| «‹ December 2017 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
|
|
|
 
2015 年 6 月 17 日 星期三 
|
17/6/2015 大郁聯合覆診   |
|
幸好現在已經考完試，現在每天放學時間是12:30，所以不用請假去覆診。
事前我提了大郁可以跟醫生說一些開心或不開心的事情。
大郁對著很怕羞，在我鼓勵下才說出，有很多同學跟他一起玩是最開心的事情。
至於唔開心的事，他想了很久才說出之前有個同學笑他，令他有點不開心，但大郁說他不會把唔開心的事記著，已把這件事忘記了!
大郁自信的答: 完全無問題!! 我仲被同學選做班長TIM!!
-
-
醫生答: 是的. 會根據情況, 隨著年齡增加而增加藥的份量.
-
醫生答: 不是, 如果需要的話, 藥物是有可以讓成年人繼續服用的.
接著我又要問返早前大郁做的智力評估是否已經有結果.
醫生說大郁上一次做了一個短版的智力評估, 以下是報告中的一些重點.
的而且確, 服藥後的大郁, 在課堂中可以集中, 讓他在學科上面發掘出興趣.
而且今個學期, 老師還頒了這個進步獎給大郁(大郁說全班只有他有這個獎)
希望大郁你繼續努力吧, 媽咪會為你一直打氣的!!
見完醫生, 就到了最痛苦的環節....取藥....
每之去取藥都好萌...因為, 去到藥房, 人山人海的...多人多到好似去左年三十晚的年宵市場似的. (呢一刻我就覺得買我們的康健護理基金著實不會有錯!!)
大郁的藥物是自費藥物, 所以又要先到1號窗排隊比藥單佢報價, 拎到黃色報價紙, 又要再排16號窗交費, 之後, 先再跟嗌號碼取藥..
半年份量的藥, 藥費大約是$350 (8小時效是中價藥, 最平的是4小時效, 另有一種是12小時效的最費, 約要$20/顆)
整個取藥過程每次也至少1個小時的.
算啦...6個月先煩一次算好好的了, 總要向好的方面去想麻~!!!
每次一覆診都搞足大半日, 回想起以前還是做MERCHANISER的時候, 如果這樣每幾個月就要請假, 就算是名合理的理由..都會遭受白眼, 冷言冷語的對待! 所以我應該感恩的, 在大郁需要的的時候, 我可以隨時倍伴在側, 實在是只有現時的工作才能給予我這彈性.
所以, 每一件事都總有好的方面!! ^^
|
|
|
|
|
2015 年 5 月 29 日 星期五
|
迪士尼盡興而回  |
|
2015年5月29日星期五, 是大郁的學校假期 (六年級畢業禮綵排, 一至五年級放假)
趁此平日的假期, 最好當然是入迪迪尼, 博佢中唔多可以盡情玩啦~~
大郁仲好記得我之前講過, 下次入迪迪尼先買棉花糖過佢...雖然好貴好唔抵....但應承左, 就要買哪...
 
好耐無同過巴斯影相啦~~~因為之前黎既時間都係超級多人, 所以都唔想排隊影相.
 
天時暑熱, 我特登帶定一套玩水衣服, 讓大郁在玩水區玩個痛快
(如無穿衣服是不可以在玩水區玩的)
 
細郁一見到翠絲, 就開心到不斷同翠絲玩. 好不容易才能定下來拍張照片.
 
其實大細郁最喜歡是玩"馳車天地", 因為可以成為小司機, 駕駛小跑車. 但這個遊戲往往是等候時間最長的, 之前每次來, 都起碼要等45分鐘, 所以我們大都放棄.
但今次只需等15分鐘已經可以玩了. 所以我們一口氣玩了3次, 讓他們輪流過一下司機癮.
(我們三個人迫在一輛車子裡真有點辛苦, 不過相信大郁下一年就會夠高自己一個駕駛一輛的了)
 
玩完馳車天地,應細郁要求, 我們玩了一次小小世界, 之後就走到TOY STORY LAND, 大郁說他記得小時候影過一張相片, 是他坐在"D"字裡面的, 今天他說要重演一次. 可惜今時今日, 大郁已坐不到入去了!
細郁又跟著做.
 
 
平時又是要等很久才玩得到的彈弓狗, 今天也是15分鐘唔使, 就已經可以玩, 所以我們都玩了兩次.
跟住要跑出去睇夜光巡遊... (時間真的計算得很準)
睇完巡遊, 還有45分鐘才看煙花, 大細郁建議去吃晚飯啊...
郁媽心想"又食!!??"剛才不久前才每人一隻雞肶咋wo...
好啦, 好啦!! 今日豪食啦! 大郁仲要食牛扒
我想, 今天應該都很盡興了吧! 很欠沒有見過大細郁累到這個樣子了!
細郁直頭累到發脾氣TIM...個樣好搞笑...
這天我們晚上11:30才回到家..細郁返到屋企都仍然是還未醒的狀態! 哈哈!!
|
|
|
|
|
2015 年 5 月 21 日 星期四 
|
2015 暑期活動  |
|
今年的暑期活動又開始報名了~ 今早主要的任務就是幫大細郁報暑期活動!
我們已經是第二年參加明愛的活動! 今年大細郁很幸運, 因為他們抽到很前的籤 NO. 5!! 那就代表我可以在第一輪的時間已經幫大細郁揀報活動, 而且成功報到的機會可以說是99.99%~~
去年都只有大郁可以報暑期活動 (因為很多活動都有年齡限制, 年紀越小的就越小選擇的了), 大郁喜歡烹飪及手工藝, 還加了主打-- 足球!! 大郁足足報了兩組足球班~~~可見他真的很喜歡足球呢~~
細郁也說他喜歡烹飪, 還有一個是砌下小模型的興趣班.
雖然去報班的時間大約只是用了30分鐘, 但因為今天郁爸要上班, 我要帶住大細郁一起去到明愛中心報班, 場面都幾混亂...
大郁係甘搞人地部電腦及PRINTER...
細郁見到甘多哥哥姐姐, 又好興奮甘係中心跑來跑去.....
完成報班可以離開的時候, 竟然下著滂沱大雨....
本來想下午帶大細郁去沙灘的呢.......
之後跟大細郁在麥記吃早餐, 細郁試了那個士多啤利醬的熱香餅, 他說很美味, 並把所有熱香餅吃掉~~細郁從不浪費!!
反正出了街, 當然為午餐及晚餐買餸!
行街市中, 竟然讓我看到芒果糯米飯啊~~~只是$20~~馬上買兩盒回家!!!
味道很好呢! 但份量真的很多, 可以當午餐了!!
大細郁的午餐, 我煮了比目魚併烏冬(大郁又係要加隻溫泉蛋wo)
食得好開心, 搞甘多野都係值得既..
到郁爸下班回來, 就帶了大細郁去公園玩了一會兒.
就這樣渡過了悶悶的下雨星期天了... |
|
|
|
|
2015 年 5 月 16 日 星期六
|
伯裘媽媽會 |
|
這個年代, 有what's app真的很方便, 比以前更易約齊人聚會.
總共有9個中學舊同學出席這次的聚會, 而且大家都好利害地帶埋子女出席~
場面十分熱鬧!! 張枱幾長~~哈哈~~郁媽躲在很後的位置呢~~細郁被完全摭住了.
同學們的BB由幾個月大至7歲都有(大郁算是這裡的老大了!)
想當年大家在同一個課室上著課, 發著白日夢, 今日, 大部份同學都升級做了媽媽了.
所以, 原本是伯裘同學會, 現在可能要改名做伯裘媽媽會了! ^^
我當然有帶埋大細郁出席啦~
去年, 教大郁功夫的余師傅送給大郁的IRON MAN外套, 可以拉鍊上頂變身做IRON MAN的, 大郁很喜歡, 但上年穿的時候, 大郁嫌有點大, 所以上年都沒有多穿.
今年大郁覺得SIZE 剛剛好了, 所以變成他外出必帶外套之一!!
今日在其他小朋友面前穿起這件外套, 都引起小朋友的哄動呢!!
還記得去年大郁第一次穿起這件外套, 把拉鍊拉到頂, 不肯放下來 (他看不到前路的), 靠細郁帶領他走路, 無奈細郁令大郁往電燈柱撞. "嘭!!"一聲, 都頗大聲的.
我和郁爸馬上緊張地查看大郁有否受傷.
我一拉開帽子的拉鍊, 大郁第一句就跟我說: 原來穿起這件衣服, 就連撞柱都不痛!!
大郁當真以為穿起這件衣服就成了IRON MAN了....
出了名恨生女的郁媽, 今天專跟同學們的女兒合照!!
女孩子真的很乖巧呢!!!
第一次試抱這個只有幾個月大的小可愛時, 她一看到我就哭了...
我就說"難道我真係不能湊女的, 所以我無法生女兒!!??"
幸好, 我沒有放棄, 在第二次試抱時就成功了~~還讓這小可愛抱著睡得甜甜的呢!!
所以就是說明, 堅持就是真理麻!!
這次聚會的時間過得真快, 期待下次再跟你們見面呢~~~
相信下一次會更加齊人的~!!!
|
|
|
|
|
2015 年 5 月 13 日 星期三
|
一年容易又母親節了~ |
|
由於細郁上年將他手制的母親節珠手鍊送左比姐姐之後，郁媽早前都曾經擔心過今年是否可以順利收到細郁的禮物呢！
幸好，今年細郁整左張心心卡，裡面寫著:
Dear Mum I love you!
但我問返細郁呢d英文是什麼意思，他答唔到我呢~~哈哈~~
其實早於母親節前的星期五，我已經自己同自己慶祝左母親節!
各位母親, 間唔時都應該對自己好DD呀~~
我一天之內，食哂我好想食既野~~~
中午就去了佐敦食韓式炸雞定食~ $48勁抵食，又好好味wo~~
個飯勁多紫菜!!
部隊鍋都係$140左右咋~
特別多謝阿Wing帶我去食左一次，跟住就上左癮啦！^^
跟住就去銅鑼灣皇室堡拎團購買的backjoy。
平時我坐硬椅子(如圓櫈) ，坐完起身條腰係痛到企唔直個人。
(一來年紀大左, 二來生完B, 腰骨好似差左好多甘...)
有一次係三聯書店見到backjoy有個sample讓人試坐，我試坐左之後，起身個下，條腰又真是無痛wo。
個一刻已經想買返一個，但一睇個價錢，$500 幾元! 實在唔捨得買啊！
甘啱係團購見到，只需$300左右，馬上就買左啦！
算是自己送給自己的母親節禮物啦~~~ (郁媽買野特別多理由~~)
真是好好坐呢~~最緊要坐完唔會腰骨痛呀麻~~推介!!
拎完貨，就步行穿過維多利亞公園，微風輕吹，在樹蔭下散步真的很舒適~
我的目的地，是在天后的一間小小cafe，很喜歡吃這家cafe出品的蘋果金寶!!
我試了很多間的蘋果金寶, 還是覺得這一家的最合我的口味~~~愛死你了~~
自己吃完好野, 有內疚感, 所以買了個蛋糕給大細郁一起食.
美X的芒果mini脆脆已經唔夠我地一家食嫁啦, 所以一定要買大個.
母親節當天因為下雨的關係, 沒有什麼特別的活動~~
吃過早餐後, 我請大細郁幫我畫了一幅畫像...哈哈, 大郁好認真的畫, 細郁就求其畫.
晚上去了母親節反而會比較小人的宜家傢俬食晚餐, 豪食都只是$300左右, 好抵~~
(平時郁家四口一出外用餐, 大約都要花費$500的....)
今年的母親節過得好豐富及好開心呢~~~
|
|
« | 2 | 3 | 4 | 5 | 6 | 7 | 8 | 9 | 10 | 11 | ... | 174 | »
|
