我地早左成45分鐘呢~~~

大郁一路等, 一路係甘問, 點解甘耐仲未游得水嫁~~

終於等到夠鐘了~

大郁一點都唔怕水~~又唔怕陌生的教練哥哥...好快就跟教練哥哥打成一片...

而且亦好快就被教練哥哥起了花名"百厭星"

一開始, 大郁已經同教練哥哥說: 我識游水嫁, 等我教你啦~~

一齊既有一位男仔小朋友, 由上堂開始哭到放學, 其中一位教練哥哥已貼身照顧他, 但他仍然哭得很利害...

點知大郁仲用水杯淋左D水去個位小朋友頭上, 搞到那位小朋友哭得更加利害,,,,,,

大郁中途說要去洗手間, 但就一路行一路同我講: 媽咪~游水好好玩呀~~~快D去完廁所再去玩過啦~~

跟住到上完堂, 大郁都唔肯上水呢.......

明天起就是一連三天的假期, 但係我就提早一天開始放假了~~

今晚仲約埋契媽同小咕媽咪食放題tim~~好開心呀~好期待呀~~~

明天又約左poly既舊同學仔一齊食晚飯, 但有點不好意思的是, 要佢地就我去藍田食..

因為我想帶埋細郁出黎同你地見面呀麻~~再加上我有呢間野既coupon, 唔好浪費啦~~

再期待d既係星期六至日會同大郁入貝澳既渡假屋住一晚~~雖然應該無咩特別野玩, 但間唔中接觸一下大自然都幾好呀~~

仲有呀, 郁媽近排中左星巴毒呀~~每天都總要飲過ice moka才心息.....

剛才打扮得勁C9甘去接大郁放學,,,大郁又比4個老師圍佢....不過都慣了...

SO老師整左個行為表比大郁, 叫我每天睇下大郁乖唔乖, 乖就畫個剔, 唔乖就打交叉,

點知大郁同我講既版本係: SO老師話唔可以畫交叉嫁!!!!!!

頭先接完大郁放學, 順手去埋積金局幫幾位朋友仔CHECK佢地有幾多個保留帳戶...經過星巴,,,又飲左杯.ICE MOKA....真的中毒了...

細郁趁大郁訓左覺豬, 就係度高歌了~~好搞笑~~~~~

呢個星期我都無約朋友食飯呢,,,一來自己感冒未好返, 費事約人出黎時, 係甘咳, 傳播病菌哪...

二來多謝好多朋友既關照~~起步的營業額都唔錯~~~所以今個星期主要就想仔細研究一下公司的產品

原來有一個儲蓄既計劃又幾好甘嫁wo, 我都諗住做返份比大細郁,

因為供既年期又唔係好耐, 有得揀供8年或12年, 而且仲第6年開始可以每兩年就拎錢之餘, 個本金又唔會減少,

而且拎錢個度, 仲可以拎到大郁100歲~~等我再研究多d先~~~

好似3月19日, 我和郁爸都特登一齊參加大郁的學校旅行, 這天天氣認真唔好呀~~整天也下著雨....

最搞笑既就係, 今天的目的地是大埔海濱公園, 但之前係要先去一處叫咩蜜蜂王國甘既地方,,,勁似大陸旅行團個D買野黑店, 幾驚見到之前D無良導遊阿珍呀~

因為入到去就係甘叫我地買蜂蜜, 蜂皇漿甘...睇蜜蜂就ONLY得一個箱仔甘大把~~邊夠整間幼稚園既同學仔睇呀......

去到海濱公園, 仍然下著雨, 唯有坐在那裡的露天廣場的坐位處是有瓦摭頭既, 就開始食我地預備既老水腸仔同魚蛋啦~~

郁定所預備既份量係超大份的,,,,

今天最開心我諗都係可以超近距離甘影到大郁跳舞既片哪...

因為郁媽最近作了一個很重大的決定！

就係"轉行"了~~~~

在舊公司不經不覺都已經做左9年幾了, 一直都想轉工, 就見了好幾份工, 都要求工時超長, 仲要返大陸tim..

我就諗.. 今天, 我仲後生, 可以超時工作, 返大陸, 那十年後呢??十年後我還是要甘樣跑來跑去?

而且, 我地trading這一行業, 已有逐漸向北移發展了, 好多客都識得直接在大陸搵廠生產, 根本就唔須要經我地trading..

有感這一行業逐漸式微之時, 更覺得我真的要為未來打算一下!! 現在來轉還未算遲!!

於是, 我就揀了還有很多發展空間的財務策劃這一行業, 強積金, 強醫金及退休金都越來越廣受人們注意!! 所以我真的認為這一行業是有得做的!!!

至於點解揀宏利呢? 宏利是加拿大公司, 財政作風十分穩健, 有百幾年歷史又係上市公司, 而且公司對前線員工的支援十分之充足!!!

我相信只要我努力, 為左大細郁, 我係無野做唔到既!!!!!!

好~~決定左就馬上做一向都是郁媽既性格~話甘快~郁媽已經把作為一個財務策劃經理所須既4個牌考好了~~~哈~~~~

而家只係等個牌掛好就可以為大家服務的了~~~~

有興趣想知多D關於人壽儲蓄, 意外, 危疾及基金的朋友可留言比我~~我一定會好快回覆你地的~

我亦都會間唔中通過呢度, POST一D 公司最新最正既PLAN比大家睇的~有咩保險上既問題都可以問我~

現在我都主力幫朋友仔將繁瑣的保單做一個SUMMARY, 讓朋友們知道自己已經購買的保單是否有重複了, 還是不夠~~歡迎各位查詢嫁~~