於是我把大郁的情況, 概括地解說給姑娘知道.
姑娘邀請我到明愛中心見面, 想比我睇下大郁的一幅以"做功課的情況"為題的畫.

於是我便到中心找社工姑娘, 她給我看了大郁的畫, 看後, 真的令我很心痛...

畫中的大郁, 坐在書桌前, 正在做功課, 瞼有笑容, 但腦中所想, 就是媽咪很惡的樣子!
姑娘說她們學障小組, 會有講秘密環節, 當要講秘密時, 會熄燈.
姑娘說大郁表示做功課對佢來說是有難度的, 但佢知道媽咪係希望佢做好功課, 所以佢都會努力去做, 心中還會諗好多野, 好驚達唔到媽咪的要求, 會令媽咪唔開心.

但無奈大郁的專注力真的是很差, 令他未必可以每次都完成所有功課.
所以內心十分之矛盾, 很想做好, 但又做唔到, 覺得很內疚, 唔開心...,
大郁的內心在掙扎...

大郁現在只有7歲, 7歲人仔又怎會識得HANDLE呢D甘複雜既情緒呢...

而畫中左上方, 大郁畫自己在床上睡覺, 夢中好開心甘玩緊.
姑娘說大郁表示他在睡覺的時候就是最放鬆的時候.

姑娘叫我不要同大郁提起這幅畫, 因姑娘答應過大郁會保守秘密的.

傾完一大輪, 我發現姑娘唔係只關心大郁的情況, 她還很關心我的情緒及壓力, 知道只有我一個人主力照顧大郁的學習上的問題時, 她問我平時有無什麼方法可以RELEASE 到呢D壓力, 又或者以前有咩嗜好甘.

嗜好!?? 我真係答唔出....以前既嗜好由大細郁出左世之後都無哂哪...
我嚇然發現, 係WO, 其實這陣子我都好唔開心嫁WO, 但一直只把焦點放在大郁身上, 完全無為意自己不開心既情緒.

去到呢度, 突然有點感動, 頭一次有人關心埋我...

黎緊既日子, 我目標係要做到壓抑燥底, 循循善誘.
大郁, 媽咪真係好愛你的, 你要加油, 媽咪同你一起努力!! 爭氣!!

但其實, 舊事都無物點寫過, 所以計實際的, 是6年的歷史.

由我同郁爸結婚就開始記載

實在不想變成廢blog呢!!! 從心裡面想重新振作, 再寫起blog來, 講下無聊野, 記錄一下大細郁既事,

讓大細郁長大之後, 得以從此blog中知道媽咪眼中的佢地是怎樣的.

以前細郁未出世, 而且我又是做文職, 有很多的時間寫blog, 

不過近幾年的轉變可以話係前所未有甘大呀~~~~由打工到自己出黎建立生意, 所有野都要重頭黎過, 年紀不細既我真是需要多一點的時間去適應及去努力!!

2012 - 2013 年發生了很多大事呢~~

豆豆B出左世

大郁幼稚園畢業了~~~

公司ECA 報捷, 見識見識

大郁上小學了~~

雖然已經返左一個月小學, 但我覺得大郁仍然好似發緊夢甘....10月中仲有第一個評估.........都唔知點算...

細郁上幼稚園了~~~

細郁每早都好早便起床, 星期日也嚷著要上學....

比較突出的, 就是細郁唔知係邊度搵到三氣橡皮筋 COOL落自己條頸度, 搞到而家每早細郁一入到班房, 老師第一時間就係檢查細郁的頸有無COOL住野......

細郁3歲了~~~~~

仍然只在家裡開了一個小型的生日會, 細郁好開心~~收到好多禮物, 而且有很多野食!!! 今次仲有YY一齊參與, 不過YY碗裡面既魚蛋被細郁偷走哂.....

回顧起來, 都是開心的事!!!

有著你們真好~~!!!

地點是掃干普紀律部隊體育會

今天主要有兩項分組比賽~第一項是保齡球大賽, 第二項是羽毛球大賽,

兩項比賽都是以4人一組對壘~勝出的一組有$400獎金~(即係每人有$100)

所謂重賞之下必有勇夫~~~

大家都好有決心贏取兩項比賽共$200的獎金~~

特別是我地既某高級經理啦~~

食LUNCH時, 她已盤算緊同邊個一組會有多點的勝算, 此時,某高級經理仍然說會比我加入她的組.

點知, 在頭一個鐘頭保齡球熱身賽後. 由於我的表現麻麻地, 某高級經理就臨時轉軚, 沒有將我列入她組之名單.

最後, 我地係以抽籤既形式來組隊~我仍然抽到同三叔同一組, 然後黟拍SUSAN 成 SUZIE.

我們這個組合, 看上去的確是比較弱勢的, 因為唯一一個打得比較好既只有三叔一個

點知, 我地發揮了利害的小宇宙, 我更加好像無啦啦掌握到打保齡球既竅門甘, 都有幾個全中, 補中甘, 成績遠比頭先熱身賽的強勁~~~

於是, 我們當然可以牙擦地說剛才是保留實力~~~~我更說今次比賽既重點係要令某高級經理後悔臨時轉軚唔想同我一組~~

結果係~~我地以頑強既意志力, 成為保齡球比賽既優勝組別~~~成功得到個每人$100既獎金之餘, 更成功令某高級經理後悔~~~哈~~~

至於第二回合既羽毛球比賽~~由於我地呢組個組合夠運, 所以又比我地立埋羽毛球賽既勝利+每人又$100的獎金~~~~

比賽完結之後, 仲有飯食~~加上今個月6月之星既兩位~~三叔and DORIS, 仲有蛋糕切~~~

好開心的運動同樂日~~~

贏...係有代價嫁...我個膝蓋磨薑甘損哂.....之後既三日, 成身都散哂甘...行路行到大肚婆甘.....

呢個故事教訓左郁媽,,,,,如果...太耐....無做運動, 就最好唔好做運動了....

今天我特登早點收工, 去了吉之島買靚牛扒&虎蝦~~今晚自家做大餐~~~

好奇怪的是, 我返到家將牛扒都預備好之後, 休息中就覺得越來越累, 好似好唔舒服甘, 最後竟然走左去嘔! 嘔完就舒服返哂..

今天連大郁都有和牛漢堡扒食呀~~大郁入廚房見到甘多牛扒, 都不禁講左一句: wah~~我好鐘意食呀~~~

開餐時, 大郁嫌自己塊漢堡扒唔夠大塊, 於是我將我塊牛扒切了一部份比佢(反正我嘔完, 都唔多好胃口呀~)

最後大郁竟然食得哂整份牛扒加配菜wo~~認真利害呢~~

吃完牛扒, 梗係唔少得切蛋糕環節啦~~我當然買左郁爸最愛既朱古力蛋糕~~今次我仲自己畫上圖畫及HAPPY BDAY~

今年細郁真正參與一起唱生日歌比郁爸聽~~SWEET到爆左10盞燈呀~

 郁一如以往, 又係話要最大個件蛋糕~我當然做哂戲甘話:係wo~~比件最大件既你先得~~(其實梗係唔會比甘大件佢啦~)

點知大郁差點連碟都食埋呀~~~好耐無見過大郁甘擦得了!!勁呀!!

似乎, 今日似係大郁生日, 多過似郁爸生日哪..

郁爸~祝你生日快樂~~身體健康~~工作順利~~每天都開開心心, 我同大細郁激盡量收儉d唔激你甘多啦~~

所以今晚輪到我留在家睇住兩隻八厭星~

突然發現細郁企係度擺POST!而且盡顯佢對波台腳既線條美, 搞到我都忍唔住同佢影左幾張相

又乘機穿爸爸對波鞋...