咁話說呢琴晚又失眠啦 今朝9點自己起左身 跟住又訓番
之後就比人叫起身 話要去大陸睇亞婆 咁我當然反抗啦
真係好鬼累架 失左咁多日呀 但係......
唉 算啦 咁就跟佢地出去啦 鬼叫亞婆想見我呢個大孫女
出到去買左D野食同可樂 比果幾隻馬餾食
跟住坐火車 過關 好多人 一個好恐怖既地方
一D都唔鍾意大陸 真係好Q恐怖 岩岩12點到羅湖
之後又去搭車 係車度見到出面D人好恐怖
係度跟住架車 好似有D...............
坐左9個字車 落車再搭車 搭去坳背落
嘩D人............... 返到黎都唔知有咩反應好
跟住去佢地間屋 要行到6樓呀 好似以前返學咁
行到上去 2嬸細嬸亞婆係度煮飯 差唔多就食得喇
食"喊"茶 好味呀 好耐冇食 係咁叫我食多D
食完喇 我既痛苦都黎喇 首先係最細果隻馬餾
隻野係咁要我同佢玩 之後到果3隻 玩貓捉老鼠
我呢隻貓係咁捉 個天台又細 係咁捉到佢地 不過冇用丫
因為我要做晒貓 係咁玩 佢地都唔比人停下既
喪玩 我隻腳好Q痛呀 之後佢地落去飲可樂 飲晒
飲完又玩過 我條氣都未順呀 鬼叫我係最大果個= ="
到左4點幾 同亞婆去買雞 果幾隻野周圍走
又踢D雞 踢完係D雞血度呵尿 又拎D野去整D雞血 核突
上返去 又要玩過 好累呀 玩到煮完飯先停 好痛腳底
煮湯圓 為我而煮架 呵呵 {{其實好想早D走架}}
晏晝D野都未落格又食過 又係咁叫我食 飽死喇
之後2叔返左黎 佢先食
食完又想我同佢地玩 唔制呀 哈哈 成功
跟住係度傾計 又睇下D貨 8點幾2叔車我地去文錦渡搭車
最後一班車 好彩
返到香港打比"W" 抱歉我想食你亞媽果餐多D架 不過...........
返到家10點幾 朝10晚10 真係好人
不過今日都幾開心 係累左D辛苦D 同太多喇4個呀
2個就差唔多 呵 佢地又係咁叫"姐" 唔應唔得既
*********************************************
唔多記得喇 太多喇 記得先補啦
