基本上每一天都一定會受到一些不禮貌既對待..

 

今早等巴士時, 我排第一個的, 但巴士一到, 我後面既一個擬似大陸女人既就搶先衝到巴士的門口等上車~~甘樣~~~物即係打尖LOR~~~甘佢頭先排我後面做咩WOR~~

我已經大大聲甘話"WAH~~D人唔識排隊嫁~"

那個女人一於小理, 扮聽唔到LOR~~

我真係登佢阿媽難過, 因為我贈左佢一句 "冇家教"

(不過依呢個女人既年齡睇黎, 都好大機會已經生左唔知幾多個同佢一模一樣冇家教既小朋友哪)

 

郁爸話我每次推住BB車帶郁郁B去搭港鐵都會變到好ROCK~

因為每當有D"廢人"同我爭個D一個站得一個既闊閘 & 升降機時, 我就會好惡甘話人

 

因為在港鐵裡面 "廢人"真係周圍都係...

明明行多兩步仔, 就有一排勁多既普通閘, 但D人硬係鐘意同你爭個闊閘, 排哂隊都要等甘...

對於呢D廢人, 我懷疑佢地對腳好快就會退化..

 

我地推住BB車, 其實行電梯都真係幾危險嫁, 但都冇辦法, 因為知道搭LIFT真係可遇不可求..

有次我+郁爸+BB車中既郁郁B+阿LI姐姐一齊等LIFT, 我地去到LIFT前既時候都唔係好多人既, 但下一班車一到, 勁多廢人就聚集係度一齊等LIFT.

唔好以為呢班人係有需要既人仕呀, 佢地多數都係單身, 後生仔, 擬似大陸女人..

LIFT一到, D單身既人, 當然好容易就搶先攝左入部LIFT到啦,

但我地推住BB車(最需要搭LIFT的), 就冇辦法入到去, 到D人攝哂入去, 剩返大約兩個人既身位, 有個阿叔竟然叫我地入去.....

郁爸都忍唔住講左一句 "點入到呀, 唔好玩啦!!!"

真係頂呢班廢人唔順呀~~~

 

明明行多兩步人, 就就電梯, 行電梯都唔算好累好辛苦呀, 佢地都唔願行, 港鐵D LIFT出名慢, 等成5分鐘先等到一轉LIFT, 但D廢人真係寧願係度等足5分鐘都唔肯行過小小去搭電梯嫁WOR~~~

仲要我地等先既, 佢地打哂尖甘攝哂入好, 仲好意思叫我地入...

 

真係唔講就由自可, 一講就把幾火~~~~

 

個時我陀緊郁郁B, 43"巨肚, 搭咩車絕大部份都唔好希望會有人讓座, 無論係港鐵, 巴士... (搭十一次都可能會有一次有人讓座比我既..)

D人多數就扮訓覺LOR, 但當我一有位坐既時候, 就唔知點解, 頭先扮訓覺既人都全部醒哂甘..

 

特別係而家D後生仔, 唔識讓座都唔緊要, 就連最基本既禮貌都冇~~

 

上次去郁郁B太麻屋企時, 搭升降機, 我+C6+工人+BB車+兩個15歲都唔夠既後生打壞.

LIFT入面大大隻字寫住"嚴禁在升降機內吸煙"
入LIFT時其中一個打壞已經食住支煙, 佢都照入, 都算哪..
點知另一個打壞入到LIFT裡面仲要點煙...

郁爸就睇唔過眼話佢地"LIFT裡面唔比食煙嫁!!而家你仲點煙!!?"
哈..點知個打壞只係冷笑左一下, 跟住LIFT門一開, 佢地就出左去繼續點煙哪...

真係超級乞人憎既後生打壞呀~~~~

 

我一定要好好教導郁郁B, 要做一個敬老及有禮貌既孩子！

雖然香港有禮貌既人越來越少, 相對冇禮貌既人越來越多, 但我同郁爸都要做好身教, 以身作則, 郁郁B都要做個有禮貌既小朋友！

 

以上全部都係我既親身經歷, 個人意見及感受, 不是特別針對某些人！不喜勿回！