郁郁B這兩天都有發燒, 今早也有一點, 但吃完一次退燒藥又冇事, 所以我地決定帶埋郁郁B返學校, 見完老C就再同郁郁B睇醫生.

一去到學校門口, 已見到利老師, 利老師又扮郁郁B "啊~~~~~", 因為郁郁B今天好乖甘拖住我地, 冇跑左去玩車車,

利老師竟然話: 你係邊個呀~~??你都唔係郁郁B黎既~

跟住郁郁B見到車車, 真的忍唔住話要去玩, 利老師先至話: 甘先係郁郁B黎嫁麻~~

在利老C幫忙看管下, 我同郁爸一同入去見趙老C

一坐低, 趙老C就比左隻CD ROM我地, 話係郁郁B平時上堂既情況, 影左D相比返我地既~~

WAH~~真係好開心呀~~估唔到學校甘細心嫁WO~~D相我已經放左係FB度啦~睇住D相, 就見到郁郁B前個排拎返黎屋企既聖誕卡, 吊飾既制作係幾甘認真既~~!!

仲有郁郁B油顏色既圖畫....

跟住老C就話郁郁B近排好唔守規矩呢, 成日跳黎跳去, 唔肯坐定定....

我都同老C講, 係屋企都係同樣情況呢...自己郁郁B唔知幾時學識左原地跳, 就成日係屋企, 係街都紮紮跳, 冇時停甘樣....我地都傷腦筋呢...

老C就話, 當郁郁B唔肯定定時, 老師都會以攬既方式, 靜止郁郁B, 讓他冷靜及應承唔再紮紮跳才放開讓郁郁B行動既..

呢個方法可以照樣係屋企都甘做~~我今天試過~又真係好WORK WO~~

甘去旅行時都唔駛甘擔心郁郁B冇時停哪....

我都有問老C郁郁B同同學仔既關係係點, 老C話郁郁B會好主動甘撩周學仔玩..

有一個時段, 每一個小朋友都會玩一個哩入面既玩具, 每個哩入面既野係大同小異既....

但郁郁B就成日搞埋其他同學仔個哩入面既玩具...跟住, 同學仔就會大叫" 老C呀~~郁郁B又跟住人地, 搞人地D玩具哪~~~!"

總括黎講, 老C話郁郁B成日都氹到每一位老C都好開心~~係學校既開心果~~!!

我亦都跟老C說, 好滿意郁郁B返學後既進度, 學到好多野~~好慶幸我地讓郁郁B返學~~

見完老C, 下午就去幫郁郁B拎回鄉卡, 終於都幫郁郁B拎到了~~2月18日就有得拎啦~~

其實我對於自己既麻麻過身前未能帶郁郁B返去探下麻麻, 一直有點耿耿於懷的...郁郁B拎到回鄉卡後, 就可以帶郁郁B返去..盡一點孝心..

郁郁B 第一個月上學的情況: NOV-2009

第一次油顏色,,,出哂界..

11月開生日會, 所有11月之星企哂係度

郁郁B都係其中一位11月之星~~

隔離位同學唔知有咩事個樣甘扭曲既呢..

生日之星既通粉有得加CREAM....好唔好食嫁...

郁郁B食得甘開心應該都好食既..

由於N班冇學劵的, 所以學費要交足, 郁郁B為左繼續有學返, 為有做D小手工拎去賣, 幫補家計..

今次佢整既就係聖誕吊飾, 有冇人想要???

郁郁B好認真甘整嫁..

完成..呢張碟賣幾錢好呢...好似賣兩元都嫌貴WO...

郁郁B要分別那一支是比較"長"的叉, 然後油上紅色

有得同女仔玩手仔WO..

發現有人影相, 女仔唔肯再玩手仔 LU

呢個女仔幾清純甘WO, 做媳婦都OK甘WO

跟住又要搵出較短既筆, 圈起佢

郁郁B最緊張既食茶點時間....博哂老命甘~~

郁郁B : 係呀, 快D食完可以要多碗呀麻~

郁郁B 上課情況 DEC - 2009

上學第二個月,,,點解仲係油到出哂界嫁~~~~~唔通郁郁B一D都遺傳唔到郁媽既美術天份!!!??????

照顧BB, 郁郁B會唔會係一個好哥哥??

真係好愛護甘WO...

話口未完又插眼哪...

照鏡, 睇下自己既真身係咩野...

郁媽觀課, 呢幅抽象畫就係郁郁B + 郁媽一齊合作做出黎既~

玩水彩, 呢D係屋企唔敢比郁郁B搞哪.....所以係學校有得玩就好玩多D啦~~

呢幅畫將來會變為名作~~

又係幫補家計時間, 又要做聖誕卡拎去賣~

落重料~

撻落去~~

希望呢張卡可以賣到好價錢哪~

裡面都有野貼嫁

隔離位同學太過唔專心哪!!

認識三角形

三角形真係好得意

認識圓形

做大廚

拋鑊

攝石人同學..

JAN- 2010 的上課情況

認識黃色, 見到後面那位小妹妹在打喊路~梗係昨晚出街玩黎哪..

郁郁B仲有FASHION DESIGN學

出界既情況好似好D哪WO..

認識紫色之餘, 郁郁B話買餅餅時務必留意食用日期呀!!

食蕉要搣皮

英語活動,,走個男外國人出黎, 唔怪得郁郁B冇物心機哪...女外國人既話, 郁郁B一定好比心機上堂..

幫補家計升級, 穿膠花預習篇..

郁郁B個樣唔多高興WO,,係咪因為要OT呀~~

最開心就呢一刻~~好野~~收工~~

真係好好味呢~~~

郁郁B由頭食到落尾呀..

食到尾段,   本來郁郁B都話"飽飽哪~走~著褸~~!!"

點知個EE跟手拎左盆瑤柱釀節瓜入黎, 郁郁B又話"要呀! 郁B要呀~~"

郁郁B已經食左兩個節瓜嫁啦, 佢仲要每一舊節瓜都要我叫我幫吹涼佢, 等佢易入口~

最後一舊節瓜, 我突然間好想整蠱郁郁B, 吹吹下, 我就把舊節瓜食鬼埋~~

哈~~~~

郁郁B係甘拎個匙, 鏗我個咀, 又係甘用手搣我塊面,,,,總之就唔放過我甘話啦~~

跟住三叔要將佢個舊節瓜比返郁郁B, 郁郁B先肯罷休咋....

從呢件事, 又證實左郁郁B真係好鐘意食野.. (其實唔駛證明, 識得郁郁B既人都肯定知道佢係超級鐘意食野既...)

跟住郁郁B仲食埋魚, 雞, 自己一碗翅, 仲食埋西瓜, 哈蜜瓜先肯停....我地真係驚佢食得太多肚痛呀..

到最後, 我地連個E面都食唔落, 叫EE直接幫我地PACK起佢, 但郁郁B又話佢要拎WO..

好彩我新買左個電子琴比郁郁B, 郁郁B一見到就唔再搞個盒E面了, 剩係掛住住搞個琴了..

返到屋企, 郁郁B點都要玩一陣琴佢先肯訓覺~~

睇黎郁郁B好有JAY CHOW既風格WO~~

郁郁B個時仲好細粒的~

之前將郁郁B的網床放在廳裡面, 等阿LI姐姐做野時, 把郁郁B放進去, 甘就安全D啦...但由於郁郁B的生長速度超快, 所以好快呢個網床已冇用了..

郁郁B悠然地食飯仔...自己拎住個碗"筆"飯呢~

所以我竟然冇去到我藍田唯一女性朋友既註冊儀式...真係有點遺憾呢....

幸好有郁郁B做代表.

基本上D人多數都係想見到郁郁B多過想見到郁媽嫁哪...

我直頭暈到郁爸佢地幾時出門口既我都唔知呀, 郁郁B點樣穿, 我梗加唔知,,,唯有係三嬸影返黎既相片之中我先見到郁郁B既裝扮..一慣既型仔啦~~哈~~~

今次既型仔打扮係由郁爸一手主理的~~

唔怪得我聽見好多人都話郁郁B個日好令仔哪. 確實係唔錯WO..穿起龍袍都有點似太子既~~哈

三嬸做咩甘開心~~比人影到冇準備既笑容呀~

呢張相所有女生都未READY

呢張相所有女生都READY好..

都係個句啦~~夫婦相處貴乎坦誠, 亙相尊重~~相信黎緊既日子, 佢地會慢慢學習得到~~祝佢地百頭到老~~~永結同心~~年生貴子~~YEAH~

我梗係嘈到拆天啦!!

未聽過D甘既道理呀!!

叫細佬幫媽咪早一日去拎租左既衫, 竟然答我"我已經有5套要拎嫁啦WO, 冇甘多錢做按金WO.."

真係瀲到我噴火呀!!!!

於是即刻吹雞, 叫哂D堂家姐出黎評下道理!!

但真係好搞笑LO, 我同郁爸都各自問過我細佬同肥妹, 所得既答案都係冇車戴我爸媽去尖咀,

到第二日大家姐出哂黎, 就話搵到多架7人車黎戴我爸媽, 跟住仲要係甘話唔明我同郁爸係電話度問咩WO,,

郁爸都話, ONLY得佢地聽唔明我地講咩既..

不過, 算數, 總次佢地肯搵架車出黎戴我爸媽就OK..

我一早同我媽咪講, 我約左PIKKI上午8點到屋企幫佢整頭髮化妝的..

點知, 我8:15分收到PIKKI的電話, 說搞極門都冇人應..

於是我打我爸的手機, 原來佢地一齊去左飲茶...真係激死

我未夠9點返到去, 我媽又著住件唔口岩既衫, 又要換左衫先可以繼續整頭同化妝...

拖下拖下, 搞到10點我個頭同妝都未得...

細佬又打黎吹, 話要返黎哪WO...

PIKKI於是拿拿林幫我埋尾哪..

頂佢個制！吹吹貢, 點知佢地架車10:15到左, 但又話個攝影C未到..係樓下停車場等左成20分鐘先上得黎,,,

甘你就唔好吹得我同媽咪甘利害哪...衰仔！

斟完茶比我爸媽及叔嬸, 話要趕去尖沙咀註冊處,  因為佢地醒到BOOK左早上11:45註冊結婚..

但我地11點仲係順安既停車場, D兄弟, 姊妹同新郎新娘都唔知影咩相, 都唔肯上車起行...

跟我們同樣坐在28座等待起行既肥妹媽咪, 老豆嘈到拆天！

成11:30去到註冊處, 又等一大輪先入去哪..

成個註冊既過程, 都夾雜住郁郁B問姨姨要糖糖食既聲音...

跟住我地冇跟兄弟個D返去食飯呀, 因為郁郁B超級眼訓, 我地決定先返屋企比郁郁B訓一下, 自己出酒樓..

我地5點出酒樓, 細佬佢地都係剛剛到咋..

跟住幫媽咪換衫...補妝....

一路多D識既人黎..先冇甘悶咋

今天最特別既嘉賓, 就係十幾年冇見既兩位堂兄都有黎飲細佬呢餐呢..

呢樣係今晚唯一值得開心的事~~~

郁郁B早上參加舅父註冊時好開心甘..

馬騮精上身,,,

又同令令EE影相

郁媽+郁B婆婆(新奶奶~)

郁媽+郁爸 (好鐘意郁爸穿西裝~~)

郁郁B都係穿西裝, 但掛住打麻將

影大合照時,,,郁郁B好唔合作..

郁媽跟幾位堂家姐/妹, 郁媽家都多出令女嫁~~哈~~