年紀大左真係唔多掂....

好累呢~~~~~

今天下午5點幾, 阿明黎車埋我地一齊去入將軍澳 阿德度又再開賭..

不過今次我只係負責照顧郁郁B, 因為佢地都係郁爸D兄弟, 就讓郁爸玩過夠吧~~

再加上佢地打麻將LEVEL比我高, 我會好大壓力的~

而家我昨晚打麻將都打到好累了, 今天唔想再打..

我地7:30叫PIZZA HUT外賣, 但到10:30 D外賣先送到黎啦~~

真係太誇張..

食埋野都成11:30了, 我地要回家了, 雖然我繼續有假放, 但郁爸明天已經要返工了~~~所以唔敢收係度繼續玩哪~~

不過郁爸今天反而贏錢WO~~贏返昨晚輸既~~甘都好呀~打個和~~

行程如下:

先由藍田搭603去灣仔

跟住係灣仔碼頭搭船返去尖沙咀

在尖沙咀食D野, 就搭返215X返屋企

此行既目的係比郁郁B搭佢最鐘意搭既船船

係搭船時, 郁郁B唔肯落地, 行埋去窗口度望到海水, 就話"嘩, 好驚呀~"跟住就走返郁爸既身邊~~勁好笑

見到迎面而過既船, 郁郁B就同船船講 " BYE BYE, 再見~~返屋企啦~~"

有影相的, 稍後補上

晚上返去藍田食開年飯, 閙哂交甘...又係燥底既年初二..

早上訓醒, 我地依照以往, 都係先去郁郁B既太麻麻家中請安~

我地地獄式甘訓練左郁郁B講 "恭喜發財, 身體健康" , 但郁郁B最後刮係講到 "發財~~健康~~~~"

但都足以拎到各位長輩既利是啦~~

跟住屎忽鬼99物又係過黎同太麻麻飲茶

之前佢話唔過黎太麻麻度, 要三叔三嬸先去佢現時既住處向佢請安先WO~~

三嬸初入門, 冇計, 要去, 我就采佢都有味呀~~好彩郁爸伙都係唔采佢既, 企係我同一陣線度~~

等屎忽鬼99過黎, 等左成兩粒鐘呀~~反正都要過黎, 做咩唔一次過係太麻麻度等, 又要先去佢個度再返去太麻麻個度呀~

唔閙多句99正屎忽鬼都唔得既!!

晚上就返左我媽咪度食飯, 又係好搞笑,,,,竟然話個飯煲痴底, 所以唔用個飯煲黎煮飯...而家ONLY用個微波爐膠飯煲仔黎煮飯, 每次煮親都係得個三碗飯...

真係見到都萌, 做咩幾百元一個飯煲我細佬都唔買呀!!!!

我細佬去咩南京渡蜜月, 竟然比左兩盒豆干我做手信...呢D都係手信?肉唔肉酸D呀, 我寧願你唔好送野比我好了....

今天過左一個燥底的年初一..

於是今天一訓醒就捉埋郁爸+郁郁B 同埋三嬸一齊去辦年貨啦..

最Q煩既就係奶奶, 都唔知買咩比佢好

甘物打個電話問下佢想要咩啦

郁媽: 99呀, 想問下你今年新年想收咩呀, 諗唔到呀..

99: 隨便買得嫁啦~~~ 不過唔好買糖哪, 買D實際D既, 好似蝦子麵甘啦~不過你買蝦子麵又唔好亂買WO, 邊隻同邊隻牌子既蝦子麵都唔好食嫁~你買XX牌既蝦子麵就口岩嫁啦~~~~

又話隨便買, 但後面又甘多要求....真係全世界最麻煩既99非佢莫屬...

跟住買埋新既裝飾品返屋企佈置~~

大功完成, 迎接虎年年初一~~

太后決定比我地再早一天放假(當然要扣大假嫁啦)

今天仲諗住可以同郁郁B返學放學, 但郁郁B都係今天起就已經開始放假了..

甘我就決定帶埋郁郁B, 阿LI 一起跟三叔返工, 因為我同郁郁B都要HAIR CUT呀~~

郁郁B就稍為修一修就OK哪

但我就要大變身~~~由長頭髮剪到好短呢~~~

我要係郁郁B面前變身, 以免佢唔認得我係媽咪呀~~~~

剪完頭髮, 我地就慢慢行去灣仔碼頭, 搭船去尖咀~~

要去海港城既JAL公司拎龍貓館既門票, 之前上網訂左, 要去拎的~

今次係郁郁B第一次搭船船呀~~佢好興奮呢~~~係甘同我講話:媽咪, 我地去搭船船呀~!!"

不斷重複呢句說話, 跟住我又要應返佢

"係呀. 我地而家物去緊搭船船LO"

下下要答十幾次嫁,,,都咪話唔煩,,,,

拎完門票後, 就係海港城既FOOD COURT食飯

點知, 郁郁B突然間指住坐係後面那張台既女仔, 話"媽咪, 那個姐姐好令呀~~媽咪, 那個姐姐好令呀~~媽咪, 那個姐姐好令呀~~媽咪, 那個姐姐好令呀~~"...

真係救命呀~佢係邊度學返黎嫁~~其實那個姐姐一點都唔算令嫁,,,只不過人地著住超短裙...

郁郁B而家一見到女仔著裙, 著絲襪的, 就會係甘話姐姐好令呀~~~~

真係好失禮呢...