今年郁郁B有兩個燈籠呢~~一個係婆婆送既傳統點蠟燭既兔仔燈籠, 一個係KID KID 姐姐送既史迪仔公仔膠燈籠..

史迪仔那個, 未到中秋已經比郁郁B整爛左個燈泡唔識著哪.....

今晚同公公婆婆舅父係八喜食飯做節~~~舅父竟然請食飯WO~~~轉左性呀~~~~~

食完飯10點度, 諗住同郁郁B去公園玩一陣吧~畢竟是中秋節麻~~

係公園度, 真係勁多小朋友呢~~郁郁B玩得好開心呀~~

我用18元買左呢支喜羊羊既閃燈搖鼓比郁郁B...佢頭個5分鐘都拎住黎玩既...

一去到公園,,,郁郁B就係甘執人地既塋光棒黎玩....垃圾佬甘...

仲電到個大叔比左個塋光棒整成既波佢玩TIM.....

留意,,郁郁B左邊額頭又紅左,,,,物又係因為佢掛住玩,,,又仆低左LO..不過今次佢有得玩..所以仆低左自己起返身, 一句都冇哭過呀~

郁爸把搖鼓插係郁郁B既後背, 勁似雷震子呢~~~~哈

郁郁B手拎住既史迪仔燈籠係人地既...手上拎住既塋光棒係地下執既...

郁郁B 走到原本放梳化的位置, 行黎行去, 攤開雙手 講左一句 "唔見左!!"

事緣係張梳化收左返大陸修理, 要一個星期先會送返黎~

郁郁B係管家仔, 唔見左張梳化, 佢好緊張甘話比我地知"唔見左~!"

好好笑~~~

佢地既新居好近我地, 行過去都係15分鐘度~~

呢個星期六 & 日, 我就上左去幫手清潔啦~~

之前那個星期, 郁爸晚上都有上去幫手的, 跟住仲同我講, 佢地清潔左好多, 我地上到去應該都冇物野要抹...

原來,,,男生同女生既標準係差甘遠既....

我地上到去...真係覺得勁太灰塵, 樣樣野都好污糟, 真係見到就萌呀~~~

三叔佢地就甘一句話個D係千年油漬, 就唔理佢~~

地下有D油漆漬, 又話會搵野摭住佢, 又唔駛理佢....

真係比佢地激死~~~~

我地唯有博哂老命甘用強力清潔去油劑, 用百潔布係甘擦擦擦~~~

經過星期六+星期日兩天既努力, 先算真係見得下人既乾淨!!!

期待兩位加盟藍田~~~~~

郁郁B 將會係今年11月4日就會第一次返學了~~~

4號, 5號, 6號都係適應期, 都係會返一個鐘嫁咋..

郁爸預左個幾日會請假嫁啦...我就肯定會請唔到假嫁啦...唔駛預我哪....

今天交左1799元學費,,,再加K1既留位費600元..仲有買左對校鞋70元

雖然今天駛左好多錢...但係, 終於定到郁郁B有學返~~真係好開心呀~~~~~

手續辦好後, 老師問郁郁B玩唔玩車車, 如果要玩車車就要同爸爸媽咪BYE BYE!

郁郁B答老師"玩", 跟住好快甘同我地BYE BYE, 自己就一支箭甘衝左入去玩車車....冇理過我地了.......

郁爸入去諗住捉返郁郁B走...點知郁郁B一見到郁爸,,,仲係甘同郁爸 "BYE BYE"......

睇黎.....郁郁B唔須要那個適應期WO......

幫我優先報到平田救世軍呀~~~(呢間野我上年帶郁郁B去INTERVIEW過, 不過佢話由於學位有限, 所以冇收到郁郁B呀~)

郁郁B將會係今年11月就插班入去讀N班了~~

跟住連隨就會係呢間升K1~~~實在太開心了~

終於有學校肯收郁郁B了~~~

好想快D睇下郁郁B穿校服既模樣呢~~~