今日冇返marketing,因為要o係屋企做中文讀書報告。但好怕自己搵唔到個主線黎講,會好低分,依份都低分我就死喇,拉低哂架喇....

聽日可能又去打邊爐,哈哈~希望唔好又再有上一次既事發生,如果唔係,又再<火羅> <火暴>囉~~我要戒酒,我要戒酒,我要戒酒...因為wing既感覺超難頂!!!

下星期有個7分鐘individual presentation,但仲未諗到整咩囉...shit~

今日又係一早返去傾critical thinking,但我係最遲先到果個囉~大家傾到十二點幾就各自去上堂了~上完中文堂就去左買我地今日既午餐--三文冶!!之後就去左準備present了~但中間有少少錯誤要俾亞sir糾正返,但我堅持我既concept係冇錯囉!!!哈哈~

再之後就上埋business,睇返之前test份卷,真係激到嘔血,有一題係我明明寫左個答案,但臨交時又死去改第二個,pk,已經唔係第一次了,之前marketing已經係咁!成日舉棋不定!!!shit~仲有一題就係,我肯定果條100%岩的,但我竟然將個正確答案圈左去問題紙,但mc紙就畫左個錯既答案落去,真係俾自己吹漲了!!!!

上完business,我地幾個就一齊去左睇許冠文的talk show,好多人去啊,成個hall爆哂,不過佢講d野真係好好笑,哈哈~~而且我覺得佢真係好勁,好叻~聽完佢個show之後都覺得佢有d講法都幾岩既~~

剛剛完成了marketing 的assignment了~仲差一份中文讀者報告!!
仲有今日知道左 final exam,原來係12月12號,愈來愈近了!!

好攰,今日又請左假,冇返工,因為今日要一早返學校傾project....唉,依個月暫時黎講都只係返左果兩日,shit...希望可以返多d工,搵多dd$$,成班人一齊約去澳門過X'mas吧~~哈哈

八點幾就要起身~返去傾左Critical Thinking,傾到一點幾,再去Canteen食lunch,之後再傾Marketing.....攰到PK...真係好眼訓!!

因為前果兩日先test完,晚晚都溫到成三四點先訓,不過成績都只係麻麻,business test都只係剛剛合格而已,而英文就未知,但多數肥佬,因為我作文作左成500幾字囉,佢只係要我地作400字而已,作完先知,自己作左咁Q多!!!不過我最後寫俾miss都係話自己只係作左400幾,應該都會信掛,如果依個Test肥佬,就死喇,依個test佔20%的!!!!

今晚又要趕做marketing 的assignment,星期二要交了,但critical thinking既group project又有野做,哎呀,救命呀~~~~

有時見自己D成績相比其他人好似真係差一截咁,真係好Down!雖然自己只係臨考前一晚先溫,但我覺得我自己好盡力去考的,但都係咁....唉!!相比之前 pre-ad,而家既壓力真係大左好多~今日傾thinking時,我地打左個比喻,而家讀ad既我地,就好似同d勁人一齊跑馬拉松咁,後面d人係咁迫您去行,如果自己一停落黎,就會落後人地,什至比後面d人踩死咁,而且分分鐘身邊d勁人,跟本唔當而家依d test同assignment一回事,人地只係覺得係跑緊短跑而已,但自己卻非常吃力咁,以為跑緊馬拉松!!

好好的比喻,我地都一致認同!!