先兆
今天是放產假的第四天, 原本以為一樣會未有動靜的.
但到了下午1:00, 就發現有些見紅wo...
不過, 點解我一DD陣痛都冇既.
咪住, 細心感覺下, 都有一點點陣痛WO..不過都不能稱得上話痛WO., 痛得一D都唔密, 成10幾分鐘先痛一次,
痛既程度又不利害....
令我很懷疑究竟係咪真係作動呢...
我仲有空在FACE BOOK UPDATE我既狀況TIM
穩陣起見, 我都係馬上走左去沖涼, 仲打電話比在樓下的三嬸幫我買個飯盒. 又係粟米肉粒飯. 想當年生大郁時我又係食呢個飯的~~~~
郁爸昨晚返完夜, 而家仲係度訓緊. 我同佢講左我見紅之後, 佢驚醒左問我甘點做, 跟住我話要再觀察一下先. 於是郁爸又再訓返.
我沖完涼, 食完飯後, 大約下午3:00,就安排大郁同阿LI姐姐到太麻度, 預備今晚我同郁爸會在醫院唔知幾點先返黎, 所以就送佢地去太麻度住一晚, 這樣我會安心點.
送了大郁去太麻度, 家裡剩下我跟郁爸.
我陣痛仍然唔係好利害, 見紅又沒有增量
聽了同樣生了第二胎的RUBY講, 都係唔好甘早入院, 棧要入去待產房..
於是我就睇返上次睇到一半半的 "飛砂風中轉" 笑了一大餐~~~~
到6:00, 就諗下食咩哪, 一定要食D生完BB之後唔食得既野, 原本我好想在彩明食片皮鴨的. 但得我同郁爸兩個人, 點食得哂呀.
最後決定食元氣壽司, 我打電話ORDER左, 郁爸去APM度拎外賣
食完壽司, 我又食了雪糕三文治
入院
8:30 正式預備入院 (我記得我生大郁時, 都好似係呢個時間入院的), 今次我地仲係CC然甘搭小巴去醫院的
去到醫院 9:15, 馬上直入產房, 登記入院, 駁機CHECK 宮縮(作動)次數..
點知駁機睇左成粒鐘, 都ONLY得兩次既宮縮紀錄..
於是, 順理成章, 姑娘安排我上4B的待產房呀~~~~~
上到待產房時, 大約是10:30, 我在升降機大堂度同郁爸坐左一陣, 郁爸就係甘睇他剛先幫我買的雜誌. 我就不斷在大堂內行黎行去, 行黎行去, 希望細郁快D出黎
11:00, 大郁唔肯在太麻度過夜, 要三姑姐湊返大郁返家, 郁爸都要回家了, 於是我都返回待產房的床位上, 預備睇完雜誌就睡覺,
正當準備睡覺的時候, 皇天不負有心人.
我開始有"痛"的陣痛, 而且還是每隔5分鐘就有一次!!!
我自己觀察到12:15, 陣痛都係每隔5分鐘就有一次, 而且每次的陣痛都真係幾痛下, 我就按鐘叫姑娘黎
再度入產房
姑娘到我床位時, 我剛好在陣痛中, 我痛到只能對姑娘說出的, 只有3個字 "五分鐘....."
姑娘又明我講咩WO. 馬上問我幾時開始的, 我答"11:00" (陣痛中)
跟著姑娘就馬上幫我檢查子宮已開的度數. 原來都已經開到有兩度的了..唔怪得我甘痛啦
姑娘說會安排我而家馬上落產房, 叫我收拾行裝 (幸好我沒有將所有行李攤哂出黎)
收拾好行裝後, 姑娘叫我打電話通知郁爸返黎, 叫佢直接去產房搵我.
本來已返到家中的郁爸, 一聽到我電話就估到我生得啦, 所以都不用多說, 姑娘已預備好輪椅推我落去產房
痛的等待
入到產房之後, 陣痛真的很利害, 姑娘問我駛唔駛聞"笑氣", 梗係要啦!!!
不久之後, 郁爸已出現在我眼前了..
由12:30 - 2:00這段時間, 真的十分痛苦, 因為陣痛時超痛, 而且我又好眼訓.
於是變左未有陣痛時, 我和郁爸都在睡, 當有陣痛時, 我就一手緊握著郁爸的手, 另一隻手就緊握著"笑氣"大力的吸, 吸到頭暈眼花
穿羊水
2:00, 助產士終於黎幫我穿羊水了
一把羊水穿了後, 我馬上有很急很急的感覺
助產士亦大叫, 叫我不要用力, 痛就聞"笑氣", 千萬不要用力, 子宮頸未開好的!!!
(但我感覺係佢一幫我穿羊水那一刻, 細郁的頭已要走出黎的樣子, 是助產士用手頂住細郁個頭, 唔比佢出黎甘既)
助產士叫郁爸快點換上手術袍, 要快手D, 因太太 (郁媽) 的子宮口已開到8度了!!要生的了.
這時, 我痛得死去活來~~~助產士都係個句 "唔好用力呀!!!!痛就聞笑氣!!!!!"
我矇矇矓矓中見到兩位助產士好趕急甘預備, 攤開一包二包唔知係咩既野..
又好快手甘SET好我張床變成下面係腳架既甘
可以用力了
2:00-2:30, 對我來說真的是度秒如年~~每次陣痛都要攞命的, 但又唔比人用力, 唯一只有聞笑氣來令到自己暈陀陀來減輕痛楚
2:30左右吧, 助產士終於叫我試下用力, 我吸了不少的笑氣, 覺得自己個身體很軟, 一點力都發不起...
但我都試著運勁
助產士說只要跟著她的指示, 可以做到不用剪會陰
其實這時我什麼說話都已經聽不進去了..
因為實在太痛了
用了幾次力, 好像頗有成果, 但到最後一口力時, 我痛得只懂在大叫~~~~~~
完全無視兩位助產士及郁爸叫我唔好大叫, 留返度氣黎出力, 我一個人把聲, 竟然蓋過了他們三人把聲.
就在我大叫這一刻, 突然間, 細郁就出左黎, 仲係放左係我心口上的手術紫色布上
我第一個感覺, 如釋重負啊~~~~~
仲有 覺得細郁甘大隻既, 札住我心口, 都幾重稱WO...而且好多頭髮呀~~耳仔又好貼~~~一點兜風耳都冇WO..實在太好了~~
今次姑娘叫我鍚, 叫我抱細郁, 我都有做呀~
因為今次都唔係太累, 只係用左唔夠半個鐘既時間就把細郁生左出黎哪~
姑娘幫細郁沖涼之後, 抱到我面前, 叫我自己睇下係男定女 (物仲有得變咩.....)
雖然我不用剪會陰, 但姑娘說我剛才最後一下不合作, 所以搞到有點撕裂, 都要補針, 但補針過程 15分鐘就搞掂了!!
之後我就留在產房觀察2小時, 到成4:00先上到4A病房的11號床休息
臥床8小時
由於我是順產的, 所以我要臥床休息8小時
到早上7:00幾, 我終於叫到D姐姐幫我拎電話出黎, 我就急不及待甘SEND短訊通知各位親朋戚友細郁出左世既消息.
由於現在是星期天的早上, 所以, 隔左一段時間, 先收到朋友仔既恭賀回覆~~
到11:00幾, 我臥夠8個鐘了, 姐姐帶我落床去小便, 沒有剪會陰真係差好遠, 我一落床, 已經係健步如飛, 個傷口一D都唔痛呢.~~
三叔三嬸首先話要黎探我, 我仲拜託佢地幫我買左份奶油多比我~~~
跟住仲有我爸, 媽都有黎
到晚上探訪高峰期, 簡直係郁爸那邊的親戚全部都黎齊甘滯呢
仲有AGNES 同美寶都黎左探我同細郁~
留院住到07/09, 郁爸就帶埋大郁黎醫院接我同細郁出院了, 大郁一見到細郁就超級興奮了"細佬黎既~~"
我答: 係呀~~媽咪接左細佬返黎啦!!你要鍚細佬呀!!
