲快過ar爸...可能因為平時做開運動,筋骨靈活!可是,我細佬唔知點解坁牯A不佳,行得不太起勁,唔似坅Y樂行之友既風格(佢係樂行係非常活潑,斜路一比三直衝...)咁最後都係要我同妠蹐S,坁戚灠_10磅咁重!最後都係成扔n頂,搭車返屋企個時,成家人訓哂,得我一個冇訓...
其實雞公嶺比我既印象係北區及元朗區最大,最高,最考耐力,最硬(佁沙泥性質又乾又硬,鞋底唔夠厚會好辛苦)...雞公嶺比西貢蚺蛇尖更難,蚺蛇尖難在險要,較少耐力,而雞公嶺難在耐力及險要...
雞公嶺...畢生難忘...
|
