今日就黎7點就起身啦~
就黎8點就出門口
落左樓下食車仔麵
食食下...無啦啦咁岩有三個男仔都黎食
原來係廿座D人,丫銓D朋友,兩個係我識,有一個我唔識
仲行過黎叫我銓嫂= =佢地知我同丫銓早就已經散左la~
問我咁早去邊
我話返工,佢地話我勤力-.-
跟住我仲同我講丫銓入左去坐
佢地幾個去探佢
上次去左黎
但係同人打架...又再入去
佢地幾個話佢系監牢好掛住我
仲話佢系入面寫信話當初同我一齊點好點好
我同佢地幾個話"叫佢算啦~"
佢地話我聽丫銓下個月出返黎,佢會搵我= =
無啦啦講D難聽既話
唔識既果個男仔同另外兩個話"你地唔好教壞小妹妹啦~銓嫂十五六歲咋"
無奈既我就同佢講我大過啦~已經17歲
我食完,幾個問我比錢未,佢地諗住請我= =
之後撘車,9點開工
好好生意,多左新貨,又多人......好亂好忙下
就黎3點先食中午飯
今晚收9點,因為好多貨汁
我仲唔小心打爛左膠箱添
放工去左藍田買左衫同腳鏈
跟住撘小巴,系秀茂坪落
行下行下返上我屋企樓下商場買罐汽水
唔想返崖屋企,一路飲一路周圍行下吹下風
點知見到丫添既丫媽......好耐都冇見啦~
話我靚左,臉色好好,少少紅紅地
叫我每日三餐要食,唔好成日都唔食野
仲同我講好擔心丫添今年會考,擔心佢2分都冇
之後又講下大家近排點樣
佢好鍚我架~成日都話我乖
話我屋企背景咁樣,我都咁生省,咁識諗
叫我要自己堅持落下
搞到我好感動T T
我仲同佢一齊去商場涼茶舖坐下
11點幾就返屋企沖涼
阿爸唔系屋企
我沖完涼,佢就返左
諗住訓教啦~佢就行入我房同講一D野
搞到我有少少唔開心
唉...今日返左12個鐘頭工已經有D累
返到屋企又比阿爸講一大推野
我真係.....就黎精神崩潰啦~
最後我同阿爸講"得啦~我好累,我訓教,唔該幫我熄燈關門出去"
我連頭蓋被攬住枕頭訓左 |
