因為明晚C WAI伉儷會到寒舍吃飯飯, 所以要買送LO

不過佢地同其他人都係一樣嫁啦, 醉翁之意不在酒, 在於探下郁郁B, 同想親身睇郁郁B表演 SHAKE YOUR BODY~!!

郁郁B一上到去吉之島那一層, 就FING開郁爸隻手, 自己衝過去搶左架BB購物車,

郁爸話郁郁B背住個購物袋, 跑到成個C9甘, 個樣好好笑~

一入到去超級市場度, 郁郁B就係甘左指右指甘, 仲要係甘講"有~有~~有~有~~~~" 真係笑死街坊呀~

今天郁爸休息, 照原定行程帶左郁郁B去打六合一針, 仲以為打埋呢支針就打哂啦~

點知原來仲有一支水豆針要打, 又要去格價睇下邊度打會平D哪.....

唉, 諗起明天就有點灰了, 因為細太后上個星期到今天都去左旅行, 令到公司都好寧靜呢~~

但係,,,明天細太后就會回朝的了....佢地大細太后一聚埋, 就會諗到好多屎坑橋, 而且仲會搵到我地黎搞TIM.

真係希望明天能大步攬過就好了...

你要乖乖呀~~

快D學識講野, 甘就可以篤阿LI姐姐既背脊啦~~

究竟阿LI姐姐有冇同你噴蚊怕水呀, 有噴既話, 點知支蚊怕水都好似冇用過甘大支既.....

其實我到而家, 都唔係好相信我生左個BB.......

除左郁郁B係我周圍行黎行去既時候,,,當然唔能夠唔相信哪...

不過, 好大部份時間, 我都仍然覺得好似好虛幻甘,...唔敢相信自己真係有個兒子....

因為, 想當時, 陀住郁郁B時, 係幾甘辛苦, 辛苦在個時郁爸成日都要開工開到好夜, 大部份時間我都係一個人留係屋企...

那時候, 就只有在肚裡面既郁郁B跟我寸步不離...仲會郁身郁勢TIM..有片為證..

那時候, 常常在想, 甚至發夢都有在想, 究竟我肚裡面那隻頑皮豬係點既樣既呢...

由郁郁B出世時, 頭髮都唔多一條., 剩係得D好似用原子筆畫上去既頭髮....我幾擔心佢由BB開始要查生髮水呀...

到幾個月後,,,郁郁B既頭髮仍然唔多......

只能勉強分到中間分界...

頭髮一直都冇物進展呢...

剩係得個身越來越澎脹...

就算頭髮有生長, 都只限於頭頂正中那一撮..

我做阿媽既真係越來越擔心哪..

原來, 我既擔心係多餘既...

開頭, 仲以為郁郁B唔鐘意痴住爸爸TIM..

原來, 我既擔心又係多餘既...

睇黎, 我又真係唔駛甘擔心既....

上面一段片, 訴說了爸爸的辛酸~而且仲好好笑TIM~

的確, 自從郁郁B出左世之後, 所有事既重點都會放左係郁郁B身上..

每天除了上班, 一收工就會第一時間返屋企, 我地唔會輕易甘出外食飯, 除非係帶埋郁郁B出去哪..唔係既話, 我係會食唔落的啊~~~~~

星期六/日, 都係FAMILY DATE~都會去一D 口岩郁郁B玩玩既地方~

好似打風的一個星期日, 我地就帶左郁郁B進行本年度既下水禮了~~

我地同睛睛, 彤彤, C TING媽媽, 一齊去了斧山道既嬉水池度玩水

郁郁B著返去年買既BOBBY泳衣~~今年著仲口岩身D WO~~~

呢張係舊年既相..今次去斧山道泳池唔比影相..

郁郁B玩滑梯玩得勁開心~~玩到唔捨得走TIM呀~~

不過我同郁爸就累到要死了...郁爸第二日仲拎埋SICK LEAVE TIM,,可想而知, 同郁郁B去一次玩水係幾甘累呢~~

本來諗住18/07呢個星期六又去玩一次的, 但又撞正打風, 仲要好勁個隻... 勁成點, 有片你睇,,,勁好笑..

仲有,,,曹SIR D普通話好勁啊~~笑爆咀~~

輕鬆下啦~~~~香港人~~~~

只要郁爸見到郁郁B又係度搞搞震, 冇幫襯, 就會大喝一聲, 郁郁B就會知衰甘, 好可憐甘喊哂口~

跟住, 我就會講"過黎媽咪度啦~我係好人黎嫁麻~!"

冇錯, 我係屋企裡面, 主要係飾演好人既角色, 而負責打打罵罵既, 就係郁爸既角色...

但我知道, 郁爸係打郁郁B手仔既同時, 郁爸個心, 比郁郁B痛上十倍呢...

因為每次郁郁B差D跌低, 郁爸都會以九秒九去訓身接住郁郁B, 唔想比佢跌親的~

所以我知道, 郁爸其實真係"恨鐵不成鋼", 唔想郁郁B變成裙腳仔, 變得嬌生慣養, 所以先對郁郁B甘嚴厲！

不過郁爸既愛, 郁郁B又點會感受唔到呀~~

雖然郁爸係罵郁郁B罵得最甘既, 有時我聽到都覺得,,駛唔駛甘惡呀...罵到郁郁B喊得甘淒涼, 搞到我呢個阿媽都有D眼濕濕呀~~

但郁郁B一轉過頭又飛僕去郁爸度玩玩~~~~

可見郁郁B始終最痴既都係郁爸~~~成日叫住爸爸, 爸爸,,仲要好嬌爹甘樣~~~

 郁郁B呢招確實係勁~~確實係醒~~~~仲要係有阿媽一半甘醒!!!

知道郁爸既弱點就係自己~~

唔止我一個甘講嫁...

所有郁爸既親戚, 包括阿麻, 姑姐, 就連三叔, 三嬸, 都話郁爸收哂D火, 而且肯定走唔出郁郁B既五指山TIM~~

多謝小咕媽既分享呢~S.H.E-"金鐘罩鐵布衫" 正好描述了我們做人爸媽既心情呀~~~~~

好孩子你要聽話　要有善良的想法
畢竟我無法　時時刻刻看護在身旁

我要給你個金鐘罩　一個鐵布衫
走多了崎嶇的路也不覺得害怕
我要給你個好靈魂　一副好心腸
看見的美麗風景全都捨得分享

爹地媽咪一定好好看著你長大
還有好多事情要跟你講

郁媽以往都唔係點著高跟鞋

但係,,買左,,冇理由唔著嫁~而且對鞋仲要甘令TIM..

唔止我一個話令嫁~

郁郁B一見我拎是但一對高跟鞋出黎著, 佢就會係甘指住對鞋話"令令, 令令"嫁~~~

係指住對鞋話令令, 郁郁B從來冇指住郁媽話令令........

經過好幾日既練習, 就係迫自己返工一定要著高跟鞋, 而家真係覺得著高跟鞋冇問題WO~~真係開心~~

好似終於畢業做到大個女甘~

郁郁B都有陪郁媽一齊黎挑戰兩寸半WO~

我有影低郁郁B挑戰兩寸半既過程, 不過段片得好短..

郁郁B比較鐘意呢對白色既高跟鞋, 所以佢就拎另一對藍色的比我著, 自己著白色...

係咪因為郁郁B知道自己今日著既衫都係淺色D既, 所以要揀返對白色既高跟鞋?

佢又真係行到嫁WO

郁郁B都著得幾好睇呀~~哈~~

郁郁B~大個你就知你細個時做過D白痴野仲要比媽咪影埋相做證據~~~哈

郁郁B無啦啦谷到行哂甘擺PO, 好似好大隻下甘WO, 令仔~

一放鬆, 個肚腩就走哂出黎LU~采~~~~~

呢個PO係咪好誘人呢~~~~~係咪可以做個D" 猛男" BB版既封面