仲話要一致穿紅色上衣+牛仔褲, 仲要綵排嫁WO..

好彩, 郁郁B的結業典禮在7月3日, 係星期六黎既, 甘我都可以去到, 唔駛請假~~

7月2日就係做綵排既..

究竟...N班既結業典禮係做D咩既呢...問過郁郁B..佢都冇答我...

跟住黎緊都好忙呢~~

7月10 就有下學期既家長會

7月15日就係生日會

7月16日又有一個叫冒險樂園 FUN 一 FUN...郁爸話唔同郁郁B去 WO, 反正郁郁B咩都話驚, 都唔會玩既..

而且如果要去的話, 我或郁爸就要請一個早上的假先陪到佢去, 因為係星期五黎嫁..

但係, 其他小朋友都去, 郁郁B冇得去, 郁郁B會唔會好可憐呢????

我想問下老師, 如不參加的話, 是否當天就不用返學既呢...

我還在考慮中

郁郁B唔知係咪唔肚餓呢, 食飯食得好慢, 又掛住望電視!!

又含住啖飯唔咬, 唔吞甘!!真係激死我呀!!!

為左罰郁郁B食飯甘唔乖乖, 我就沒收左佢既愛車之一 紅色小巴車仔

同埋叫阿LI姐姐明天起, 郁郁B放學返黎食餐奶, 由原本的240ML, 減為130 ML！

因為郁郁B放學時, 老C都已經比緊郁郁B食魚仔餅呀, 糖! 跟住經過麵包店, 郁郁B又一定會買個包包!

返到黎又飲240 ML既奶, 難怪晚飯唔肯食..

所以要出此下策, 把郁郁B調正過黎！

我本來諗住同郁爸出去食下飯甘嫁..

郁爸就話明天先食都得哪..

但...明天就唔係你生日啦!!傻佬!!明知自己生日, 唔駛同老婆仔食飯既, 仲應承人去踢波!!真係好嬲呀!!

幸好, 郁爸在足球同郁媽兩者裡面, 今次最終都有揀到郁媽~~

最後我地兩口子去了APM撐枱腳~~

但由於冇帶郁郁B出黎既關係, 都食得好掛心呀. 拿拿林食完9:30就返到屋企了.

返到去, 又食返昨晚食剩的魔鬼蛋糕~郁郁B又食得好開心呢~~~

所以我地可以一次過慶哂兩樣野

今年我本來靜雞係美心訂左郁爸好鐘意既魔鬼蛋糕 X 父親節SPICAL版 (名叫魅力爸爸魔鬼蛋糕)

點知在我交帶阿LI姐姐幫我拎蛋糕時, 比郁爸發現左TIM.....

下午時, 我地決定帶郁郁B去嬉水池玩下水呀.

因為今日真係好熱, 熱到好辛苦呢~~

點知郁郁B去到泳池, 玩滑梯又話驚, 玩浮床又話驚...物叉都話驚, 剩係掛住玩泳池裡面的水槍,,,真係比佢激死!!

郁爸係甘問我: 究竟郁郁B個膽去左邊呀~~~~~~~~~~!!

但我就寧願郁郁B係甘樣, 起碼唔會每天都損手爛腳, 要我提心吊膽呀, 唔通要佢好似那個不死神童王勁威甘樣先叫好咩!! (我左眼見到鬼入面劉青雲那個角色)

玩水直到4點度, 就開始離開.

我同郁爸係第一次聽到郁郁B同我地講: 好肚餓呀~

因為平時我地都冇物機會要佢肚餓嫁麻!!所以今次真係第一次聽到佢講話肚餓~~

本來諗住返到藍田先食麥記的, 但郁郁B既然開到聲話肚餓, 梗係唔可以再等, 馬上搵間茶餐廳喂飽我隻郁郁B啦~~

我地叫左三個麵餐, 冇錯, 而家已經要叫另外叫一份餐比郁郁B的.

平時郁郁B唔會食那個牛油方包同奄列的. 今次我比左一PART既牛油方面比佢, 郁郁B竟然係甘塞哂入口, 跟住仲食奄列TIM.

由此可見, 佢真係好肚餓呀~~

食飽飽返到屋企, 郁家上下就馬上大昏迷了~~

訓到8點食晚飯才起來

今晚三叔同三嬸都有黎食飯, 真係辛苦佢地了, 因為佢地今日去左出海的, 應該好累的, 但都比我拉左黎, 為的就是陣間食完飯會同郁爸切蛋糕麻, 甘大個蛋糕, 真係ONLY得郁家邊食得哂呀~~~

比起去年, 郁郁B今年同郁爸唱生日歌大有進步呢~~~

呢條"太"就係郁郁B送比郁爸既父親節禮物啦~學校既老C仲好整蠱甘教郁郁B同郁爸講: 爸爸, 返工要戴!! 出街要戴!! 星期日出街就一定要戴!!

出發去游水前黎張父子合照先~

郁郁B笑到個樣好衰甘...

係泳池既更衣室偷影的

晚上同郁爸切蛋糕時影, 呢個就係搵笨實既魅力爸爸魔鬼蛋糕啦, 只不過多左撇鬚之麻~

兩仔爺都好鐘意呢個蛋糕, 係甘望到實哂..

郁郁B食到成面都係朱古力

上年郁郁B同郁爸唱生日歌, 仲未係好識唱, 同埋好搞笑, 叫佢鍚郁爸, 佢仲係度"吹"阿郁爸甘

這是上年的

這是今年的.

媽咪話比我知, 外公情況比之前好了. 仲食到半碗粥, 跟住就實會叫我唔好過黎哪

等外公出醫, 外公話想提早慶祝生日..

於是我就乖乖的等收到外公出院的消息

但係. 今早11:15分, 正當我去完郁郁B學校的K1簡介會, 同三嬸食緊早餐時.

就收到媽咪的電話, 說外公11:00時走左了..跟住又係叫我唔好過黎哪.

當收到電話時, 我都呆左一呆, 唔係話好轉左的嗎...為何突然又...

我真係好唔開心...因為我同郁郁B又係趕唔切見外公最後一面....

點解媽咪唔可以早D打黎, 叫我去醫院見外公的最後一面呢!!!!!

上次麻麻係大陸, 因為遠已趕不及見麻麻最後一面

估唔到今次外公在香港的, 我一樣無法見到他的最後一面..

好唔捨得外公..細個時有一段時間是同外公一齊住的..

外公好錫我, 亦好錫郁郁B, 星期一探佢時, 佢都記得郁郁B, 叫我唔好帶郁郁B去醫院..

自己已經甘唔舒服, 甘辛苦, 都仲會為郁郁B著想..

自覺自己真的很不孝, 係要到老人家走左, 先甘想念人, 生前又唔多D同外公飲茶....

外公   一路好走  我會永遠掛念你!