講返星期五先,原本要返去上一堂英文,而且今堂係返去聽人present,開頭都唔想返,但後尾諗諗下,都係返去睇下人地present好d,但我起身既時候已經係11:30了,而英文堂係上11:30的 ....但最後都係有死到返去聽~

放學就去左圖書館一陣,哈哈,又俾我諗到個新topic了,今次決定左個topic就係air pollution喇~好似幾好做咁~之後就同mo,陳展,kidd一齊去左味千食lunch了~之後亞kidd就去返工,我同陳展,mo就四圍行,跟住再同埋陳展一齊陪亞mo去睇醫生,哈哈~亞mo俾陳展嚇到個樣真係好攪笑囉,但最尾我同陳展都冇等到亞mo睇完就自己走先了~哈哈~~

夜晚終於決定左英文topic and 做左個outline了~yeah~突然覺得自己好快手~呵呵,下星期二到我present了~

今日上埋4:30 既business堂,hea左陣就返home了~

約左mo,da,瑜 and 溫生佢地 7:00幾一齊去元朗睇<NANA>,開頭都冇諗過會好睇,但睇完真係覺得唔錯,都幾勵志,由其係戲入面首歌,好好聽~~之後食埋野十二點幾就返Home了~

不過知道左自己thinking又唔合格喇....唉....點算....

但自己期望都唔係好大,因為我都係test既前一日先去溫,唉....不過final都唔知點算喇!!

其他同學就成日走去溫書,做功課,但自己就好似只係掛住吃喝玩樂咁,project又好似愛理不理,同其他人真係差好多皮!!!!點解自己可以懶成咁架????!!!!!

尋日打邊爐,其實我真係好清醒,並冇飲醉囉!!!ok??只不過係有點兒攰而已~而且我都唔係飲好多,so我係唔會咁易醉的!!不過俾d人話我冇口齒囉,(Peggie,我一定唔係話您,放十萬個心,呵呵~),咁都只係大家高興,先飲下姐,唔好咁掃興吧~  尋晚返去大概沖完涼之後,就冇咩意識了,攰到想死,大覺訓了~~

不過今日就繼續返工,返十一點!返到去,好攪笑囉,d locker呀,咩都唔見哂,搬走哂,仲以為發生咩事,成日都要執位,好似自己好多野都唔知,而且d同事又忙,根本係冇人得閒話俾我知發生咩事!!自己返到去,都好似我有我做,佢地有佢地做,但又幫唔到佢地手咁!!!無奈地,俾佢地見到我錯的話,又會俾人話,真係唔知想點囉!!!見佢地個個都忙到pk,但就好似只係得我最悠閒咁,成日都hea 下hea下咁~

我係冗員，我係冗員，我係冗員，我係冗員，我係冗員，我係冗員∼

愈來愈發覺做而家依份工,返得唔多但就好似已經好攰咁,d錢總係唔夠洗,可能我只係返星期六日啦,而且又唔係返得多鐘,好想搵多份工幫補下,但又怕自己顧唔掂...唉....

下個月就考試了,都唔知又可以返到幾多個鐘了,好怕又會俾人話....麻鬼煩，討厭！！

Ｐ.Ｓ.依幾日凍左好多好多,感覺有點怪怪的!!十五十六,到底自己係想點架??