|
今日的行程是臨時改動的，原本今日是去chocolate ville,但因為昨天去唔切 Sea life Bangkok,所以改左今日去。
一起床的指定動作仍然是早餐後先光顧一下酒店的泳池。
SEA LIFE BANGKOK （在Siam paragon的地庫位置）
同樣是預先在網上訂門票，價格會平d. 兩大兩小合共 HK$858.41
http://www.hotels2thailand.com/bangkok-show-event/siam-ocean-world-bangkok.asp
老實說，這個海底世界的門票都算貴，裡面也不算很大，在裡面極其量3小時已經可以完成整個參觀。
因為船底下有好多條比我還大的鯊魚，真的有腳仔軟的感覺！
大細郁及郁爸卻不當一回事，還說我是杞人憂天，說這些鯊魚早就被工作人員餵得飽飽的，不會咬人！
之後都是看一些大魚缸，當中有工作人員餵鯊魚的表演，也有看到可愛的企鵝。
不過這些畫面，其實在香港的海洋公園也看過，不過魚缸再大一點罷了。
而且那個5D電影, 主題是"恐龍", 有點九唔搭八..
參觀完海底世界, 我們便去了SWENSEN’S吃雪糕.
我甘難得黎到曼谷, 梗係試下地道才有的榴槤及山竹雪糕啦!! 超級好味呀~!!
之後就在SIAM CENTER附近閑逛一下, 因為我們BOOK了MADAM SARANAIR 8:30
這家MADAM SARANAIR也是鬼嫁老師推介的, 真的超級好味!!!而且又唔貴!
不過因為我們唔識路, 都搵左一陣先搵到.
我個人認為今晚這一餐是最好味的~~果然無揀錯今天郁媽生日正日去呢度食飯呀~!
最搞笑的係, 食食下飯, 餐廳又唱哂生日歌又拎個蛋糕出黎
(我當然知道一定唔會係郁爸安排啦, 所以我好陣定), 個蛋糕係去另一桌年輕男生的.
 
食飽飽, 返到酒店竟然真的有驚喜! (當然我絕對了解郁爸係唔會做呢d野嫁啦!)
酒店送了個小蛋糕給我, 仲要寫全名, 笑爆 ^^
另外仲有一張生日卡及一束花. 都真係幾開心既, 為呢間酒店加分~!!
最開心當然是大細郁啦! 無啦啦又有蛋糕食!
生日在旅行中渡過其實真係幾開心~~希望以後每一年生日都可以去旅行啦~~!!!
| 
