昨晚我特別安排左郁爸最鐘意既蕃茄薯仔瘦肉湯, 蒸條魚, 西蘭花炒雞柳, 蟹柳粟米炒蛋。

郁爸一齊食飯, 郁郁B表現得特別開心呢~~~

又係甘話夾條魚, 又話要大D啦~

食食下, 又話要郁爸抱住黎食..

奇怪的是, 郁爸未食完飯, 通常唔肯抱住郁郁B食飯的, 但今晚郁爸又肯抱住郁郁BWO.

今晚郁郁B真係好爹郁爸呢~~

食完飯, 郁爸坐在梳化上看漫畫書, 我同郁郁B爭住訓係郁爸既大脾度, 明明冇位, 郁郁B都要攝埋黎~~又係甘話有位！

而家郁郁B都可以自己完成整個沖涼既過程呢~~

仲係甘同郁爸講: 我洗頭好叻嫁!!

郁郁B識得自己除褲 (不須要協助 ) , 堅持要自己除衫(但其實要郁媽協助)

跟住郁郁B識得開個熱水爐制啦, 開花灑, 拎個花灑淋頭,

堅持自己搽洗頭水洗頭 (玩既性質多, 主要都係我幫佢R個頭)

跟住郁郁B會堅持自己沖頭 (都係要我協助的)

跟住就拎個沐浴球, 先濕水, 然後支D梘液落去個沐浴球度 (呢PART一定要睇實, 因為一唔留神郁郁B會支好多好多梘液落去的)

郁郁B會要求我幫佢拎住個沐浴球, 然後佢就博老命甘支梘液落去, 務求係我發現之前, 盡量支多支梘液落去.

因為郁郁B想盡量整好多好多既 泡泡~~

之後郁郁B自己會用沐浴球搽均全身, 務求使每一個位置都有泡泡.

郁媽就會補其不足, 幫佢搽下背部, PAT PAT甘..

跟住郁郁B就會堅持自己沖水, 但一D都沖得唔乾淨...最後都係要郁媽執手尾...

就係甘, 就完成左一次既沖涼啦..

郁媽覺得, 最困難既地方, 係保住自己唔好比郁郁B搞到成身都濕哂, 同埋最後叫郁郁B關水喉係最難的...

而家終於我係行到入去放野入個櫃度了~~

仲要今次郁爸同三叔好利害, 只用了唔駛3個鐘就搞掂了~~

佢地係趁郁郁B返左學既時間黎整既, 但在郁郁B放學前已經搞掂哂~~認真叻叻!!!!

因為大家都都知道, 如果郁郁B放學返黎時都未搞掂, 郁郁B一定會係度搞搞震, 到時就更加難完成的了~

今天負責接郁郁B放學既係三叔~

(三叔真係要好好珍惜接郁郁B放學既日子啦~因為下個月開始, 郁郁B就會返上午班的了~~到時就算三叔放假的日子, 斷估三叔都唔會甘早起到身接郁郁B返學了吧~)

今次最搞笑既係, 三嬸都有提三叔接郁郁B放學要帶錢, 因為郁郁B一定會買麵包的..

點知...三叔同郁郁B行到去麵包店門前, 郁郁B突然就問三叔 : 三叔有冇錢錢??

三叔嚇左一跳, 估唔到甘細個人仔就會問佢有冇錢!? 回答: 梗係有啦~衰仔, 接你放學點敢唔帶錢呀~~~夾包包啦~~~

跟住郁郁B就好安心甘去夾包包啦~~~

之前阿LI姐姐跟我說, 郁郁B去到麵包店, 唔肯揀D細個既包包, 係都要揀D好大PACK既包包, 有D成25元的~~

郁郁B而家咩都話要大D既~~真係比佢激死！

昨晚終於有得跟郁爸一起吃飯了~~不過我地昨晚冇煮飯, 只係煮羅絲粉 + 蜜糖雞翼, 三叔三嬸都係度一齊食~~

食得好飽, 同埋食得好開心呢~~~~

希望今個星期日天氣好一點啦~~

因為堂妹比左四張海洋公園既門票給我, DEAD LINE 係6月7日,

我地係打算叫埋我爸媽+郁郁B一齊去行下的, 等郁郁B探下熊寶弟弟都好呀~~~~

郁郁B未去過海洋公園的~~

郁爸仲打算問德德借架私家車, 車我地去~(好開心~~有得坐郁爸駕的車~)

由原本諗住5月22日去, 延到5月29日又去唔到, 今個星期日 6月6日, 係最後機會的了~~~~~

希望天公造美啦~

但後尾郁爸話佢返唔到黎食飯, 要直踩到明早呢..

郁媽登郁爸辛苦之餘, 對於又冇得一家人一齊食晚飯好失落呢..

就係呢個時候, 三嬸話比我知, 大頭同德德今晚會上去食飯, 叫埋我一齊上去食飯WO~

我問準郁爸之後, 就帶埋郁郁B, 同埋已買定原本諗住今晚煮既魚同菜, 去三嬸度痴餐了！

雖然我家去三嬸度唔算遠, 但我粗身大細, 又拖住郁郁B, 所以都係搭幾蚊小巴吧.

郁郁B好乖呢, 落車時, 會同司機叔叔講: BYE BYE 叔叔!!!

今晚都好大風呢, 我幫郁郁B穿了黑色的外套, 西裝褸款冇帽的.

但郁郁B一落車, 見到有個小朋友哥哥, 因大風就戴起風褸既帽子.

郁郁B又有樣學樣, 係甘掹個後領位, 話要戴帽WO,,,

但無奈, 呢件外套係冇帽嫁麻...傻豬！

落左車, 都要行一小段路先去到三叔三嬸家的, 郁郁B一路行時, 佢就一路話: 去太太度呀!! (郁郁B的太麻麻家)

我話: 我地今次唔係去太太度呀, 係去三叔度呀~你好鐘意去太太度呀?

郁郁B冇出聲, 但我都知道佢好鐘意去太太度的 , 因為太太屋企實在有太多野食&玩具比郁郁B玩了..上次我放郁郁B係太太度一天, 佢係不停甘食野LO....

去到三叔家, 大頭及德德已經係度了, 仲打緊機TIM, 三嬸就好忙甘煮緊飯,

郁郁B今晚食飯好乖呢~~食哂成碗飯之餘, 之後仲係甘埋黎食條魚WO~

今晚三嬸有整墨魚, 郁郁B好鐘意食呢~但我唔敢比太多佢食, 怕佢難消化.

因為每次郁郁B都話要"好大既~~" 唔肯要細細舊既~

郁郁B而家咩都要"好大既!!" 要揀好滿既湯, 好滿既飯, 好大舊既魚, 好大舊既墨魚...真係...比佢激死...

今天郁郁B放學時, 有點雨, 我就叫姐姐拎埋史迪仔雨螻同水鞋去接郁郁B放學.

我都估到會開心死郁郁B嫁啦~有得著雨褸同水鞋~~~

仲要係由老C幫佢著件雨褸, 認真大爺甘WO

姐姐用半咸淡既廣東話, 同我講話老C讚郁郁B乖乖呢~

同埋話郁郁B係學校時, 老C需要幫手時, 郁郁B就係甘講:郁郁B做野！！

笑死左D老C......

昨晚睇電視時, 郁郁B攤係我個肚既旁邊 ( 細郁係甘踢郁郁B, 郁郁B都冇反應)

郁郁B又係攬住佢既至愛雙寶，麥兜及豬仔公仔..

佢攤攤下, 隻麥兜跌左落地WO..

郁郁B講左一句: 哎呀, 麥兜跌左既~

跟住就去搭返隻麥兜

之後補多一句: 激死人哪!!

我聽到之後...真係比郁郁B: 激死人哪..... (無氣...)

今次係要搵白色既物件圖片貼在工作紙上面~~~

學校係咪見我整之前那張工作紙甘馬虎, 所以罰我要做多一張呢??????

今次我唔懶啦~~雖然話下星期一先交回工作紙, 但我而家就馬上同郁郁B一齊搵白色既圖片貼上去~

有郁郁B幫手~~做工作紙既過程係更加煩既, 郁郁B咩都話比佢剪, 咩都話比佢貼....

又整到周圍都係膠水....跟住郁郁B又話好污糟, 係甘要我幫佢抹手仔~~~真係MY GOD呀!!!!!!

郁爸今晚開OT, 要11點幾先會返, 得返我同郁郁B相依為命, 食飯時, 郁郁B如我所料, 郁郁B係甘夾魚呢~

同埋仲係甘講: 等我夾條魚先~~~

跟住又係甘話: 呢度有忽忽呀!!! (其實係有骨骨至口岩)

食完飯, 無聊地坐在梳化上, 雖然郁媽係TV BUDDY, 但而家D電視劇真係唔多有興趣睇呢...

於是我就拎住個搖控係甘轉台, 睇下有冇其他台係有口岩睇既..

我每轉一個台, 郁郁B都會旁邊話: 唔睇呢個！

我好似就係幫佢轉台既工人甘..

一直轉到個D DISNEY CHANNEL呀, BABY TV時, 郁郁B有反應WO, 叫我唔好轉台WO

但好可惜, 郁爸的TV PLAN係冇買呢D台的, 於是, 就只可以PRE-VIEW兩分鐘度,

一到了PRE-VIEW完的時間, 電視就冇野睇的了

我就轉去下一個台

點知郁郁B鬼甘醒, 叫我轉返去頭先個台WO

一轉返去頭先個台, 又真係又有得睇一分鐘度WO..

但突然間, 郁媽就覺得自己真係好可悲呀, 郁爸在家的時候, 搖控器的控制權一定在郁爸手上的..

到而家郁爸不在家, 個控制權仍然不在郁媽的手裡....嗚呼哀哉......