照超聲波發現話細郁偏細左D, 細郁而家係34週的, 但佢既SIZE只有32 週.

不過BB細左兩週是剛剛可接受的範圍以內。

醫生仲話而家既細郁 ONLY得2.3 KG, 即係5磅度咋..

睇黎我係剩返既呢一個月, 要努力食多D長胎既野了...

但另一樣麻煩野又出現了, 醫生話我小便中含既蛋白質指數偏高, 建議我留多一次小便去化驗, 睇下係咪真係有問題..

我立即問今次既化驗要多少錢..幸好, 只須70元..

唔算太貴, 當然馬上安排化驗啦..

肚圍 41", 所以大家見到我個肚都幾巨下

不過姑娘摸肚時, 度左我個肚兩次, 話我個胎細左D, 以及摸唔到BB個頭是否向下.

於是又要見醫生..醫生再摸肚時, 就話正常..

不過, 我其實唔多信得過政府的診斷, 所以我一返到公司, 就打電話去私家診所度BOOK產前檢查, 照下超聲波, 睇下細郁係咪真係一切正常先安心D.

約左明天下午就有得去睇, 希望細郁一切正常啦..

今早如常地送郁郁B去返學..點知一去到學校門口, 其他同學既家長係甘投訴郁郁B昨天放學時向阿LI姐姐發脾氣..

跟住老C就話郁郁B發脾氣, 閙姐姐!! 今天要留堂..

我以為老C只是開玩笑, 我臨走時, 老C特登叫我要遲30分鐘才來接郁郁B...原來真係又要留堂....一星期一次....

撞口岩今天三叔休息, 再次挑戰接郁郁B放學, 因為留堂既關係, 三叔可以多半個鐘頭訓呢~

今次三叔係挑戰成功, 順利接到留堂既郁郁B放學的！郁郁B都有讚三叔叻叻！

由於今天我請了半天假做產檢, 我有時間可以去接郁郁B放學, 去到學校附近, 就撞到出去買野既利老C, 我就問老C今次郁郁B有冇哭, 利老C話郁郁B今次就真係知驚了, 因眼見其他同學放哂學, 佢就唔可以放學, 就開始哭了~

老C問郁郁B仲可唔可以發脾氣, 閙姐姐呀?

郁郁B答:唔會啦, 唔敢啦~~ 唔好留堂呀!

老C問郁郁B仲會唔會唔拖實媽咪呀?

郁郁B答:唔會啦, 唔敢啦~~ 唔好留堂呀!

老C問郁郁B仲會唔會話唔返學呀?

郁郁B答:唔會啦, 唔敢啦~~ 唔好留堂呀!

老C話希望借住留堂這個機會, 使郁郁B知道有D野係唔口岩, 唔可以做既.

趁細郁未出世, 整頓一下郁郁B既劣根性.

因為郁郁B蝦姐姐蝦得好利害的, 這個我都知道, 唯有多D同姐姐傾, 教姐姐應該點樣對付郁郁B

呢個面具係郁郁B在暑期班上既習作, 佢好鐘意的~

郁郁B跟至愛既麥兜影相 (其實郁郁B咩都鐘意, 史迪仔,,,THOMAS,,,叮噹,,,米奇,,,好灠的)

郁媽個肚有42", 開始發力了~~

郁郁B的新單車~16寸嫁~~

郁郁B又踏得似模似樣的~~有潛質做黃金寶既接班人~

郁媽: 郁郁B你今天在學校有冇乖呀??

郁郁B: 有呀~~~

郁媽: 但係AU老師話比媽咪知你今天比老師罰留堂WO, 咩事罰留堂呀??

郁郁B: 曵曵呀...(個樣開始心虛甘)

郁媽:咩事曵曵呀??

郁郁B: 玩水水....地下又有, 玻璃都有~全部濕哂~~

郁媽: 唔怪得老師要罰你留堂啦, 玩水水係唔口岩嫁, 你搞到地下, 玻璃都濕哂, 要EE幫你抹, EE好累, 好慘嫁!!

郁郁B:.......(好似內疚中 )

郁媽: 甘下次仲玩唔玩水水呀??

郁郁B: 唔玩....

郁媽: 甘就乖啦!!

郁郁B: 乖~~ (笑臉又出返黎)

今早同郁郁B返學時, 在路上都有再問郁郁B

郁媽: 可唔可以玩水水呀??

郁郁B: 唔可以, 玩水水係唔口岩既!!

返到學校門口, 剛好見到利老師, 利老師一見到郁郁B, 就叉起腰裝作很嬲甘樣.

我就問郁郁B: 依, 利老師點解甘嬲既??

郁郁B開始粒水中, 只能以笑摭醜..

利老師同我傾計, 說郁郁B係一個超級樂天的小朋友, 因為人地罰緊佢, 但郁郁B仲以為人地同佢玩....

利老師更說, 其實郁郁B現在已有改善, 想當初郁郁B剛入學時, 上外籍教師英文堂時, 郁郁B一D都坐唔定, 左郁又郁, 搞到AJOE哥哥(外籍老闆)根本上唔到堂, 因為剩係掛住要捉住郁郁B, 要郁郁B坐定定已經大費周張了..

AJOE哥哥為了向郁郁B表現不滿, 就除左郁郁B對鞋, 仲要脅郁郁B要掉左佢對鞋仔

點知郁郁B仲以為AJOE哥哥同佢玩, 郁郁B仲自己拎對鞋仔掉落垃圾筒...

現在, 郁郁B起碼都知道係學校曵曵, 係真係比人罰留堂嫁.

郁郁B呀~~老師話你樂天, 媽咪都唔知老師係讚緊你, 定係彈緊你呀~~~

呢個仔...真係有排教呀....

話郁郁B今天要罰留堂30分鐘

事緣郁郁B臨放學時去洗手仔..點知郁郁B就搞到整個洗手間全部都係水, 地上, 鏡子, 總之就好誇張!!

老C話郁郁B平時都會玩水, 但唔會好似今日甘誇張

老C話郁郁B甘樣唔口岩嫁, 郁郁B仲要笑笑口甘, 以為老C同佢玩..

所以為了讓郁郁B知道甘樣玩水法係唔口岩既, 就罰佢留堂半小時.

老C叫阿LI姐姐半個小時後才來接郁郁B放學..

我問郁郁B既反應甘點樣

老C讓郁郁B坐在課室, 靜思己過..

初時仲會笑笑口甘話"唔好罰留堂啦~"

但當所有小朋友都走哂, 姐姐又走左.

郁郁B開始發覺事態嚴重, 就係度大哭

我跟老C講電話時, 都聽到老師個邊電話後傳來淒厲的哭聲...相信就是郁郁B的哭聲了..

老C教我今晚返到去試下引郁郁B自己講出今天曵曵的事, 讓郁郁B知道媽咪係會知道佢係學校乖乖定係曵曵既

呢個郁郁B呢!!真係破哂紀錄, N班就要留堂了.....

真的令郁媽感覺很差！點解D人可以甘自私??????

事緣就甘既, 郁媽在搭公共小巴, 上車時只剩下一個位..而那個位, 仲要係雙人座入面那個位。

郁媽個肚成40"大, 真的很難攝入去的..夾硬攝入去, 會整傷細郁...因為會撞到個扶手位

但那個人渣就死都唔肯吞入去坐, 死都要坐在近走廊的位....

點解而家D人, 唔讓坐給有需要的人都算, 連吞一吞個位都唔肯...呢個究竟係咩世界??? 

下次, 我唯有等下一班車, 因為我係唔可以傷細郁！

做媽媽, 真的一點都不容易！！