由於車程頗遠, 我地去到迪迪尼都已經11點幾了, 同三叔三嬸一起玩左個4D (郁郁B係香港都睇過, 所以唔多擔心)

跟住就叫三叔三嬸佢地拍下拖, 唔駛比我地阻住哂佢地二人世界既時間, 同埋約埋睇完巡遊就係大門口等, 我地要去幕張OUTLET

我見到好多小朋友都揹住兩樣野, 一樣係公仔餐盒, 一樣係公仔爆谷筒

我為左郁郁B, 就好努力甘搵呢兩野買比郁郁B, 因為郁郁B好鐘意史迪仔呀麻.

個史迪仔LINCH BOX SET盛惠 1780 YEN(即150元港紙)

餐盒裡面有一個類似漢堡包既野, 一包薯條及一杯橙汁...我幾驚用左1780 YEN係ONLY買一個盒, 要野食要另外再賣我就真係死比你睇哪..

跟住又問左人係探險區先有史迪仔既爆谷筒賣~

終於也比我搵到~多謝哂1200 YEN, 裡面已裝滿爆谷, 要再REFILL就要500 YEN..

郁郁B一見到個史迪仔餐盒同史迪仔爆谷筒都開心到跑住甘過黎, 因為佢知係有野食呀麻~~

仲係甘要自己掛住係頸度TIM~

我地仲睇埋史迪仔劇場~~睇史迪仔唱歌嫁~~

跟住已經要夠時間去睇巡遊了~

郁郁B都睇得好開心呢~~

睇完巡遊, 就到大門口等三叔佢地哪~

點知三叔佢地又買左個史迪仔既八達通套比郁郁B..甘口岩我都買左個比郁郁B, 好彩唔同款~

集合好, 我地就出發去幕張OUTLET啦~~郁郁B今天就慘D, 要係車仔度訓晏覺了..仲要比郁爸整蠱..搞到成個阿星甘..

去到先食左個日式咖哩漢堡扒飯...(麻麻地好味..)都成60元港紙嫁..

行街街先去AGNES B, 郁爸再去LEVIS買左兩條牛仔褲, 為返約700元度一條吧~

郁爸再去ADIDAS買左對1000 YEN既波鞋 (好抵)

差不多六點幾, 我們才開始返回迪迪尼看夜間巡遊及煙花

返到去, 我地先REFILL左一次爆谷先~爆谷好受郁家歡迎

跟住就坐左係間露天餐廳度等夠鐘睇煙花 ( 煙花晚上8:30才開始)

但估不到的是, 煙花8:30準時開始, 我走左去廁所, 去完廁所, 約8:35分...煙花已經表演完畢....

駛唔駛甘快呀...

這天返到酒店都已經9:45了..我地仲未食晚飯呢, 但好味既店, 已經不營業了..

我地今晚唯有買松屋食哪, 即係好似香港既吉野家甘既快餐...

回程既火車好舊式, 好得意呢~

呢間和歌仙食晚餐放題要成7000 YEN, 即成600幾港紙嫁. 但LUNCH SET則百多元有交易, 呢爭都係建議我地去食LUNCH, 又唔駛等甘耐, 又唔駛甘貴~

我地11:15就搵到呢間和歌仙啦~

未係有好多人, 唔駛等位, 馬上可以入去坐了~

但我地睇錯左MENU, 點了打邊爐呢~~原本諗住燒肉的~

但都好好味, 和牛真係入口即溶, 勁好味呀~~

仲擺到成桌都係野, 真係好利害的感覺~

12:00開始, 就越來越多人啦, 出面仲要等位TIM, 但佢地好好的, 唔會因為有人等位, 而叫我地快D走的~

食完飯, 我地就去左原宿, 先去明治神宮參觀一下先, WAH~ONLY由大門口行入去都行左好耐, 好彩沿途景色都幾令~~

行完明治神宮, 就去竹下通度行街哪, 有點似旺角花園街呢~

郁爸同三叔行得好開心, 特別係買到野既時候啦~~

行到唔願走甘TIM呀~~

跟住又係時間返酒店休息一下, 再返出去食晚飯, 今晚係食拉麵, 我叫左碗特濃角煮拉麵 (該店的招牌菜) 650 YEN..但係唔飽的..

當然, 我們的郁郁B仍然訓到天使一樣, 一點影響都沒有哪..緊張的只有我一個....

起程的時間終於來臨了~~~

大家都如臨大敵甘, 超快地梳洗, 跟住仲要幫郁郁B換衫...

點知出得門口已經比原定既5:30遲左哪, 成5:50分先出到門口哪..

約左架貨VAN車我地去機場(260元), 先接左我地, 再過去接三叔三嬸佢地.

好哪!!齊人哪!! 全速前進出發去機場..

個天仲未光嫁, 仲落雨TIM, 好凍啊, 好似得10度咋..

我地都著哂足夠既預寒衣物上身呀~

6:20分, 就到達左機場既三號停車場

落車時都係下著雨的, 我地就飛跑上去客運大樓哪.

去到西北航空既COUNTER CHECK IN, 本來我地同三叔係隔得好遠的,

我地教郁郁B同地勤姐姐講"唔該啦, 近D呀~~"

跟住地勤姐姐就幫我地將三叔佢地個位稍為移近左幾行...

不過其實你冇分別既, 因為都係我地郁家一起坐了中間一行四個位, 三叔佢地就坐後幾行既其中兩個位, 都係傾唔到計既..

CHECK完IN, 我地就去左食早餐, 我地8:00機的, 7:30入閘,,,點知行行下D職員叫我地快D. 就快關閘了...

搞到我地跑住去登機閘口呀~~~~~

同郁郁B搭飛機簡直係惡夢呀!!!! 真係想佢全程飛行時間都訓哂覺豬...可惜係無可能既...郁郁B一上機冇幾耐就訓著左..

但到9點度, 郁郁B聞到飛機餐既香味, 就醒左哪..

呢個飛機餐係SPECIAL FOR KID的, 係比大人餐多左少少菜甘LO..但都唔算好味..

郁郁B成日都大聲叫, 唔係去小便, 就話有大便, 真係令我同郁爸心力交瘁...

好不容易才到12點幾, 飛機終於降落到日本的成田機場了..

我們原先的計劃是, 三叔三嬸先以9秒9衝去排隊入境..

但點知佢地係飛機度填個張FORM, 又填漏左後面一版...比人截停左重新填FORM, 最後係由我同郁B站在隊頭比三叔三嬸插隊的..

一出到去, 我地就搵那個SUICA 卡+ NEX既窗口買套票, 真係好抵呢~~3500一張套票, 但包一次機場快線去池袋, 但張SUICA卡仲有1500 YEN比我地用~~

我地仲趕得上1:15那班車, 比原定時間早左成個幾鐘呀~開心死我地呀~

但一上到架機場快線火車時, 個D暖氣勁到呢~~我地除衫都除唔切呀!!!!

3點幾我地就到達今次我地住既池袋SUNSHINE CITY PRINES啦~~

真係我同郁爸上次黎渡蜜月那間酒店呀.

不過當時都未有地下街 (定係我地個時唔知呢)

而家真係多左好多野行, 又多野食揀~~

我地今次住既係TWIN ROOM, 係3310, 未來四晚我地都會係呢度訓嫁啦~

三叔佢地就係樓下 3208

今天大家趕早機, 都好累, 我地入房後就馬上訓一下晏覺..

訓覺前, 我在便利店買到我最愛的明太子飯團呀~都係135 YEN咋~~

到左6:00, 我諗住搵三嬸去行酒店樓下既特賣場, 點知呢個時候, 郁郁B都醒左..我唯有帶埋郁郁B去哪.

因為郁爸此時正睡得香甜...

去到OUTLET..真係勁多人呢, 但我地睇左WESTWOOD個D, 極其量都係得7折, 折完都覺得好貴呢, 所以一樣野都冇買到呢...

唔夠7點已經行完了, 打電話叫郁爸同二叔落黎食飯

今晚我地係PLAN左在酒店樓下度食和幸炸豬扒

雖然我不太喜歡炸野, 但佢D炸豬扒又真係好味, 好鬆軟~~

而且佢個餐D椰菜同白飯都係任裝的~~我都REFILL左一次椰菜呀, 加少少柚子醋好好味呢~~

食完飯, 行左 一陣, 今日既行程就完結了, 因為今天實在好累好累..想早點休息..

仲約埋FIONA出黎同我食飯, FIONA係APM返工, 好近我呢~~

我都好想係APM返工呀, 對我黎講勁方便呀~

FIONA仲比左好多東京旅行既意見+TIPS我~~

仲有兩件好令既樣辦外套呢~~~認真有我心呢~~

三叔都有出黎幫我手一齊去買野..

同埋去中旅社幫郁郁B拎回鄉卡, 郁郁B可以回去我地既祖國了~~

但媽咪陀住細郁, 應該都冇物機會要返上大陸了...

拎定個回鄉卡都係旁身既多..

今天都開始執拾行李了....

但我一拎個行李箱出黎, 郁郁B就急不及待甘去搞個行李箱, 我根本無法執到行李...

唯有等佢訓晏覺時先再執...

真係比佢激死..

個行李箱責親佢隻腳仔, 痛痛, 都仍然要繼續搞個行李箱......

明天一早5:30就要出發去機場,,,,諗起都驚,,甘早起身,

希望一切順利啦~~

我9:30去到,,,等到成11:45先到我去見姑娘, 抽血個D..

今次第一次產檢, 要抽4筒血呀~~~~~

不過, 我係勇敢既郁媽, 抽4筒血都冇問題啦!!!

成12點先搞掂, 再去郁郁B家庭醫生度配定D藥帶去旅行既, 我亦配定D孕婦可以食既感冒藥, 以備不時之須~~

但最搞笑既係, 診所姑娘問我郁郁B配藥個度, 要配幾多日,唔知點解我好快就答左 5 日, 因為我地去日本5日呀麻..

但諗諗下, 邊駛配甘多日藥呀....

不過唔講都講左哪..冇計, 好彩都唔算好貴, 配5日藥都係250元咋, 比想像中平...但真係勁多支藥水LO~~哈, 笑死人..

晚上約左三叔, 三嬸佢地去返上環食佢地酒席剩返個圍...

都幾好味呀...

三嬸D姊妹竟然又有禮物比郁郁B...

真係多謝哂佢地哪~

食完飯, 小英車我地返屋企, 所以好快返到去, 好野, 可以早D休息~~

其實, 呢排都開始冇甘累哪.., 但就唔係食到好多野, 唯有少食多餐, 細郁對我真係好呢, 唔想媽咪太肥吧~~~